സ്​പോൺസറുടെ ഭാര്യയെ പീഡിപ്പിച്ച കേസിൽ തമിഴ്​നാട്ടുകാരന്​ വധശിക്ഷ നൽകണമെന്ന്​ ക്രിമിനൽ കോടതി

ദമ്മാം: സ്​പോൺസറുടെ ഭാര്യയെ കാറിൽ പീഡിപ്പിച്ച കേസിൽ തമിഴ്​നാട്​ സ്വദേശിക്ക്​ വധശിക്ഷ വിധിച്ചു. ദമാം ക്രമിനൽ കോടതിയുടേതാണ്​ വിധിയെന്ന്​ പരിഭാഷകൻ മുഹമ്മദ്​ നജാത്തി പറഞ്ഞു. തമിഴ്നാട് തിരുവഞ്ചൂർ സ്വദേശി മുഹമ്മദലി മുഹമ്മദ് ഷെരീഫാണ്​ (45) പ്രതി. ഹൗസ്​ ഡ്രൈവറായ ഇയാൾ മൂന്ന്​ വർഷം സ്പോൺസറുടെ ഭാര്യയെ വീട്ടിൽ നിന്ന്​ അൽഖോബാറിലെ ജോലി സ്ഥലത്തേക്ക് കൊണ്ടുപോവുന്ന തിനിടയിൽ വിജനമായ സ്ഥലത്ത് വണ്ടി നിർത്തി മർദിക്കുകയും ക്രൂരമായി പീഡിപ്പിക്കുകയും ചെയ്​തു എന്നാണ്​ കേസ്​. അക്രമത്തിനിടയിൽ യുവതിയുടെ കരച്ചിൽ പുറത്തു കേൾക്കാതിരിക്കാൻ ഉച്ചത്തിൽ റേഡിയോ തുറന്നുവെച്ചു. മൃഗീയമായ രീതിയിൽ ശരീരത്തിൽ മുറിവുകളുണ്ടാക്കി. അമിതമായ രക്ത സ്രാവം കാരണം പീ​ഡനത്തിനിരയായ യുവതിക്ക്​ മണിക്കൂറുകൾ നീണ്ട ശാസ്ത്രക്രിയ വേണ്ടി വന്നു. മാസങ്ങൾ നീണ്ട വിശ്രമത്തിനൊടുവിലുമാണ് യുവതിക്ക്​ ജീവിതത്തിലേക്ക് തിരിച്ചുവരാനായത്. ദഹ്റാൻ പോലീസായിരുന്നു കേസ്​ രജിസ്​റ്റർ ചെയ്തത്​.

പ്രതി കോടതിയിൽ കുറ്റം നിഷേധിച്ചെങ്കിലും ഹന്നയുടെ ശരീരത്തിലെ ആഴത്തിലുള്ള മുറിവുകളുടെ കാരണക്കാരൻ മുഹമ്മദലി തന്നെയായിരുന്നുവെന്ന് തെളിവുകളുടെ പിൻബലത്തിൽ കോടതി കണ്ടെത്തുകയായിരുന്നു. ദമ്മാം ക്രിമിനൽ കോടതിയുടെ ഡിവിഷൻ ബെഞ്ചി​േൻറതാണ് വിധിയെന്ന്​ പരിഭാഷകൻ മുഹമ്മദ്​ നജാത്തി പറഞ്ഞു. വിധിക്കെതിരെ അപ്പീൽ നൽകുന്നതിന്​ കോടതി പ്രതിക്ക് ഒരു മാസം സാവകാശം നൽകി. രണ്ടു വർഷം മുമ്പ് ദമാമിലെ ക്രിമിനൽ കോടതിയുടെ വിധി (4 വർഷം തടവ്​) ദുർബലപ്പെടുത്തി മേൽകോടതിയുടെ നിർദേശത്തോടെ മറ്റൊരു ഡിവിഷൻ ബെഞ്ച് കേസ് പുനർവിചാരണ നടത്തിയാണ് പുതിയ വിധി പ്രസ്താവിച്ചത്. വധശിക്ഷക്കുള്ള വിധി കേട്ട പ്രതി പൊട്ടിക്കരഞ്ഞു. സുപ്രീം കോടതിയടക്കമുള്ള മേൽകോടതികളും, അഭ്യന്തര മന്ത്രാലയവും, രാജാവി​​​​െൻറ ഓഫീസും (ദീവാനുൽ മലകി) സ്ഥിരീകരിച്ചെങ്കിൽ മാത്രമെ വിധി നടപ്പിലാകുകയുള്ളു. പ്രതിക്ക്​ ഭാര്യയും മൂന്ന് പെൺമക്കളുമുണ്ട്. സൗദിയിൽ നാല് വർഷത്തോളമായി ഹൗസ് ഡ്രൈവർ ജോലി ചെയ്തുവരികയായിരുന്നു. മൂന്ന് വർഷമായി ദമ്മാം സെൻട്രൽ ജയിലിൽ കഴിയുകയാണ്.