യന്ത്രമനുഷ്യന് സർക്കാർ ജോലി

റിയാദ്: സൗദി സര്‍ക്കാര്‍ സേവനത്തിലെ ആദ്യ റൊബോട്ട് വിദ്യാഭ്യാസ മന്ത്രി ഡോ. അഹമദ് ബിന്‍ മുഹമ്മദ് അല്‍ഈസ പൊ തുജനങ്ങള്‍ക്ക് സമര്‍പ്പിച്ചു. വിദ്യാഭ്യാസ മന്ത്രാലയത്തിന് കീഴിലെ പ്രഫഷനല്‍ ട്രെയിനിങ്​ അതോറിറ്റിയുടെ ആസ്ഥ ാനത്ത് ഞായറാഴ്ച നടന്ന പരിപാടിയിലാണ് മന്ത്രി റൊബോട്ട് സേവനം ഉദ്ഘാടനം ചെയ്തത്. ‘ടെക്നിഷ്യന്‍’ എന്ന പേരിലുള്ള റൊബോട്ട് കസ്​റ്റമര്‍ സര്‍വീസ് മേഖലയിലാണ് സേവനമനുഷ്​ഠിക്കുക. വിദ്യാഭ്യാസ മന്ത്രാലയത്തി​​​െൻറയും അനുബന്ധ സ്ഥാപനങ്ങളുടെയും സേവനങ്ങളെ വിലയിരുത്താന്‍ റൊബോട്ട് ഉപകരിക്കും.

ട്രെയിനിങ്​ അതോറിറ്റിയുടെ സന്ദേശങ്ങള്‍ പൊതുജനങ്ങൾക്കെത്തിക്കാനുള്ള ഓണ്‍ലൈന്‍ സേവനവും ​െറാബോട്ട് വഴിയാണ് നടക്കുക. വിദ്യാഭ്യാസ മന്ത്രിയും മന്ത്രാലയത്തിലെ ഉന്നത ഉദ്യോഗസ്ഥരും ട്രെയിനിങ്​ അതോറിറ്റി പ്രസിഡൻറ്​ ഡോ. അഹമദ് ബിന്‍ ഫഹദ് അല്‍ഫുഹൈദും ഉദ്ഘാടന പരിപാടിയില്‍ സംബന്ധിച്ചു. സര്‍ക്കാര്‍ സേവന നിലവാരം ഉയര്‍ത്തുന്നതി​​​െൻറ ഭാഗമായാണ് ഇലക്ട്രോണിക് രീതി കൂടുതല്‍ അവലംബിക്കാന്‍ തീരുമാനിച്ചതെന്ന് മന്ത്രി പറഞ്ഞു. വിഷന്‍ 2030​ ​​െൻറ ഭാഗമായാണ് പദ്ധതി . വിദ്യാഭ്യാസം പൂര്‍ത്തീകരിച്ച് പുറത്തിറങ്ങുന്ന യുവതീയുവാക്കള്‍ക്ക് ഇത്തരം സേവനങ്ങള്‍ കൂടുതല്‍ ഉപകരിക്കുമെന്നും മന്ത്രി വിശദീകരിച്ചു.