മഴ: രണ്ടു പേർകൂടി മരിച്ചു; റോഡുകൾക്ക്​ വൻ നാശം

ജിദ്ദ: സൗദിയുടെ വിവിധ ഭാഗങ്ങളിൽ മഴ തുടരുന്നു. അസാധാരണ മഴയെ തുടർന്ന്​ അപകടത്തിൽ മരിച്ചവരുടെ എണ്ണം 18 ആയി. മക്കയിലെ വാദീ ഉമൈർ താഴ്​വരയിൽ മഴവെള്ളക്കെട്ടിൽ വീണ്​ 15,18 പ്രായമുള്ള രണ്ട് ​േപർ മരിച്ചതായി ​വ്യാഴാഴ്​ച പ്രാദേശികപത്രം റിപ്പോർട്ട്​ ചെയ്​തു. കഴിഞ്ഞ ദിവസം വരെ വിവിധ ഭാഗങ്ങളിലുണ്ടായ അപകടങ്ങളിൽ 16 പേർ മരിച്ചതായാണ്​​ കണക്ക്​. മദീനയിൽ മഴയെ തുടർന്ന്​ റോഡുകൾക്ക്​ വൻനാശമുണ്ടായി. ഹൈവേകൾ ഗതാഗതം തടസ്സപ്പെടുവിധം പൊളിഞ്ഞു. ജിദ്ദ, മക്ക, ത്വാഇഫ്​ എന്നിവിടങ്ങളിൽ വ്യാഴാഴ്​ചയും മഴ തുടർന്നു. ജിദ്ദയിൽ രാവിലെ ഇടിയും മിന്നലോടും​ കൂടി സമാന്യം നല്ല മഴയാണുണ്ടായത്​. പല റോഡുകളിലും വെള്ളക്കെട്ടുണ്ടായി. ആകാശം മൂടിക്കെട്ടിയ നിലയിലായിരുന്നു.

കാലാവസ്​ഥാവകുപ്പ്​ മുന്നറിയിപ്പിനെ തുടർന്ന്​ റെഡ്​ക്രസൻറ്​ അടിയന്തിരഘട്ടങ്ങളെ നേരിടാൻ ഒരുങ്ങിയിരുന്നതായി വക്​താവ്​ അഹ്​മദ്​ അബൂ സൈദ്​ പറഞ്ഞു. ത്വാഇഫി​ലെ ഹയ്യ്​ അലഖ, അൽഹദാ, അൽകറ എന്നിവിടങ്ങളിൽ​ മഴ ശക്​തമായിരുന്നു. മലമുകളിൽ നിന്ന്​ പാറക്കല്ലുകൾ വീഴാനുള്ള സാധ്യത കണക്കിലെടുത്ത്​ മക്ക^ ത്വാഇഫ്^അൽകറാ മല റോഡ്​ അടച്ചു. വാഹനങ്ങൾ സൈൽ റോഡ്​ വഴി തിരിച്ചുവിട്ടു. മദീനയിലും പരിസരത്തെ മഹ്​ദ്​, യാമ്പു, ഖൈബർ, വാദി ഫറഅ്​ എന്നിവിടങ്ങളിൽ നല്ല മഴയുണ്ടായി. പല താഴ്​വരകളിലും വെള്ളം കവിഞ്ഞൊഴുകി. ​67 പേർ വെള്ളക്കെട്ടിൽ കുടുങ്ങിയിരുന്നതായി മദീന സിവിൽ ഡിഫൻസ്​ വക്​താവ്​ കേണൽ ഖാലിദ്​ അൽജുഹ്​നി പറഞ്ഞു. ഇവരെ രക്ഷപ്പെടുത്തി. ഒമ്പത്​ പേർക്ക്​ ​ഷോക്കേറ്റ സംഭവമുണ്ടായി. ആർക്കും ആളപായമില്ലെന്നും വക്​താവ്​ പറഞ്ഞു. മക്കയുിലെ ശറാഅ മുജാഹിദീൻ, ശറാഅ്​ ടൗൺഷിപ്പ്​, ജഅ്​റാന, ഹയ്യ്​ നൂർ എന്നിവിടങ്ങളിൽ വ്യാഴാഴ്​ച രാവിലെ മഴയുണ്ടായത്​.

മദീനയിൽ ആറ്​ റോഡുകൾ തകർന്നു
മദീന: മഴയിൽ​ തകർന്ന​​ ആറ്​ റോഡുകൾ മദീന മേഖല സിവിൽ ഡിഫൻസ്​ അടച്ചു. മദീനയിലെ ളയത്​ റോഡ്​, വദി ഫർഅ്​ലെ മുളീഖ്​ റോഡ്​, യാംമ്പുവിലെ നബ്​ത്​ റോഡ്​, ഖൈബറിലെ റൗദത്തുൽ ഉമ്മുഅൽഉമർ റോഡ്​, മഹ്​ദിലെ സ്വൽഹാനിയ, ഖുറൈദ റോഡ്​ എന്നിവയാണ്​ അടച്ചത്​. പല റോഡി​​െൻറ വശങ്ങളു​ം തകരുകയും മണ്ണും ടാറിങും മലയിൽ ഒലിച്ചുപോയിട്ടുണ്ട്​.