മഴ, ആലിപ്പഴ വർഷം; ത്വാഇഫിൽ ഗതാഗതം മുടങ്ങി

ത്വാഇഫ്​: ബുധനാഴ്​ച ത്വാഇഫിൽ മഴയോടൊപ്പമുണ്ടായ ആലിപ്പഴ വർഷത്തിനിടയിൽ നിരവധി വാഹനങ്ങൾ റോഡിൽ കുടുങ്ങി. ഹലഖ ശർഖിയ, റൗദ ഡിസ്​ട്രിക്​ടിലാണ്​ ശക്​തമായ ആലിപ്പഴ വർഷമുണ്ടായത്​. മഴ സീസണിൽ ചിലപ്പോ​ൾ ആലിപ്പഴ വർഷമുണ്ടാകാറുണ്ടെങ്കിലും ഇത്രമാത്രം ​െഎസ് ​കട്ടകൾ റോഡുകളിൽ കുമിഞ്ഞു കൂടുന്നത്​ അപൂർവമാണെന്ന് നാട്ടുകാർ പറഞ്ഞു​. റോഡുകളിൽ ​െഎസ്​ കുമിഞ്ഞ്​ കൂടിയതിനെ തുടർന്ന്​ ഗതാഗതം തടസ്സപ്പെട്ടു. ​
െഎസ്​ ഒഴുകിപ്പോകുന്നതുവരെ ജനങ്ങൾ വീടുകളിൽ തന്നെ കഴിയുകയായിരുന്നു.

മഴ അവസാനിച്ചതോടെ റോഡിലെ ​െഎസ്​ കട്ടകൾ നീക്കം ചെയ്യാൻ മുനിസിപ്പാലിറ്റി നടപടി ആരംഭിച്ചു. സാഹസപ്പെട്ടാണ്​ ​െഎസ് നീക്കം ചെയ്​തത്​. ഏകദേശം 300 ക്യൂബിക്​ മീറ്ററിലധികം ​െഎസ്​ കട്ടകൾ റോഡിൽ നിന്ന്​ ഇതിനകം നീക്കം ചെയ്​തതായാണ്​ കണക്ക്​​. വെള്ളം ഒഴുകിപ്പോകാൻ പ്രദേശത്തെ അഴുക്ക്​ ചാലുകളെല്ലാം തുറക്കുകയും തടസ്സങ്ങൾ നീക്കുകയും ചെയ്​തു​. 55 പേരടങ്ങുന്ന സംഘത്തെ ഇതിനായി നിയോഗിച്ചിരുന്നു. ഇവർക്കാവശ്യമായ ഉപകരണങ്ങളും ഒരുക്കി.