ആശ്രിത വിസക്കാരുടെ ലെവിയിൽ മാറ്റം വരുത്താന്‍ സാധ്യത

റിയാദ്: സൗദിയില്‍ വിദേശികളുടെ ആശ്രിതരായി രാജ്യത്ത് കഴിയുന്നവര്‍ക്ക് തൊഴില്‍ മന്ത്രാലയം ഏര്‍പ്പെടുത്തിയ ​െലവിയില്‍ മാറ്റം വരുത്തുമെന്ന് തൊഴില്‍ മന്ത്രി എൻജിനീയര്‍ അഹമദ് ബിന്‍ സുലൈമാന്‍ അല്‍റാജ്ഹി. ഇതുമായി ബന്ധപ്പെട്ട ശുഭവാര്‍ത്ത ഉടന്‍ വരുമെന്നും മന്ത്രി പറഞ്ഞു. ചാരിറ്റി സ്ഥാപന മേധാവികളുമായി തൊഴില്‍, സാമൂഹ്യക്ഷേമ മന്ത്രി നടത്തിയ കൂടിക്കാഴ്ചയിലാണ് ഇക്കാര്യംവെളിപ്പെടുത്തിയത്​. ചാരിറ്റി സ്ഥാപനങ്ങളെ വാറ്റില്‍ നിന്ന് ഒഴിവാക്കുമെന്നും മന്ത്രി പറഞ്ഞു. മൂന്നാം കാറ്റഗറിയിലുള്ള ചാരിറ്റി സ്ഥാപനങ്ങള്‍, ജീവകാരുണ്യ, മനുഷ്യാവകാശ സംരക്ഷണത്തിനായി പ്രവര്‍ത്തിക്കുന്ന ലഭേച്​ഛയില്ലാത്ത സ്ഥാപനങ്ങൾ എന്നിവയെ മൂല്യ വര്‍ധിത നികുതിയില്‍ നിന്ന് ഒഴിവാക്കാനാണ് മന്ത്രാലയം ആലോചിക്കുന്നത്.

ചാരിറ്റി സ്ഥാപനങ്ങളുടെ മേല്‍നോട്ടവും തൊഴില്‍, സാമൂഹ്യക്ഷേമ മന്ത്രാലയത്തിനാണ്. എന്നാല്‍ ആശ്രിത വിസയിലുള്ളവരുടെ ​െലവിയില്‍ മാറ്റം വരുത്തുന്നതി​​​െൻറ വിശദാംശങ്ങള്‍ മന്ത്രി വ്യക്തമാക്കിയിട്ടില്ല.​ െലവി എടുത്തു കളയാനോ അടവുകള്‍ക്ക് ആശ്വാസം നല്‍കാനോ ആണ് സാധ്യത. ഏതായാലും രാജ്യത്തെ വിദേശി ജോലിക്കാര്‍ക്കും അവരുടെ ആശ്രിതര്‍ക്കും ഏറെ ആശ്വാസം പകരുന്നതായിരിക്കും മന്ത്രാലയത്തി​​​െൻറ പ്രഖ്യാപനം. പുതിയ പ്രഖ്യാപനം എന്ന് പുറത്തുവരുമെന്ന്​ മന്ത്രി വ്യക്തമാക്കിയിട്ടില്ല. പ്രവാസി സമൂഹം ഏറെ പ്രതീക്ഷകളോടെയാണ് തൊഴില്‍ മന്ത്രിയുടെ പ്രഖ്യാപനത്തെ സ്വാഗതം ചെയ്തത്.