അൽ അയ്സിൽ ശക്തമായ പൊടിക്കാറ്റും മഴയും

അൽഅയ്‌സ്‌: അൽ അയ്സ് പ്രവിശ്യയിൽ ശക്തമായ മഴ. ചില പ്രദേശങ്ങളിൽ മഴയുടെ മുന്നോടിയായി ശക്തമായ പൊടിക്കാറ്റും ഉണ്ടായി. കഴിഞ്ഞ ദിവസം രാത്രിയാണ്​ മഴ ശക്​തമായത്​. കാലാവസ്ഥ വ്യതിയാനം മൂലം കനത്ത മഴ പെയ്യാനുള്ള സാധ്യതയും വെള്ളമൊഴുക്കിനെകുറിച്ച സൂചനയും കാലാവസ്ഥ നിരീക്ഷണ കേന്ദ്രം നേരത്തെ പ്രദേശവാസികൾക്ക് നൽകിയിരുന്നു. ചില താഴ്വര പ്രദേശങ്ങളിൽ നല്ല തണുപ്പ്​ അനുഭവപ്പെട്ടതായി സിവിൽ ഡിഫൻസ് അറിയിച്ചു. വരും ദിവസങ്ങളിലും നിലവിലുള്ള സ്ഥിതി തുടരുമെന്ന സൂചനയാണ് ബന്ധപ്പെട്ടവർ നൽകുന്നത്.