തുവൈഖും ലോകത്തി​െൻറ മുനമ്പും കാണാനുള്ള കാലമായി

റിയാദ്​: കഴിഞ്ഞ ദിവസം നടന്ന റിയാദ്​ നിക്ഷേപക സംഗമത്തിൽ കിരീടാവകാശി മുഹമ്മദ് ബിന്‍ സല്‍മാന്‍ സൗദി ജനതയെ തുവൈഖ് മലനിരയോളം കരുത്തുള്ളവരെന്നാണ്​ വിശേഷിപ്പിച്ചത്​. സൗദിയില്‍ ഏറ്റവും ഉയരമുള്ളതടക്കം പര്‍വതങ്ങള്‍ വേറെയുണ്ടായിട്ടും തുവൈഖ് തന്നെ തെരഞ്ഞെടുക്കാന്‍ കാരണം അതി​​​െൻറ സവിശേഷതകളാണ്​​. മധ്യപ്രവിശ്യയിൽ 700 കിലോമീറ്റ​ർ നീളത്തിൽ നീണ്ടുനിവർന്നുകിടക്കുന്ന ഇൗ പർവതനിരക്ക്​ സഹസ്രാബ്​ദങ്ങളെ അതിജീവിച്ച ചരിത്രമാണുള്ളത്​. അറേബ്യന്‍ ഉപഭൂഖണ്ഡത്തി​​​െൻറ കുറുകെ ചരിത്രത്തി​​​െൻറ പ്രാചീന ഘട്ടങ്ങളിലേക്ക്​ നീളുന്ന വാണിജ്യപാത കടന്നുപോയത് ഇൗ ശക്തിദുർഗത്തി​​​െൻറ പഴുതുകളിലൂടെയും പച്ചപ്പ് നിറഞ്ഞ താഴ്വരകളിലൂടെയുമാണ്. അത്രയും പ്രാധാന്യമേറിയ തുവൈഖി​​​െൻറ കരുത്താണ്​ സൗദി ജനതക്കും അവരുടെ ഇച്​ഛാശക്തിക്കുമെന്ന്​​ അമീർ മുഹമ്മദ്​ ബിൻ സൽമാൻ പറയു​േമ്പാൾ ലോകത്തിന്​ നൽകുന്നതും വലിയൊരു സന്ദേശമാണ്​.

എഡ്​ജ്​ ഒാഫ്​ ദ വേൾഡ്​
റിയാദ്​ - മക്ക പുതിയ ഹൈവേയിൽ സഞ്ചരിക്കുന്നവർക്ക്​ തുവൈഖ്​ മലനിരകളെ കാണാതെ പോകാനാവില്ല. അതിനിടയില​ുള്ളൊരു ചുരമിറങ്ങിയാണ്​ റോഡ്​ പോകുന്നതും. തുവൈഖിൽ സഞ്ചാരികളെ ആകർഷിക്കുക​ എഡ്ജ് ഓഫ് ദ വേള്‍ഡ് എന്നറിയപ്പെടുന്ന പ്രൃകതി വിസ്​മയമാണ്​. സാഹസികവും വിനോദവും കൂടിച്ചേരുന്ന സഞ്ചാര അനുഭവമായിരിക്കുമത്​. സൗദി കാണാനാഗ്രഹിക്കുന്ന ഏതൊരു സഞ്ചാരിക്കും ഒഴിവാക്കാനാകില്ല ‘ലോകത്തി​​​െൻറ മുനമ്പി’ലേക്കുള്ള ആ യാത്ര. ട്രക്കിങ്ങിന്​ ഏറ്റവും അനുയോജ്യമാണ്​ സാഹസിക യാത്രികർക്ക് ഇൗ ഗിരിമകുടങ്ങൾ. റിയാദ് നഗരത്തില്‍ നിന്ന് 150ലേറെ കിലോമീറ്റര്‍ ദൂരമുണ്ട് ലോകത്തി​​​െൻറ മുനമ്പിലേക്ക്. 135 കിലോമീറ്ററുകളോളം ടാര്‍ റോഡിലൂടെയും പിന്നെയൊരു 35 കിലോമീറ്റര്‍ മരുഭൂമിയിലുടെയും സഞ്ചരിക്കണം. വഴി ദുർഘടമായതിനാൽ 4x4 സ്​പോർട്​സ്​ യൂട്ടിലിറ്റി വാഹനം ആവശ്യമാണ്​.

