പ്രളയകാലത്തെ രക്ഷാ പ്രവർത്തനങ്ങളുടെ വീര സ്​മരണകളുമായി കേണൽ ശശി കാന്ത്​

ദമ്മാം: സൗഹൃദ സന്ദർശനത്തിന്​ ദമ്മാമിലെത്തിയ ഇന്ത്യൻ കോസ്​റ്റ്​ ഗാർഡ്​ കപ്പലിലിരുന്ന്​ ലെഫ്.​ കേണൽ ശശികാന് ത്​ വാഖ്​​​ഡെ കേരളത്തിലെ ​പ്രളയകാലത്തെ രക്ഷാ ദൗത്യത്തി​​​െൻറ ഒാർമകൾ പങ്കുവെച്ചു. അന്ന്​ തുരുത്തിൽ നാലു ദിവസം ഒറ്റപ്പെട്ടുപോയ നവജാത ശിശുവടക്കമുള്ള കുടുംബത്തെ സാഹസികമായി രക്ഷപ്പെടുത്തിയ‘ ഒാപറേഷൻ വാട്ടർ ബേബി’ എന്ന ദൗത്യത്തിന്​ നേതൃത്വം ​െകാടുത്ത ധീരജവാനാണ് ​കേണൽ ശശികാന്ത്. അന്ന്​ ദേശീയ മാധ്യമങ്ങളടക്കം ഇൗ സംഭവം പ്രാധാന്യത്തോടെ റിപ്പോർട്ട്​ ചെയ്​തിരുന്നു. മഹാരാഷ്​ട്ര സ്വദേശിയാണ്​ ഇദ്ദേഹം. ആ കാലം എനിക്ക്​ മറക്കാനാവില്ല, കേണൽ പറഞ്ഞു തുടങ്ങി.. അന്ന്​ കേരളത്തി​​​െൻറ ഏതാണ്ട്​ എല്ലാ ഭാഗങ്ങളിലും രക്ഷാ പ്രവർത്തനങ്ങളുമായി ഞങ്ങൾ എത്തിയിരുന്നു. ആഗസ്​ത്​ 12 ന്​ കൊച്ചിയിൽ കോസ്​റ്റ്​ ഗാർഡ്​ ഉദ്യോഗസ്​ഥരുടെ യോഗത്തിൽ പ​െങ്കടുത്തു കൊണ്ടിരിക്കു​േമ്പാഴാണ്​ അടിയന്തര സന്ദേശം എത്തുന്നത്​.

ഇടുക്കിയിൽ അണക്കെട്ട്​ തുറന്ന്​ വിട്ടതിനെ തുടർന്ന്​ അനിയന്ത്രിതമായി ജലനിരപ്പ്​ ഉയരുന്നതിനാൽ രക്ഷാ പ്രവർത്തനങ്ങൾക്കായി എത്തിച്ചേരണം എന്നായിരുന്നു സന്ദേശം. അരമണിക്കൂറിനകം 20 പേരടങ്ങുന്ന മുങ്ങൽ വിദഗ്​ധരുമായി ശശികാന്ത്​ ഇടുക്കിയിലേക്ക്​ പുറപ്പെട്ടു. ഹെലികോപ്​ടറുകൾക്ക്​ എത്തിപ്പെടാൻ സാധിക്കാത്ത ഇടങ്ങളിൽ കുടുങ്ങിപ്പോയവരെ പേമാരിയിൽ കുത്തിയൊഴുകുന്ന വെള്ളച്ചാട്ടത്തിൽ കുറുകെ നീന്തിയും, തുഴഞ്ഞും രക്ഷപ്പെടുത്തി. നാലു ദിവസത്തെ രാപ്പകൽ നീണ്ട ദൗത്യത്തിൽ 200 ലധികം ആളുകളെ രക്ഷപ്പെടുത്തി. ദുരിതാശ്വാസ ക്യാമ്പുകളിലേക്കും, രോഗികളെ ആശുപത്രിയിലേക്കും മാറ്റിയ ശേഷം വിശ്രമിക്കു​േമ്പാഴാണ്​ നവജാത ശിശുവടക്കം കുടുംബം നാലു ദിവസമായി കുടുങ്ങിക്കിടക്കുന്ന വാർത്തയുമായി ഉദ്യോഗസ്​ഥർ എത്തിയത്​. ശിശുവി​​​െൻറ ജീവൻ രക്ഷിക്കൽ അതി പ്രധാനമായതിനാൽ ഒപറേഷൻ വാട്ടർ ബേബിയെന്ന്​ ദൗത്യത്തിന്​ പേരും കൊടുത്തു.
രാ​ത്രി 10.30 ഒാടെ ആരംഭിച്ച ദൗത്യം ഏറെ ശ്രമകരമായിരുന്നു.

ബോട്ട്​ പലപ്പോഴും ചെളിയിൽ കുടുങ്ങി. കുത്തൊഴുക്കിൽ ഗതിമാറി ഒഴുകി. രാത്രി 2.30 ഒാടെ അവിടെ​െയത്തു​േമ്പാൾ കുടുംബത്തി​​​െൻറ സ്​ഥിതി പരിതാപകരമായിരുന്നു. നാലു ദിവസമായി വെള്ളവും ഭക്ഷണവും കിട്ടാതെ കുടുങ്ങിക്കിടക്കുകയായിരുന്നു അവർ. ഇവരെ സുരക്ഷിതമായി എത്തിക്കാൻ പകൽ വെളിച്ചമാണ്​ ആവശ്യമെന്നതിനാൽ പ്രാഥമിക ശുശ്രൂഷ നൽകി നേരം പുലരുന്നതുവരെ കാത്തിരുന്നു. ആറ്​ അംഗ സംഘ​ത്തെ ബോട്ടിൽ കയറ്റി തിരികെ കൊണ്ടുവരു​േമ്പാൾ ചേറിൽ പുതഞ്ഞ ബോട്ട്​. അവരെ ബോട്ടിലിരുത്തി സംഘം ചുമന്നു. ഒടുവിൽ സുരക്ഷിതമായി ആശുപത്രിയിൽ എത്തിക്കു​േമ്പാൾ ആ അമ്മ പറഞ്ഞ വാക്കുകൾ ഇന്നും കേണലി​​​െൻറ കാതുകളിലുണ്ട്​. ‘നിങ്ങൾ വന്നിരുന്നില്ലെങ്കിൽ ഞങ്ങൾ മരിച്ചുപോയേനെ... നിങ്ങൾ രക്ഷിച്ച ഇൗ കുഞ്ഞ്​ വലുതാവു​േമ്പാൾ അവനെ ഞാനൊരു പട്ടാളക്കാരനാക്കും’...ഒരു ജവാൻ എന്ന അർഥത്തിൽ അഭിമാനം തോന്നുന്നത്​ ഇത്തരം ദൗത്യങ്ങൾ പൂർത്തിയാക്കു​േമ്പാഴാണന്ന്​ വിനയം നിറഞ്ഞ ചിരിയോടെ കേണൽ ശശികാന്ത്​ പറഞ്ഞു. ഇന്ത്യൻ കരസേനയിൽ നിന്ന്​ ഡെപ്യൂ​േട്ടഷനിൽ കോസ്​റ്റ്​ ഗാർഡിൽ എത്തിയ ഉദ്യോഗസ്​ഥനാണ്​ കേണൽ ശശികാന്ത്​.