സൗദി വിദേശസഹായമായി നൽകിയത്​ 84.7 ശതകോടി ഡോളർ

റിയാദ്​: സൗദി അറേബ്യ വിദേശ രാജ്യങ്ങൾക്ക്​ നൽകുന്ന സഹായം 84.7 ശതകോടി ഡോളർ കടന്നു. ജീവകാരുണ്യത്തിനായി നൽകിയ തുകയുടെ ഗുണഫലം 79 രാജ്യങ്ങൾക്ക്​ ലഭിച്ചു. 1996നും 2018നുമിടയിൽ ലോക വ്യാപകമായി തന്നെ സൗദിയുടെ സാമ്പത്തിക സഹായമെത്തി എന്നാണ്​ കണക്ക്​. കഴിഞ്ഞ ദിവസം പോളണ്ടിലെ വാഴ്​സ സർവകലാശാലയിൽ നടന്ന സി​േമ്പാസിയത്തിൽ കിങ്​ സൽമാൻ ഹ്യുമാനിറ്റേറിയൻ എയ്​ഡ്​ ആൻഡ്​ റിലീഫ്​ സ​​െൻറർ (കെ.എസ്​ റിലീഫ്​ സ​​െൻറർ) മേധാവിയും റോയൽ കോർട്ട്​ ഉപദേശകനുമായ ഡോ. അബ്​ദുല്ല ബിൻ അബ്​ദുൽ അസീസ്​ അൽറബീഅ സൗദി അറേബ്യ ലോകതലത്തിൽ നടത്തുന്ന ചാരിറ്റി പ്രവർത്തനങ്ങളുടെ വിശദാംശങ്ങൾ പുറത്തുവിട്ടു. ലോകതലത്തിൽ ജീവകാരുണ്യ പ്രവർത്തനങ്ങൾ നടത്താൻ രാജ്യം ആദ്യമായി രൂപവത്​കരിച്ച വേദിയാണ്​ കെ.എസ്​ റിലീഫെന്നും 42 രാജ്യങ്ങളിൽ 1.924 ശതകോടി ഡോളറി​​​െൻറ 482 പദ്ധതികളാണ് നടപ്പാക്കുന്നതെന്നും ഡോ. അൽറബീഅ വിശദമാക്കി​​. ഇതുവരെ 561,911 യമനി, 283,449 സിറിയൻ,

249,669 റോഹിങ്ക്യൻ അഭയാർഥികൾക്ക്​ സഹായം നൽകി. യമനിലേക്ക്​ മാത്രം 2015 മുതൽ ഇതുവരെ 11.18 ബില്യൺ ഡോളറി​​​െൻറ സഹായം നൽകി. 249 പദ്ധതികളാണ്​​ ഇതിനുവേണ്ടി നടപ്പിലാക്കുന്നത്​ ​. ​െഎക്യരാഷ്​ട്ര സഭയുടെയും മറ്റ്​ 79 രാജ്യാന്തരവും പ്രാദേശികവുമായ സർക്കാരിതര സംഘടനകളുടെയും പങ്കാളിത്തത്തോടെയാണ്​ പദ്ധതികൾ നടപ്പാക്കുന്നത്​. കോളറ വ്യാപനം പ്രതിരോധിക്കാൻ ലോകാരോഗ്യ സംഘടനയും യൂനിസെഫും ആവശ്യപ്പെട്ടതനുസരിച്ച്​ 66.7 ദശലക്ഷം ഡോളർ ചെലവഴിച്ചു. യമനിൽ സ്​ത്രീകളുടെ ക്ഷേമത്തിന്​ വേണ്ടി 2015 മുതൽ ഇതുവരെ 281,457,000 ഡോളറി​​​െൻറ 132 പദ്ധതികളും കുട്ടികൾക്ക്​ വേണ്ടി 469,867,000 ഡോളറി​​​െൻറ 136 പദ്ധതികളും നടപ്പാക്കി. യമൻ ഭൂപരിധിയിൽ വിമതർ പാകിയ മൈനുകൾ നീക്കം ചെയ്യാൻ 40 ദശലക്ഷം ഡോളർ ചെലവിൽ പദ്ധതി പുരോഗമിക്കുകയാണ്​. 400 വിദഗ്​ധരടങ്ങിയ 32 ടീമുകളാണ്​ ഇൗ പദ്ധതിക്ക്​ കീഴിൽ പ്രവർത്തിക്കുന്നത്​. ഇതിലൂടെ 90 ലക്ഷം യമൻ പൗരന്മാരാണ്​ മൈൻ ഭീഷണിയിൽ നിന്ന്​ വിമുക്തരാവുന്നത്​.

ഹൂത്തി വിമതർ അവരുടെ സൈന്യത്തിലേക്ക്​ നിർബന്ധപൂർവം ചേർത്ത യമനി കുട്ടികളെ വീണ്ടെടുത്ത്​ പുനരവധിവസിപ്പിക്കാനുള്ളതാണ്​ മറ്റൊരു പദ്ധതി. ഇതിനകം 2,000 കുട്ടികളെ മോചിപ്പിക്കുകയും പുനരവധിവസിപ്പിക്കുകയും ചെയ്​തു. ഇതിന്​ പു​റമെ കെ.എസ്​ റിലീഫ്​ ​നടത്തുന്ന മറ്റൊരു ശ്രദ്ധേയ ജീവകാരുണ്യ പദ്ധതിയാണ്​ സയാമീസ്​ ഇരട്ടകളെ വേർപ്പെടുത്തൽ. പൂർണമായും സൗജന്യമായാണ്​ റിയാദിലെത്തിച്ച്​ ശസ്​ത്രക്രിയ നടത്തുന്നത്​. ​21 രാജ്യങ്ങളിൽ നിന്നായി 46 സയാമീസ്​ കുരുന്നുകളെ വിജയകരമായി വേർപ്പെടുത്തി ^ഡോ. അബ്​ദുല്ല അൽറബീഅ വ്യക്തമാക്കി. സി​േമ്പാസിയത്തിൽ പോളണ്ടിലെ സൗദി അംബാസഡർ മുഹമ്മദ്​ ബിൻ ഹുസൈൻ മദനി, യമനി അംബാസഡർ മെർവത്ത്​ മുജല്ലി എന്നിവരും ഡോ. റബീഅയോടൊപ്പം പ​െങ്കടുത്തു.