പ്ലസ്​ 40 ഫുട്​ബാൾ ടൂർണമെൻറ്​ വെള്ളിയാഴ്​ച തുടങ്ങും

ജിദ്ദ: ജെ.എസ്.സി, ഐ.എസ്.എം അക്കാദമി ജിദ്ദയിൽ ആദ്യമായി 40 വയസ്സിന് മുകളിലുള്ളവർക്കായി താമർ സൂപ്പർ സീനിയർ കപ്പ് എന ്ന പേരിൽ ഫുട്​ബാൾ ടൂർണമ​​െൻറ് സംഘടിപ്പിക്കുന്നു.കഴിഞ്ഞ കാലങ്ങളിൽ കാൽപന്തുകളിയിൽ മൈതാനങ്ങളെ ത്രസിപ്പിച്ച്​ ഗാലറികളിൽ ആരവം തീർത്ത പ്രഗൽഭ കളിക്കാരുടെ വിസ്​മയ പ്രകടനങ്ങൾക്ക്​ അവസരമൊരുക്കുകയാണ്​ ഇൗ ടൂർണമ​​െൻറിലൂടെ എന ്ന്​ സംഘാടകർ പറഞ്ഞു. പഴയകാല കളിക്കാരുടെ സേവനം ജിദ്ദയിലെ പ്രവാസി പുതുതലമുറകൾക്കും ക്ലബ്ബുകൾക്കും അക്കാദമികൾക്കും ലഭ്യമാക്കുക കൂടിയാണ്​ ലക്ഷ്യം. എട്ടു പ്രമുഖ ടീമുകൾ നോക്ക് ഔട്ട് അടിസ്ഥാനത്തിൽ നടത്തുന്ന സൂപ്പർ സോക്കർ ലീഗിൽ പ​െങ്കടുക്കും.

ബ്ലാസ്​റ്റേഴ്​സ്​ എഫ്​്​.സി, കാപ്പ എഫ്​.സി, മമ്പാട്​ ഫ്രൻറ്​സ്​, പ​​െൻറിഫ്​ എഫ്​.സി, ജെ.എസ്​.സി സീനിയേഴ്​സ്​, ടൗൺ ടീം അരീക്കോട്​ ബ്ലു സ്​റ്റാർ എഫ്​.സി, സോക്കർ ഫ്രീക്​സ്​ എന്നീ ടീമുകളിലായി പ്രഗൽഭ താരങ്ങൾ മാറ്റുരക്കും. ജനുവരി നാലിന് വെള്ളിയാഴ്ച ഖാലിദ് ബിൻ വലീദ്​ ഹിലാൽ ശാം സ്​റ്റേഡിയത്തിൽ രാത്രി ഏഴിന് ടൂർണമ​​െൻറ് ആരംഭിക്കും. 18^ന് രാത്രി ഒമ്പതിന് ഫൈനൽ മസരങ്ങളും നടക്കും. കാണികൾക്ക്​ ആകർഷകമായ സമ്മാനങ്ങൾ ഏർപ്പെടുത്തിയിട്ടുണ്ട്. സീസൺസ് റസ്​​റ്റൊറൻറിൽ നടന്ന ചടങ്ങിൽ ലൈവ് ഫിക്‌സ്​ചർ റിലീസ് ചടങ്ങിൽ സൗദി ഗസ്​റ്റ് ചീഫ് സ്പോർട്സ് എഡിറ്റർ കെ.ഒ പോൾസൺ, താമർ ഗ്രൂപ്പ്​ പ്രതിനിധി ടി.പി ബഷീർ എന്നിവർ മുഖ്യാതിഥികളാ യിരുന്നു.

ചീഫ് കോച്ച് പി.ആർ സലീം കളിനിയമങ്ങളും നിർദേശങ്ങളും അവതരിപ്പിച്ചു. മാധ്യമ പ്രവർത്തകരായ മായിൻകുട്ടി (മലയാളം ന്യൂസ്), പി. ഷംസുദ്ദീൻ ( ഗൾഫ് മാധ്യമം), പി.കെ സിറാജ്, ബിജു രാമന്തളി, ഇസ്മായിൽ കല്ലായി തുടങ്ങിയവർ ആശംസ നേർന്നു. ചടങ്ങിൽ ജാഫർ അഹമ്മദ് അധ്യക്ഷത വഹിച്ചു. പ്രവീൺ പദ്മൻ സ്വാഗതവും അഡ്വ. അഷ്റഫ് നന്ദിയും പറഞ്ഞു. ടൂർണമ​​െൻറ്​ കൺവീനർ റാഫി ബീമാപള്ളി, അഷ്‌ഫാഖ് എന്നിവർ നേതൃത്വം നൽകി.