സൽമാൻ രാജാവ്​ അറാറിൽ; 65വികസന പദ്ധതികൾ ഉദ്​ഘാടനം ചെയ്​തു

അറാർ: സൗദി ഭരണാധികാരി സൽമാൻ രാജാവി​​​​െൻറ ആഭ്യന്തര പര്യടനം തുടരുന്നു. തബൂക്ക്​ സന്ദർശിച്ച ശേഷം അൽജൗഫിലെത്തിയ രാജാവ്​ വ്യാഴാഴ്​ച രാത്രി വടക്കൻ അതിർത്തി മേഖലയിൽ സന്ദർശനത്തിനെത്തി. അറാർ വിമാനത്താവളത്തിലിറങ്ങിയ സൽമാൻ രാജാവിനെ ഗവർണർ ഫൈസൽ ബിൻ ഖാലിദ്​ ബിൻ സുൽത്താൻ സ്വീകരിച്ചു. തുടർന്ന്​ നടന്ന ചടങ്ങിൽ മേഖലയിൽ നടപ്പിലാക്കിയ 65 ഒാളം വികസന പദ്ധതികളുടെ വീഡിയോ രാജാവിന്​ മുന്നിൽ പ്രദർശിപ്പിച്ചു. ടൂറിസം, ആരോഗ്യം, മുനിസിപ്പാലിറ്റി, പരിസ്​ഥിതി ജലം കൃഷി, ഭവനം, വിദ്യാഭ്യാസം, ധനകാര്യം, ഗതാഗതം, വൈദ്യുതി തുടങ്ങിയ വകുപ്പുകൾക്ക്​ കീഴിലാണ് പദ്ധതികൾ നടപ്പിലാക്കിയത്.

രാജാവി​​​​െൻറ സന്ദർശനത്തോടനുബന്ധിച്ച്​ കലാപരിപാടികളും നടന്നു. മേഖലയിലെ ഭരണാധികാരികൾ, മുതിർന്ന ഉദ്യോഗസ്​ഥർ തുടങ്ങിയവർ പ​െങ്കടുത്തു. സന്ദർശനത്തോടനുബന്ധിച്ച്​ വടക്കൻ അതിർത്തി മേഖലയിലെ സ്​കൂളുകൾക്ക്​ അവധിയായിരുന്നു. തബൂക്, അൽജൗഫ്​ മേഖലകളിലേയും വിദ്യാഭ്യാസ സ്​ഥാപനങ്ങൾക്ക്​ വ്യാഴാഴ്​ച അവധി നൽകാൻ സൽമാൻ രാജാവ്​ നിർദേശം നൽകിയിരുന്നു. ഒരോ മേഖലയിലും വിവിധ വകുപ്പുകൾക്ക്​ കീഴിൽ നടപ്പിലാക്കിയ കോടികളുടെ പദ്ധതികൾ ഉദ്​ഘാടനം ചെയ്തും പുതിയ പദ്ധതികൾക്ക്​ തറക്കല്ലിട്ടുമാണ് രാജാവി​​​​െൻറയും കിരീടാവകാശി അമീർ മുഹമ്മദ്​ ബിൻ സൽമാ​​​​െൻറയും പര്യടനം.