റിയാദ്​ ഡിപ്ലോമാറ്റിക്​ ക്വർട്ടറിൽ നിന്ന്​ വടക്ക്​ ദിക്കിൽ​​ സാൽബൂക്കിലേക്ക്​ കിങ്​ ഖാലിദ്​ റോഡിലൂടെയാണ്​ യാത്ര നടത്തേണ്ടത്​. 30ാം കിലോമീറ്ററിൽ ജുബൈല എന്ന ഗ്രാമത്തിലേക്കുള്ള റോഡ്​ സൈൻ കണ്ടാൽ ഇടത്​ തിരിഞ്ഞ്​ ജുബൈല ^ സദൗസ്​ റോഡിലൂടെ യാത്ര തുടരണം. ജുബൈലയിൽ നിന്ന്​ അൽഉവൈന വില്ലേജ്​ വഴിയാണ്​ എഡ്​ജ്​ ഒാഫ്​ ദ വേൾഡിലേക്ക്​ പോകേണ്ടത്​. ആദ്യമെത്തുക അക്കേഷ്യ താഴ്​വരയി​േലക്കാണ്​. അക്കേഷ്യ മരങ്ങള്‍ വരിയൊപ്പിച്ച്​ നിൽക്കുന്ന താഴ്​വര ഒട്ടകങ്ങളുടെ മേച്ചിൽപ്പുറമാണ്​. കുറ്റിച്ചെടികളുടെ ചെറിയ പൊന്തകൾ മരങ്ങൾക്കിടയിലുണ്ട്​. മഴക്കാലങ്ങളില്‍ ഇവിടെ വെള്ളം നിറയാറുണ്ട്​. കുറ്റിച്ചെടികളില്‍ പൂക്കള്‍ വിരിയുകയും ചിത്രശലഭങ്ങളും വിവിധ തരം പക്ഷികളും പാറുകയും ചെയ്യുന്ന സീസണും സംഭവിക്കാറുണ്ട്​. ഇഴജീവികളും തുമ്പികളും ഉള്‍പ്പെടെ പലതരം ജീവികളുമായി ജൈവവൈവിദ്ധ്യത്തി​​​െൻറ പറുദീസയുമാണ്​ താഴ്​വര. കിഴക്ക്​ നിന്ന്​ -പടിഞ്ഞാറേക്കുള്ള പഴയ പ്രാചീന പാത ഇതേ താഴ്​വരയിലൂടെയാണ് കടന്നുപോയിരുന്നത്. തുവൈഖ്​ താഴ്വരകളിൽ ജനവാസ കേന്ദ്രങ്ങളും പഴം പച്ചക്കറികളുടെ പാടങ്ങളുമുണ്ട്.

അനുയോജ്യ കാലം
എഡ്​ജ്​ ഒാഫ്​ ദ വേൾഡ്​ സന്ദർശിക്കാൻ ഏറ്റവും അനുയോജ്യമായ കാലം നവംബർ, ഡിസംബർ മാസങ്ങളാണ്​. വെള്ളി, ശനി ദിവസങ്ങളിലാണ്​ സഞ്ചാരികൾ കൂടുതലും എത്തുക. ആളുകൾ രാത്രിയിൽ തമ്പടിച്ച്​ തങ്ങുന്ന പതിവുമുണ്ട്​. ഇവിടെ നിന്നുള്ള സൂര്യോദയത്തി​​​െൻറ കാഴ്​ച മനോഹരമാണ്​.