അജ്ഞാത​െൻറ വെടിയേറ്റ കൈ; ജീവിതം വഴിമുട്ടി സാലിഹ്​

ദമ്മാം: ഖത്തീഫിലൂടെ കാറിൽ സഞ്ചരിക്കുന്നതിനിടെ മലയാളി യുവാവി​​​െൻറ കൈയിൽ തുളഞ്ഞുകയറിയത്​ നാല്​ വെടിയുണ്ടകൾ. അജഞാത​​​െൻറ വെടിയേറ്റ യുവാവ്​ െെകയുടെ സ്വാധീനം നഷ്​ടപെട്ട്​ തൊഴിൽ ചെയ്യാനാവാതെ നീതി തേടി അലയുകയാണിപ്പോൾ​. ജുബൈലിൽ ഇൻസ്​ട്ര്​മ​​െൻറ്​ ടെക്​നീഷ്യനായി ജോലി ചെയ്​തിരുന്ന പാലക്കാട്​, ആലത്തൂർ, പാടത്തുവീട്ടിൽ സാലിഹാണ്​​ (32) അസാധാരണ ദുരിതത്തിൽ അലയുന്നത്​. മാസങ്ങൾക്ക്​ മുമ്പ്​ ഒരു വൈകുന്നേരം സുഹൃത്തുമൊത്ത്​ കാറിൽ സഞ്ചരിക്കു​േമ്പാഴാണ്​ സാലിഹി​​​െൻറ കൈയിൽ വെടിയുണ്ടകൾ തുളഞ്ഞു കയറിയത്​. കാറി​​​െൻറ സൈഡ്​ സീറ്റിൽ ഇരുന്ന ഇദ്ദേഹത്തി​​​െൻറ കൈമുട്ടിനു മുകളിലായാണ്​ വെടിയേറ്റത്​​.

എവിടെ നിന്നാണന്നോ, ആ​രാണ്​ വെടിച്ചതെന്നോ മനസ്സിലാക്കാൻ കഴിഞ്ഞില്ല. ഖത്തീഫ്​ മേഖലയിൽ സുരക്ഷാ ഉദ്യോഗസ്​ഥരും, പ്രാദേശിക തീവ്രവാദികളുമായി പോരാട്ടം നടക്കുന്ന സമയമായിരുന്നു അതെന്നുമാത്രമാണ്​ സാലിഹിന്​ അറിയാവുന്ന വിവരം. ചോരയിൽ മുങ്ങിയ സാലിഹിനെ അടുത്ത സ്വകാര്യ ആശുപത്രിയിൽ പ്രവേശിപ്പിച്ചെങ്കിലും പ്രാഥമിക ചികിൽസ നൽകി അവർ പൊലീസിൽ വിവരമറിച്ച്​ സാലിഹിനെ ഖത്തീഫ്​ സെൻട്രൽ ആശുപത്രിയിലേക്ക്​ മാറ്റുകയായിരുന്നു.ഇതുമായി ബന്ധപ്പെട്ട്​ പ്രാഥമിക അന്വേഷണങ്ങൾക്ക്​ ശേഷം നാലു ദിവസം കഴിഞ്ഞാണ്​ സാലിഹി​​​െൻറ കൈയിൽ നിന്ന്​ നാല്​ വെടിയുണ്ടകൾ ശസ്​ത്രക്രിയ ചെയ്​ത്​ നീക്കിയത്​. പിന്നീട്​ ആശുപത്രി വിട്ട സാലിഹി​​​െൻറ ഇൗ കൈ ശേഷി നഷ്​ടപെടുന്ന അവസ്​ഥയിലായി​. ഇതോടെ ജോലി തുടരാൻ കഴിയാതായി. സ്​പോൺസർ ഇഖാമ പുതിക്കി നൽകുന്നത്​ നിർത്തിവെച്ചു. നീതി കിട്ടണമെന്ന ആവശ്യവുമായി ഗവർണർ ഹൗസിലും, മാനുഷ്യാവകാശ സമിതിയിലും പരാതി നൽകി കാത്തിരിക്കയാണ്​ യുവാവ്​. ഇതിനിടയിൽ നാട്ടിൽ പോയി ചികിൽസിച്ചെങ്കിലും ഫലം ഉണ്ടായില്ല. നിത്യവും ഫിസിയോ തറാപ്പി ചെയ്​തെങ്കിൽ മാത്രമേ കരങ്ങളുടെ ശേഷി തിരിച്ചുകിട്ടൂ എന്നാണ്​​ ഡോക്​ടർമാർ അറിയിച്ചത്​.

എന്നാൽ ജോലി നഷട്​പെട്ട്​ നിത്യവൃത്തിക്ക്​ തന്നെ മറ്റുള്ളവരെ ആശ്രയിക്കേണ്ടി വരുന്ന സാലിഹ്​ ഇതിന്​ സാധിക്കാതെ ബുദ്ധിമുട്ടുകയാണ്​. ദിവസങ്ങൾക്ക്​ മുമ്പാണ്​ സാലിഹിന്​ കുഞ്ഞു പിറന്നത്​. ഉമ്മയും , ഉപ്പയും, ഭാര്യയുമുള്ള കുടുംബത്തി​​​െൻറ ഏക അത്താണി കൂടിയാണിയാൾ. ആദ്യം ഗവർണർ ഹൗസിൽ നൽകിയ പരാതിയിൽ റിപ്പോർട്ടുകളുടെ അഭാവം കാരണം അവസാനിപ്പിച്ചതിനെ തുടർന്ന്​ ദമ്മാമിൽ കെ.എം.സി.സി നേതൃത്വത്തിൽ നടക്കുന്ന നന്മ അദാലത്തി​​​െൻറ സഹായത്തോടെ വീണ്ടും കേസ്​ നൽകിയിരിക്കുകയാണ്​. സാമൂഹ്യ പ്രവർത്തകനായ ഷാജി മതിലകവും, ഹമീദ്​ വടകരയും, മഹ്​മൂദ്​ പൂക്കാടും സാലിഹിനെ സഹായിക്കാൻ രംഗത്തുണ്ട്​. സഫ ആശുപത്രിയിൽ സൗജന്യ ഫിസിയോ തറാപി ചെയ്യുന്നതിനുള്ള സഹായം ഒരുക്കിയിട്ടുണ്ട്​. എങ്കിലും ത​നിക്ക്​ അറിയാവുന്ന തൊഴിൽ തുടരാൻ കഴിയുന്നില്ലല്ലോ എന്നതാണ്​ സാലിഹി​​​െൻറ സങ്കടം. വൈകിയാലും തനിക്ക്​ നീതി ലഭിക്കുമെന്നു തന്നെ ഇയാൾ വിശ്വസിക്കുന്നു.