ദമ്മാമിൽ പേമാരി, ഇടി മിന്നൽ, കാറ്റ്​

ദമ്മാം: ഇടി മിന്നലോടെ പെയ്​ത പെരുമഴയിൽ ദമ്മാമിലെ റോഡുകളിൽ പ്രളയം. ഞായറാഴ്​ച പുലർച്ചെ മുതൽപെയ്​ത കനത്ത മഴ ജനജീവിതത്തെ ബാധിച്ചു. മഴ രണ്ട്​ ദിവസം കൂടി തുടരുമെന്നാണ്​ കാലാവസ്​ഥാ പ്രവചനം. രാവിലെ 8.30^ന്​ വീണ്ടും ശക്​തി പ്രാപിച്ച മഴയിൽ റോഡുകൾ തോടുകളായി. ദമ്മാമി​െല അൽ ഖോബാർ എയർപോർട്ട്​ എകസ്​പ്രസ്​ ​െെഹവേയുടെ അണ്ടർ പാസുകളിൽ ജലനിരപ്പുയർന്നതോടെ വാഹനങ്ങൾ മുങ്ങി. വെള്ളക്കെട്ടിൽ കുടുങ്ങിയ വാഹനത്തിൽ നിന്ന്​ ​ ഡോർ തുറന്ന്​ പുറത്തിറങ്ങാനും കഴിയാതായി. കിലോമീറ്ററുകളോളം വാഹന നിര രൂപപ്പെട്ടുവെങ്കിലും മണിക്കൂറുകൾ നീണ്ട ശ്രമത്തിനൊടുവിൽ​ ഗതാഗതം ഭാഗികമായി പുനഃരാരംഭിച്ചു​ .

സിവിൽ ഡിഫൻസ്​, അഗ്​നി ശമനസേന, ബലദിയ, സുരക്ഷ വകുപ്പ്​ എന്നിവർ സംയുക്​തമായി നടത്തിയ രക്ഷാ പ്രവർത്തനങ്ങളിൽ വാഹനങ്ങളിൽ കുടുങ്ങിപ്പോയവരെ രക്ഷപ്പെടുത്തി. പലരും വാഹനങ്ങൾ വെള്ളക്കെട്ടുകളിൽ ഉപേക്ഷിച്ച് നീന്തിക്കയറി രക്ഷപ്പെടുകയായിരുന്നു. റോഡിലെ വെള്ളം ടാങ്കറുകളിലേക്ക്​ വലിച്ചെടുത്ത്​ ഒഴിവാക്കി ക്കൊണ്ടിരുന്നെങ്കിലും മഴ തുടർന്നതോടെ പലപ്പോഴും ആ ശ്രമങ്ങളും വിഫലമായി. ശക്​തമായ മഴയും ജലമൊഴുക്കും ഉണ്ടാകുമെന്ന്​ ശനിയാഴ്​ച രാത്രി സിവിൽഡിഫൻസ്​ മുന്നറിയിപ്പു നൽകിയിരുന്നു. മുന്നറിയിപ്പുണ്ടായിട്ടും ദമ്മാം ഇൻറർ നാഷനൽ ഇന്ത്യൻ സ്​കൂളിന്​ അവധി പ്രഖ്യാപിക്കാതിരുന്നത്​​ രക്ഷിതാക്കൾക്കിടയിൽ പ്രതിഷേധത്തിന് കാരണമായി. മഴ കനത്തതിനാൽ​ ഒമ്പത്​ മണിയോടെ കെ.ജി വിഭാഗവും 12 മണിയോടെ മറ്റു ക്ലാസുകളും അവസാനിപ്പിച്ചു. എന്നാൽ കുട്ടികളെ കൂട്ടാൻ തിരികെയെത്തിയ പല രക്ഷിതാക്കളും വെള്ളക്കെട്ടുകളിൽ കുടുങ്ങിയത്​ കാര്യങ്ങൾ കൂടുതൽ സങ്കീർണമാക്കി.

മഴ വിമാന സർവീസിനെ ബാധിക്കാൻ സാധ്യതയുണ്ടെന്ന്​ വിമാനത്താവള അധികൃതർ മുന്നറിയിപ്പു നൽകിയിരുന്നു. ചിലയിടങ്ങളിൽ വാഹനങ്ങൾ കൂട്ടിയിടിച്ച്​ അപകടങ്ങൾ ഉണ്ടായതൊഴിച്ചാൽ മറ്റ്​ കാര്യമായ അപകടങ്ങളൊന്നും റി​േപ്പാർട്ട്​ ചെയ്യപ്പെട്ടിട്ടില്ല. വെള്ളക്കെട്ടിൽ കുടുങ്ങിയ ഏഴ്​ പേരെ രക്ഷപ്പെടുത്തിയതായി സിവിൽ ഡിഫൻസ്​ അറിയിച്ചു. വിവിധ വകുപ്പുകൾ ഒന്നിച്ച്​ ജാഗ്രതയോടെ രക്ഷാ പ്രവർത്തനങ്ങളാണ് നടന്നുകൊണ്ടിരിക്കുന്നതെന്നും വെള്ള​ക്കെട്ടുകൾ മുറിച്ചുകടക്കാനോ വാഹനങ്ങളുമായി​ കടന്നുപോകാനോ ശ്രമിക്കരുതെന്നും​ അധികൃതർ മുന്നറിയിപ്പ്​ നൽകി. മഴക്കെടുതി ഒഴിവാക്കാൻ നടപടി സ്വീകരിക്കാൻ ബന്ധപ്പെട്ട വകുപ്പുകളോട് പ്രവിശ്യ ഗവർണർ അമീർ സഊദ് ബിൻ നായിഫ് നിർദേശിച്ചു.