ഇന്ത്യയിൽ പരിശീലനം നടത്തുന്ന സൗദി സൈനിക സംഘം റിയാദ് എംബസി സന്ദർശിച്ചു

റിയാദ്​: ഇന്ത്യയിൽ പരിശീലനം നടത്തുന്ന സൗദി സൈനിക സംഘം റിയാദിലെ ഇന്ത്യൻ എംബസി സന്ദർശിച്ചു. ഡെപ്യൂട്ടി ചീഫ്​ ഒാഫ്​ മിഷൻ ഡോ. സുഹൈൽ അജാസ്​ ഖാനുമായി കൂടിക്കാഴ്​ച നടത്തി. പൂണെയിലെ നാഷനൽ ഡിഫൻസ്​ അക്കാദമിയിൽ നിലവിൽ പരിശീലനം നടത്തിക്കൊണ്ടിരിക്കുന്ന ആദ്യ സൗദി സൈനികരുടെ സംഘമാണ്​ എംബസിയിലെത്തിയത്​. സൈനിക രംഗത്തെ പരിശീലനത്തിന്​ ഇരു രാജ്യങ്ങളും തമ്മിലുണ്ടാക്കിയ ഉടമ്പടി പ്രകാരമാണ്​​ ഇന്ത്യയിൽ സൗദി സൈനികർക്ക്​ പരിശീലനം നൽകുന്നത്​. കഴിഞ്ഞ വർഷം ഡിസംബർ അവസാന ആഴ്​ചയിലാണ്​ സൗദി സേനയിൽ നിന്നുള്ള ആദ്യ സംഘം പരിശീലനത്തിനായി പുണെയിലെത്തിയത്​. മൂന്ന്​ വർഷ ബിരുദ കോഴ്​സാണിത്​. സൗദി കരസേനയിൽ നിന്നുള്ള ഷായ ജബ്ബാർ അൽഗാംദി, ഇസാം അൽഉതൈബി, ഫഹദ്​ അൽഖഹ്​ത്വാനി, നവാഫ്​ അൽഷഹ്​റാനി, യാസർ അൽഫർഹാൻ എന്നീ അഞ്ച​ുപേരുടെ ഇൗ ആദ്യ സംഘമാണ്​ അവധിക്ക്​ സൗദിയിലെത്തിയപ്പോൾ എംബസി സന്ദർശിച്ചത്​.

കഴിഞ്ഞ വർഷം ഡിസംബറിൽ പരിശീലനത്തിന്​ ഇവർ പുറപ്പെടു​േമ്പാൾ അംബാസഡർ അഹമ്മദ്​ ജാവേദി​​​െൻറ നേതൃത്വത്തിൽ സൗദിയിലെ ഇന്ത്യൻ മിഷൻ ഇവർക്ക്​ ഉൗഷ്​മളമായ യാത്രയയപ്പ്​ നൽകിയിരുന്നു. സൽമാൻ രാജാവ്​ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായിരിക്കെ 2014 ഫെബ്രുവരിയിൽ നടത്തിയ ഇന്ത്യാസന്ദർശനത്തിനിടെയാണ്​ സൈനിക പരിശീലനത്തിന്​ ഉഭയകക്ഷി ധാരണയുണ്ടായത്​. ഇന്ത്യൻ നാഷനൽ ഡിഫൻസ്​ അക്കാദമിയിലെ മൂന്ന്​ വർഷ ശാസ്​ത്ര ബിരുദ കോഴ്സിൽ സൗദിസേനയിലെ ഭടന്മാർക്ക്​ പഠനം നടത്തുന്നതിനുള്ള ഉടമ്പടി ഒപ്പുവെക്കുകയും ചെയ്​തു. കമീഷണ്ട്​​ ഒാഫീസർ ആകുന്നതിന്​ മുമ്പ്​ സൈനികർ ഇൗ കോഴ്​സ്​ പൂർത്തീകരിക്കണം. ഇൗ വർഷം ജൂണിൽ രണ്ടാമത്തെ സംഘവും പൂണെയിൽ എത്തിയിട്ടുണ്ട്​. അതും അഞ്ചുപേരടങ്ങുന്ന സംഘമാണ്​. ഇവരുടെ കോഴ്​സ്​ ജൂൺ 27ന്​ തുടങ്ങി. തിങ്കളാഴ്​ച എംബസിയിൽ നടന്ന കൂടിക്കാഴ്​ചയിൽ ഡി.സി.എം ഡോ. സുഹൈൽ അജാസ്​ ഖാനോ​െടാപ്പം എംബസി ഡിഫൻസ്​ അറ്റാഷെ കേണൽ മനീഷ്​ നാഗ്​പാലും പ​െങ്കടുത്തു.