ഒാടുന്ന സ്​കൂൾ വാനിൽ നിന്ന്​ പുറത്തേക്ക്​ വീണ്​ യു.കെ. ജി വിദ്യാർഥിക്ക് പരിക്ക്​

ദമ്മാം: സ്​കൂൾ വിട്ട്​ വീട്ടിലേക്ക്​ പോകുന്നതിനിടയിൽ സ്​കൂൾ വാനി​​െൻറ ജനൽ വഴി പുറത്തേക്ക്​ വീണ യു.കെ ജി വിദ്യാർഥിക്ക്​ ഗുരുതര പരിക്ക്​.
ദമ്മാം ഇന്ത്യൻ സ്​കൂൾ യു.കെ.ജി എൽ ക്ലാസിൽ പഠിക്കുന്ന യു.പി സ്വദേശി മുഹമ്മദ്​ സിഫാത്ത് (6) അപകടത്തിൽ പെട്ടത്. കഴിഞ്ഞ ദിവസം രാവിലെ 11.30 ഒാടെ ഗേൾസ്​ സ്​കൂളിന്​ സമീപമാണ്​ സംഭവം. കുട്ടിക​ളെ എടുത്ത്​ ബോയ്​സ്​ വിഭാഗത്തിലെ കുട്ടികളെ എടുക്കാൻ പോകുന്നതിനിടയിലാണ്​ സംഭവം. സ്വകാര്യ വാനിൽ നിന്നാണ്​ വിദ്യാർഥി പുറത്തേക്ക്​ ചാടിയത്​. കുട്ടി ചാടിയ വിവരമറിയാതെ ​ൈഡ്രവർ വാഹനമോടിച്ചുപോയി. റോഡിൽ രക്​തമൊലിച്ചു കിടന്ന കുട്ടിയെ പിന്നാലെ വാഹനത്തിൽ വന്ന സ്വദേശി വനിതയും രണ്ട്​ ഇന്ത്യക്കാരും ചേർന്ന്​ സ്​കൂളിലെത്തിക്കുകയായിരുന്നു. ഉടൻ പ്രാഥമിക ശുശ്രൂഷ നൽകി തൊട്ടടുത്ത ഗാമ ആശുപത്രിയിൽ പ്രവേശിപ്പിക്കുകയും ചെയ്​തു.

കുട്ടിയു​െട പിതാവ്​ കിംങ്​ ഫഹദ്​ ആ​ശുപത്രി ജീവനക്കാരനാണ്​. പിന്നീട്​ കുട്ടിയെ കിംങ്​ ഫഹദ്​ ആശുപത്രി തീവ്ര പരിചരണ വിഭാഗത്തിൽ പ്രവേശിപ്പിച്ചു. സി.ടി സ്കാൻ ഉൾപെടെ പരിശോധനകൾ പൂർത്തിയാക്കി. ഗുരുതര പരിക്കുകളില്ലെന്നാണ്​ മെഡിക്കൽ റിപ്പോർ​െട്ടന്ന്​​ പ്രിൻസിപ്പൽ ഡോ. മുഹമ്മദ്​ ഷാഫി പറഞ്ഞു. കുട്ടി വീണിട്ടും അറിയാതെ വാഹനമോടിച്ചു പോയ ​ൈഡ്രവറെ അൽപം ദൂരെ ആളുകൾ തടയുകയായിരുന്നു. വാനി​​െൻറ വാതിലുകൾ താൻ ഭദ്രമായി പൂട്ടിയിരുന്നുവെന്നും, ജനൽ വഴി കുട്ടി ചാടുമെന്ന്​ പ്രതീക്ഷിച്ചില്ലെന്നും ​ൈഡ്രവർ പറഞ്ഞു. സ്​കൂളിന്​ പുറത്താണ്​ സംഭവമെങ്കിലും അപകടം അറിഞ്ഞ ഉടൻ തന്നെ എല്ലാ വിദഗ്ധ ചികിൽസയും കുട്ടിക്ക്​ സ്കൂൾ ചെലവിൽ ലഭ്യമാക്കാൻ നിർദേശം നൽകിയിരുന്നതായി ഭരണ സമിതി ചെയർമാൻ സുനിൽ മുഹമ്മദ്​ പറഞ്ഞു.