ബാധ്യതകളിൽ നിന്ന്​ രക്ഷപ്പെടാൻ വഴിയില്ലാതെ രണ്ട്​ മലയാളികൾ

ദമ്മാം: നാട്ടിൽ നി​ന്ന്​ ഹൗസ്​ ​​െെഡ്രവർ ജോലിക്കെത്തിയ മലയാളിയുടെ സ്​പോൺസർ സ്ഥലത്ത്​ ഇല്ലാത്തതിനാൽ താൽക്കാലം താമസിക്കാൻ സ്വന്തം മുറിയിൽ ഇടം നൽകിയ യുവാവിന്​ ബാധ്യതകളുടെ അഴിയാകുരുക്ക്​ . ദമ്മാമിൽ ഹൗസ്​ ​െ​െഡ്രവർ ജോലി​െചയ്യുന്ന കായംകുളം സ്വദേശി സൽമാനാണ്​ പരസഹായം വിനയായി ഭവിച്ചത്​. കൊല്ലം കടയ്​ക്കൽ ഇടത്തറ കെ​.കെ വീട്ടിൽ സുരേഷാണ്​ ഏഴ്​ മാസം മുമ്പ്​ ഹൗസ്​ ഡ്രൈവർ വിസയിൽ ദമ്മാമിലെത്തിയത്​. സൽമാ​​​െൻറ സുഹൃത്തി​​​െൻറ സ്​പോൺസർക്ക്​ വേണ്ടിയായിയിരുന്നു ഇയാൾ വന്നത്​. ഒരു വ്യാഴാഴ്​ച വൈകുന്നേരം സുരേഷ്​ ദമ്മാമിലെത്തു​​േമ്പാഴേക്കും സ്​പോൺസറും കുടുംബവും ദുബൈയിലേക്ക്​ പോയിരുന്നു.

സുഹൃത്തിനോടൊപ്പം സുരേഷിനെ വിമാനത്താവളത്തിൽ സ്വീകരിക്കാൻ പോയ സൽമാൻ അവർ മടങ്ങിവരുന്നതുവരെ ത​​​െൻറ മുറിയിൽ കഴിയാനായി സുരേഷിനെ കൂട്ടിക്കൊണ്ടുപോയി. രണ്ട്​ ദിവസം അവിടെ കഴിഞ്ഞ സുരേഷ്​ ശനിയാഴച രാവിലെ സൽമാൻ ഉറങ്ങു​േമ്പാൾ ഇയാളുടെ കാറുമെടുത്ത്​ ടെലിഫോൺ കാർഡ്​ വാങ്ങാനായി അൽപം അകലെ ബക്കാലയിലേക്ക്​ പോയി. തിരികെ വരു​േമ്പാൾ ദിശതെറ്റി റൂമിലെത്താനാവാതെ ഏറെ നേരം പലയിടത്തായി കറങ്ങി. ഭയന്നുപോയ സുരേഷ്​ റോഡരികിൽ ചില മലയാളികൾ നിൽക്കുന്നതു കണ്ട്​ അവരോട്​ വഴി ചോദിക്കാനായി വാഹനം ഒരു വശത്തേക്ക്​ ഒതുക്കുന്നതിനിടെ ​ നിയന്ത്രണം വിട്ട്​ സ്​ഥലത്ത്​ നിർത്തിയിട്ടിരുന്ന രണ്ട്​ വണ്ടികളിലേക്ക്​ ഇടിച്ചു കയറി. സുരേഷിന്​ സൗദി ലൈസൻസ്​ ഉണ്ടായിരുന്നെങ്കിലും അതി​​​െൻറ കാലാവധി കഴിഞ്ഞിരുന്നു.

18 ദിവസത്തോളം ജയിലിൽ കഴിഞ്ഞ ഇയാളെ ചില സാമൂഹ്യ പ്രവർത്തകരുടെ ഇടപെടലാണ്​ പുറത്തെത്തിച്ചത്​. എന്നാൽ ഇതേ സമയത്ത്​ സൽമാന്​ മുഴുവൻ കുറ്റവും ഏറ്റെടുക്കേണ്ട ഗതികേടാണ്​ ഉണ്ടായത്​. അനുവാദമില്ലാതെ മ​െറ്റാരാൾക്ക്​ വാഹനം നൽകിയതിന്​ സ്​പോൺസറുടെ ശകാരം കൂടാതെ വാഹനത്തി​​​െൻറ കേടുപാടുകൾ തീർക്കാൻ ചെലവായ 17,000 റിയാൽ ഇയാളുടെ ശമ്പളത്തിൽ നിന്ന്​ സ്​പോൺസർ ഇൗടാക്കുകയാണ്​. സുരേഷ്​ ഇടിച്ച മറ്റ്​ രണ്ട്​ കാറുകൾക്കുമായി 32,000 റിയാൽ വേറെയും കൊടുക്കണം. ഇതി​​​െൻറ ഉടമകൾ സ്​പോൺസറെ നിരന്തരം ശല്യം ചെയ്യുകയാണന്നും, അതി​​​െൻറ ഫലം താൻ അനുഭവിക്കേണ്ടി വരികയാണന്നും സൽമാൻ പറഞ്ഞു. ഭാര്യയും, ഭാര്യാമാതാവും, രണ്ട്​ കുഞ്ഞുങ്ങളുമടങ്ങുന്ന കുടുംബത്തെ പോറ്റുവാൻ പെടാപാട്​ പെടുന്നതിനിടയിലാണ്​ സൽമാൻ ഇത്തരത്തിൽ കെണിയിൽ പെടുന്നത്​. നാട്ടിലെ ബാധ്യതകളിൽ നട്ടം തിരിയുന്ന തനിക്ക്​ ഇത്​ താങ്ങാവുന്നതിനപ്പുറമാണന്ന്​ ഇയാൾപറയുന്നു.

ഏഴ്​ വർഷമായി ഒരു സ്​പോൺസറുടെ കീഴിൽ ജോലി ചെയ്​തിട്ടും ഒരു അപകടവും വരുത്താത്ത സൽമാനെ പക്ഷെ വാഹനത്തി​​​െൻറ ബാധ്യത തീർക്കാതെ നാട്ടിലയക്കില്ലെന്നാണ്​ സ്​പോൺസർ അറിയിച്ചിരിക്കുന്നത്​. ഇതുവരെ ഏഴ്​ മാസം കൊണ്ട്​ 4000 റിയാൽ മാത്രമാണ്​ ബാധ്യത തീർക്കാൻ ആയത്​. അപകടം വരുത്തിയതോടെ സുരേഷിനെ സ്​പോൺസറും കൈയൊഴിഞ്ഞു. പിന്നീട്​ സാമൂഹ്യ പ്രവർത്തകനായ സക്കീർ കഠിനംകുളം മറ്റൊരു സ്​പോൺസറെ കണ്ടെത്തി ഇയാൾക്ക്​ ജോലി ലഭ്യമാക്കി​. എന്നാൽ ഇയാൾ വരുത്തിവെച്ച ബാധ്യത എങ്ങനെ പരിഹരിക്കാനാകുമെന്നറിയാതെ ഉഴലുകയാണ്​ ഇവർ. തങ്ങളുടെ അവസ്​ഥയറിഞ്ഞ്​ സുമനുസ്സകൾ സഹായിക്കാൻ എത്തുമെന്ന പ്രതീക്ഷയിലാണ്​ ഇരുവരും.