മദീനയിൽ മലവെള്ളപ്പാച്ചിൽ: അധ്യാപകരെ രക്ഷിച്ചു

മദീന: മഹ്​ദിലെ അൽജറീസിയയിൽ മലവെള്ളപ്പാച്ചിലിൽ അഞ്ച്​ അധ്യാപികമാരെയും ഡ്രൈവറേയും സിവിൽ ഡിഫൻസ്​ രക്ഷപ്പെടുത്തി. വാഹനത്തിൽ പോകുന്നതിനിടെയാണ്​ അപകടം. വിവരം ലഭിച്ചയുടനെ സിവിൽ ഡിഫൻസ്​ സ്​ഥലത്തെത്തി ആളുകളെ രക്ഷപ്പെടുത്തിയതായി മദീന മേഖല സിവിൽ ഡിഫൻസ്​ വക്​താവ്​ കേണൽ ഖാലിദ്​ അൽജുഹ്​നി പറഞ്ഞു. അപകടത്തിൽ പെട്ടവരുടെ ആരോഗ്യനില തൃപ്​തികരമാണെന്നും വക്​താവ്​ പറഞ്ഞു.