സുന്നി െഎക്യം: പൊതു പെരുമാറ്റച്ചട്ടം അനിവാര്യം -അഡ്വ. ഇസ്​മായിൽ വഫ

ജിദ്ദ: കേരളത്തിലെ മുസ്​ലിം സംഘടനകൾക്കിടയിൽ ഐക്യമുണ്ടാവുന്നതിന് പൊതുപെരുമാറ്റച്ചട്ടം അനിവാര്യമാണെന്നും ഇ രു വിഭാഗം സുന്നികൾക്കിടയിലുള്ള ഐക്യശ്രമങ്ങൾക്ക് തുടക്കം കുറിച്ചതായും സുന്നി എ.പി വിഭാഗം വക്​താവും കേരള മുസ്​ ലീം ജമാഅത്ത് സെക്രട്ടറിയുമായ​ അഡ്വ. ഇസ്​മായിൽ വഫ. ഹ്രസ്വ സന്ദർശനാർഥം ജിദ്ദയിലെത്തിയ അദ്ദേഹം ‘ഗൾഫ് മാധ്യമ’ ത് തോട് സംസാരിക്കുകയായിരുന്നു. ഇരുസുന്നി വിഭാഗങ്ങൾ തമ്മിലുള്ള ഐക്യസംഭാഷണം പുരോഗമിച്ച് വരികയാണ്​. കേരളത്തിലെ മുസ്​ലിംകൾക്കിടയിൽ ഐക്യം സാധ്യമാവാൻ പൊതുപെരുമാറ്റച്ചട്ടത്തിന് രൂപം കൊടുക്കുന്നത് അനിവാര്യമാണ്​. സുന്നി സംഘടനകൾക്കിടയിലെ ഐക്യചർച്ചയുടെ ആദ്യഘട്ടം പൂർത്തിയായിട്ടുണ്ട്​. രണ്ടാം ഘട്ട ഐക്യ ചർച്ച അടുത്തുതന്നെ നടക്കുമെന്നാണ് പ്രതീക്ഷ. കോഴിക്കോട് മെഡിക്കൽ കോളജിലെ ഒരു പ്രഫസറുടെ മേൽനോട്ടത്തിലാണ് ഐക്യചർച്ച പുരോഗമിക്കുന്നത്.

കേരളത്തിൽ പല പള്ളികളും ഇരുവിഭാഗം സുന്നികൾ തമ്മിലുള്ള തർക്കത്തി​​​െൻറ പേരിൽ അടഞ്ഞുകിടക്കുന്നത് നിർഭാഗ്യകരമാണ്. ഇരുവിഭാഗവും ഇസ്​ലാമിക മൂല്യങ്ങളിലേക്ക് തിരിച്ചുവരിക, പരസ്​പരമുള്ള രൂക്ഷ വിമർശനങ്ങൾ ഒഴിവാക്കുക, പരിപാടികൾക്ക്​ ക്ഷണിക്കുന്നതിൽ ഉദാരസമീപനം സ്വീകരിക്കുക, വിട്ടുവീഴ്ചക്ക് തയാറാവുക തുടങ്ങിയവ പൊതു പെരുമാറ്റച്ചട്ടത്തിൽ ഉൾപ്പെടുത്തുന്നത് ഫലപ്രദമായിരിക്കും. സർവ്വോപരി രാഷ്​ട്രീയ വിഷയങ്ങളിൽ തീവ്രമായ സംഘടനാ പക്ഷപാതിത്വം കൈവെടിയുന്നത് ഐക്യശ്രമത്തെ ത്വരിതപ്പെടുത്തും. ഇരുവിഭാഗത്തിനും ഇഷ്​ടമുള്ള രാഷ്​ട്രീയ നിലപാട് സ്വീകരിക്കാൻ സ്വാതന്ത്ര്യമുണ്ടായിരിക്കേണ്ടതാണ്. കാരണം എ.പി വിഭാഗം സുന്നികൾ സന്ദർഭോചിത രാഷ്​​്ട്രീയ നിലപാടുകളാണ് സ്വീകരിക്കുന്നതെങ്കിൽ ഇ.കെ വിഭാഗം സുന്നികളിൽ ഭൂരിഭാഗവും മുസ്​ലിം ലീഗനുകൂല നിലപാട് സ്വീകരിക്കുന്നവരാണ്. ഇത്തരം കാര്യങ്ങളിൽ കടുത്ത നിലപാട്​ ഗുണകരമാവില്ല. മഹല്ലു കമ്മിറ്റികളിൽ ആനുപാതിക പ്രാതിനിധ്യവും സുന്നികൾ തമ്മിലുള്ള ഐക്യശ്രമത്തെ ശക്തിപ്പെടുത്തും.

മനുഷ്യ ജീവിതത്തി​​​െൻറ മുഖ്യ ലക്ഷ്യം സന്തോഷമാണെങ്കിലും ആ ലക്ഷ്യം കൈവരിക്കുന്നതിൽ ഭൗതിക പ്രത്യയശാസ്​ത്രങ്ങളും രാഷ്​ട്രങ്ങൾ പോലും തികഞ്ഞ പരാജയമാണെന്ന് കൗൺസലിങ്​ വിദഗ്​ധൻ കൂടിയായ ഇസ്​മായിൽ വഫ പറഞ്ഞു. ഇക്കാര്യത്തിൽ ഭൂട്ടാനും യു.എ.ഇ യും കൈവരിച്ച പുരോഗതി ശ്ലാഘനീയമാണ്​ . ഇരു രാഷ്​ട്രങ്ങളിലും പൗരന്മാരുടെ സന്തോഷത്തിന് പ്രത്യേക മന്ത്രാലയവും വകുപ്പുകളും രൂപവത്​കരിച്ചിട്ടുണ്ട്. ഇസ്​ലാം മനുഷ്യ​​​െൻറ സന്തോഷ ജീവിതത്തിന് കൃത്യമായ സിദ്ധാന്തങൾ ആവിഷ്കരിച്ചിട്ടുണ്ട്​. അത് നടപ്പാക്കുന്നതിലൂടെ ഇരുലോക വിജയം കരസ്​ഥമാക്കാം. അതിൽ ഏറ്റവും പ്രധാനം നിലവിലുള്ള അവസ്​ഥയിൽ സന്തുഷ്​ടനായിരിക്കുക, മനുഷ്യ ബന്ധങ്ങൾ കാത്തുസൂക്ഷിക്കുക, എല്ലാവർക്കും മാപ്പ് കൊടുക്കുക തുടങ്ങിയവയാണ്​.