ത്വക്​ രോഗത്താൽ വലയു​േമ്പാഴും നാട്ടിൽ പോകാനാവാതെ അശോകൻ

ദമ്മാം: ഒരു വ്യാഴവട്ടക്കാലത്തിലധികം ചെയ്​ത ജോലി കാരണമായി പിടിപെട്ട മാരകമായ ത്വക്​ രോഗത്താൽ വലയു​േമ്പാഴും നാട്ടിൽ പോകാനാവാതെ കുടുങ്ങികിടക്കുകയാണ്​ കോഴിക്കോട്​ വെസ്​റ്റ്​ ഹിൽ ചെട്ടിപ്പറമ്പ്​ വീട്ടിൽ അശോകൻ എന്ന അഷ്​ഫാഖ്​. സ്​പോൺസർ ഉണ്ടാക്കിയ നിയമതടസ്സമാണ്​ ഇയാളുടെ യാത്ര മുടക്കുന്നത്​. 25 കൊല്ലത്തോളം ​മും​െബെയിലെ സ്​റ്റീൽ കമ്പനിയിൽ സൂപ്പർ വൈസർ ജോലിക്ക്​ ശേഷമാണ്​ അശോകൻ 13 കൊല്ല--ം​ മുമ്പ്​ ഗൾഫിലെത്തിയത്​. ഫൈബർ ഗ്ലാസ്​ ഫാക്​ടറി ആരംഭിച്ച അശോകൻ ഇൗ മേഖലയിൽ വിദഗ്​ധനാണ്. സ്വദേശി പൗരന്​ ഫാക്​ടറി ​ൈകമാറിയ അശോകൻ അവിടെ ജോലിക്കാരനുമായിരുന്നത്രെ.

കൂടെയുള്ള ജോലിക്കാർക്ക്​ ശമ്പളം നൽകുന്നതുൾപടെ ഉത്തരവാദിത്തം തന്നിലായിരുന്നുവെന്ന്​ അശോകൻ പറയുന്നു. ഇൗ കാലയളവിൽ 500 റിയാൽ വീതം മാത്രമേ തനിക്ക്​ ലഭിച്ചിരുന്നുള്ളൂ എന്നും അക്കാരണത്താൽ താൻ ഫാക്​ടറി വിട്ടുപോവുകയായിരുന്നുവെന്നുമാണ്​ അശോകൻ വിവരിക്കുന്നത്​. സൗദിയിലെ പൊതുമാപ്പ്​ കാലയളവിൽ നാട്ടിൽ പോകാൻ വിമാനത്താവളത്തിലെത്തിയ അശോകനെ സ്​പോൺസർ യാത്രാവിലക്ക്​ ഏർപെടുത്തിയിട്ടുണ്ട്​ എന്ന്​ കാട്ടി തിരിച്ചയച്ചു. റിയാദ്​ എംബസിയിൽ അഭയം പ്രാപിച്ച അശോക​​​െൻറ ദയനീയ സ്​ഥിതി മനസ്സിലാക്കിയ അന്നത്തെ ലേബർ അറ്റാഷെ രാ​േജന്ദ്രൻ ദമ്മാമി​െല സാമൂഹ്യ പ്രവർത്തകനായ നാസ്​ വക്കത്തി​​​െൻറ അടുത്തേക്ക്​ അയക്കുകയായിരുന്നു. ഒരു ലക്ഷം റിയാൽ തന്നെ കൊണ്ട്​ ചെലവാക്കി ഫാക്​ടറി തുടങ്ങിയതിനുശേഷം കടന്നു കളഞ്ഞ അശോകൻ തനിക്ക്​ ഒരു ലക്ഷം റിയാൽ നഷ്​ടപരിഹാരം നൽകണണമെന്നാണ്​ അൽ ഖോബാർ പൊലീസിൽ സ്​പോൺസർ പരാതി നൽകിയത്​. ഇതിനിടെ ഫൈബർ ഗ്ലാസ്​ കെമിക്കൽ കാരണമായി ഉണ്ടായ ത്വക്​ രോഗത്താൽ ചികിത്സ പോലും തേടാനാവാതെ അശോകൻ കഷ്​ടപെടുകയാണ്​.

ആൾക്കൂട്ടങ്ങളിൽ വരുവാ​േനാ, മറ്റുള്ളവരുടെ മുറിയിൽ താമസിക്കാനോ , വാഹനങ്ങളിൽകേയറാനോ ആവാതെ ഒറ്റപ്പെട്ടുപോയ ഇ​യാളെ പൊതു പ്രവർത്തകൻ നാസ്​ വക്കം താമസ സ്​ഥലം ഒരുക്കി സംരക്ഷിക്കുകയായിരുന്നു. സ്​പോൺസറുമായി സംസാരിച്ചെങ്കിലും തനിക്കുണ്ടായ നഷ്​ടത്തി​​​െൻറ 30 ശതമാനമെ-ങ്കിലും ലഭിച്ചാലേ കേസ്​ പിൻവലിക്കൂ എന്നാണ്​ അദ്ദേഹത്തി​​​െൻറ നിലപാട്​. കേസ്​ കോടതിയിലേക്ക്​ മാറ്റാനും സ്​പോൺസർ തയാറായിട്ടില്ല. നാട്ടിൽ ഭാര്യ പൂജയും, മകൾ അശ്വതിയും നിത്യവൃത്തിക്ക്​ പോലും വകയില്ലാതെ ബുദ്ധിമുട്ടുകയാണന്ന്​ അശോകൻ പറയുന്നു. സ്​പോൺസർ അലിവ്​ കാട്ടിയാലല്ലാതെ അശോക​​​െൻറ നാട്ടിലേക്കുള്ള യാത്ര സാധ്യമാവുകയില്ല.