‘നളചരിതം’ നാടകമായി സൗദിയിൽ, അവതരിപ്പിക്കുന്നത്​ ജപ്പാൻ സംഘം

റിയാദ്​: വിശ്രുത മഹാഭാരത കഥ നളചരിതം സൗദിയിൽ നാടകമായി അരങ്ങേറുന്നു. വിശ്വപ്രസിദ്ധ ഇന്ത്യൻ ഇതിഹാസത്തിലെ ഇൗ ഉപകഥക്ക്​ സൗദിയിൽ രംഗഭാഷ്യമൊരുക്കുന്നത്​ ജപ്പാൻ നാടക സംഘം. ദമ്മാം ദഹ്​റാനിലെ കിങ്​ അബ്​ദുൽ അസീസ്​ സ​​െൻറർ ഫോർ വേൾഡ്​ കൾച്ചർ​ (ഇത്​റ)യിലാണ്​ വേദിയൊരുങ്ങുന്നത്​. ഡിസംബർ അഞ്ച്​ മുതൽ എട്ട്​ വരെ എല്ലാ ദിവസവും വൈകീട്ട്​ 7.30ന്​ നാടകം അരങ്ങേറും. യുവാക്കളും കുട്ടികളും മുതിർന്നവരും ഉൾപ്പെടെ എല്ലാ വിഭാഗം പ്രേക്ഷകർക്കും പ്രവേശനാനുമതിയുണ്ട്​. 50 റിയാലാണ്​ ടിക്കറ്റ്​ നിരക്ക്​. ജപ്പാൻ സംഘത്തി​​​െൻറ ബൃഹദ് നാടക​ സംരംഭമാണ്​ ‘മഹാഭാരത നളചരിതം’. വിശാലമായ വേദിയിൽ ജാപ്പനീസ്​ പാരമ്പര്യ നാടക സ​േങ്കത രീതിയിൽ, എന്നാൽ പുതുതലമുറക്ക്​ കൂടി ഹൃദയഹാരിയാകുന്ന രീതിയിലാണ്​​ അവതരണം. 32 കഥാപാത്രങ്ങൾ അരങ്ങിലെത്തും​.

വാദ്യമേളക്കാരും ഗായകരും അണിയറയിൽ തത്സമയം സംഗീത വിഭാഗം കൈകാര്യം ചെയ്യും. ജാപ്പനീസ്​ ഭാഷയിലാണ് കഥാപാത്രങ്ങൾ സംസാരിക്കുന്നത്​. എന്നാൽ അറബി, ഇംഗ്ലീഷ്​ ഭാഷകളിൽ സംഭാഷണങ്ങൾ വേദിയിൽ എഴുതികാണിക്കും. സിനിമകളിലെ സബ്​​ൈടറ്റിൽ പോലെ വേദിയുടെ മുകളിൽ പ്രത്യേകം സജ്ജീകരിച്ച സ്​ക്രീനിലാണ്​ ഇത്​ തെളിയുക. മഹാഭാരതം വനപർവത്തി​ൽ 28 അധ്യായങ്ങളിലായി പരന്നുകിടക്കുന്ന കഥയാണ്​ നളചരിതത്തിന്​ ആസ്​പദം. മലയാളിക്ക്​ പരിചയം ഉണ്ണായി വാരിയരുടെ നളചരിതം ആട്ടക്കഥയിലൂടെയാണ്​. മലയാളത്തി​​​െൻറ ശാകുന്തളം എന്നാണ്​ ഇത്​ വിശേഷിപ്പിക്കപ്പെടുന്നത്​. നിഷധം എന്ന രാജ്യത്തിലെ രാജാവും കുതിരയോട്ടത്തിൽ അതിനിപുണനും പാചകകലയിലെ വിദഗ്​ധനും സുന്ദരനുമായ നള​േൻറയും പത്​നി ദമയന്തിയുടേയും ​മനോഹരമായ പ്രണയകഥയാണ്​ നാടകമാകുന്നത്​​.