‘ആകാശം അകലെയല്ല’: ആർ.എസ്.സി വിദ്യാർഥി സമ്മേളനം സംഘടിപ്പിച്ചു

ജിദ്ദ: മാതൃരാജ്യത്തി​​െൻറ മഹത്തായ സവിശേഷതകൾ ഉൾക്കൊണ്ട് നന്മകൾ മുറുകെപിടിച്ച്​ വ്യക്തി വികാസത്തിനും രാഷ്​ട്രത്തിനും സമൂഹത്തിനും ഗുണപരമായി വളരാനും സ്വപ്‌നങ്ങൾ കാണാനും ശീലിക്കണമെന്ന്​ രിസാല സ്​റ്റഡി സർക്കിൾ വിദ്യാർഥി സമ്മേളനം അഭിപ്രായപ്പെട്ടു. ‘ആകാശം അകലെയല്ല’ കാമ്പയി​​​െൻറ ഭാഗമായി ജിദ്ദ സെൻട്രൽ കമ്മിറ്റിയാണ്​ ശറഫിയ്യ ഇമ്പാല ഗാർഡനിൽ സമ്മേളനം സംഘടിപ്പിച്ചത്. സമാപന പരിപാടിയുടെ ആദ്യസെഷൻ ഐ.സി.എഫ് നാഷനൽ കൺവീനർ ബഷീർ എറണാകുളം ഉദ്‌ഘാടനം ചെയ്തു. ആർ.എസ്.സി സൗദി വെസ്​റ്റ്​ നാഷനൽ ജനറൽ കൺവീനർ സൽമാൻ വെങ്കളം മോട്ടിവേഷൽ ക്ലാസെടുത്തു.

‘മീറ്റ് ദി ഗസ്​റ്റ്​’ സെഷനിൽ പ്രഫ. എ.പി അബ്്ദുൽ വഹാബ് കുട്ടികളുമായി സംവദിച്ചു. സമാപന സമ്മേളനം ഉസ്മാൻ യഹിയ അൽ അശ്‌ഹരി ഉദ്​ഘാടനം ചെയ്തു. മുജീബ് എ.ആർ നഗർ (ഐ.സി.എഫ് ഗൾഫ് കൗൺസിൽ സെക്രട്ടറി) സ്​റ്റുഡൻറ്സ് സിണ്ടിക്കേറ്റ് പ്രഖ്യാപനവും എം.സി അബ്്ദുൽഗഫൂർ സന്ദേശ പ്രഭാഷണവും നടത്തി. നാസർ ഖുറേഷി, ഇഖ്‌ബാൽ പൊക്കുന്ന്​, ഡോ. ഫിറോസ് മുല്ല, അബ്്ദുൽ സമദ്, നാവിസ് പീറ്റർ, ഷാനവാസ് തലാപ്പിൽ, നൗഫൽ എറണാകുളം എന്നിവർ സംസാരിച്ചു. ഐ.സി.ഫ് സൗദി നാഷനൽ ചെയർമാൻ ഹബീബ് കോയതങ്ങൾ അധ്യക്ഷത വഹിച്ചു. അബ്്ദുൽ ഖാദർ മാസ്​റ്റർ, സജീർ പുത്തൻപള്ളി, മൻസൂർ ചുണ്ടമ്പറ്റ, യഹ്‌യ വളപട്ടണം, മുഹമ്മദ് മാലിക്, മുഹമ്മദ് നാസിഫ്, നബീൽ, റമീസ്, മാസിന്, അദ്നാൻ, മുഹമ്മദ് മിഷാൽ തുടങ്ങിയവർ വിവിധ സെഷനുകളിൽ സംബന്ധിച്ചു.