നൂറ സെൻട്രൽ ലൈബ്രറിയിൽ ശനിയാഴ്​ചകളിൽ പുരുഷന്മാർക്കും പ്രവേശനം

റിയാദ്​: സൗദി അറേബ്യയിലെ ഏറ്റവും വലിയ വനിത സർവകലാശാല റിയാദിലെ​ നൂറ ബിൻത്​ അബ്​ദുറഹ്​മാൻ യൂനിവേഴ്​സിറ്റിയിലെ സെൻട്രൽ ലൈബ്രറിയുടെ വാതിലുകൾ പുരുഷന്മാർക്കു വേണ്ടിയും തുറന്നു. എല്ലാ ശനിയാഴ്​ചകളിലും രാവിലെ 10 മുതൽ വൈകീട്ട്​ നാല്​ വരെ ലൈബ്രറിയിൽ പ്രവേശനാനുമതി നൽകിയ തീരുമാനം ഇൗ മാസം ആറ്​ മുതൽ നടപ്പായി. യൂനിവേഴ്​സിറ്റി ലൈബ്രറി അഫയേഴ്​സ്​ അധികൃതരാണ്​ ഇക്കാര്യം അറിയിച്ചത്​. ഗവേഷകർ, ബുദ്ധിജീവികൾ, വായനാതൽപരർ എന്നിവർക്കാണ്​ ലൈബ്രറിയുടെ വിപുലമായ സൗകര്യം ആഴ്​ചയിലൊരു ദിനം തുറന്നിടുന്നത്​. യൂനിവേഴ്​സിറ്റിയുടെ അതിവിശാലമായ കാമ്പസിനുള്ളിൽ മെട്രോ റെയിൽ എ ഒമ്പത്​ സ്​റ്റേഷന്​ എതിർവശത്താണ്​ സെൻട്രൽ ലൈബ്രറി സ്ഥിതി ചെയ്യുന്നത്​. സൗദി അറേബ്യയുടെ ദേശീയ പരിവർത്തന പദ്ധതി ‘വിഷൻ 2030’​​​െൻറ ഭാഗമായാണ്​ ലോകോത്തര മികവുള്ള ലൈബ്രറി സൗകര്യം പുരുഷ ഗവേഷകർക്കും വിദ്യാർഥികൾക്കും ഉപയോഗപ്രദമാക്കുക എന്ന ലക്ഷ്യത്തോടെ ഇത്തരത്തിലൊരു തീരുമാനം എടുത്തതെന്ന്​ ലൈബ്രറി അഫയേഴ്​സ്​ ഡീൻ ഡോ. ഹനാൻ സാഖിഹ്​ പറഞ്ഞു.

സമൂഹത്തിലെ എല്ലാ തുറകളിലുള്ളവർക്കും വിജ്ഞാനപകരുകയും പ്രാദേശിക ഗവേഷണ പ്രവർത്തനങ്ങളെ പിന്തുണക്കുകയും ചെയ്​ത്​ സൗദി വിദ്യാഭ്യാസ, വൈജ്ഞാനിക രംഗങ്ങളെ ആഗോള നിലവാരത്തിൽ എത്തിക്കാനും അതിനനുസൃതമായ പ്രചുരപ്രചാരം നേടുകയും ചെയ്യുക എന്ന യൂനിവേഴ്​സിറ്റിയുടെ യഥാർഥ ലക്ഷ്യം നേടുന്നതിനുള്ള പ്രവർത്തനങ്ങളിലൊന്നായാണ്​ രാജ്യത്തെ തന്നെ ഏറ്റവും വലിയ ലൈബ്രറികളിലൊന്ന്​ പുരുഷന്മാർക്ക്​ പ്രാപ്യമാക്കുന്ന ഇൗ തീരുമാനമെന്നും ഡോ. ഹനാൻ പറഞ്ഞു. ഗവേഷകർക്ക്​ എല്ലാ അർഥത്തിലുമുള്ള പിന്തുണ നൽകുകയും ശാസ്​ത്രീയ ഗവേഷണത്തി​​​െൻറ ഗുണമേന്മ വർധിപ്പിക്കുകയും ചെയ്യുക എന്നതും ​ലൈബ്രറിയുടെ ലക്ഷ്യങ്ങളാണ്​. വിജ്ഞാനദാഹികളായി ലൈബ്രറിയിലെത്തുന്ന പുരുഷന്മാർക്ക്​ ഗ്രന്ഥങ്ങൾ തെരഞ്ഞെടുക്കാനും വിവര സമ്പാദനത്തിനും റഫറൻസിനും വേണ്ട എല്ലാ സൗകര്യങ്ങളും ലൈബ്രറി ഒരുക്കുമെന്നും ​അവർ കൂട്ടിച്ചേർത്തു.

ഇൻറർനെറ്റും ഗ്രന്ഥങ്ങളുമായി ബന്ധപ്പെട്ട്​ ആവശ്യമായതെന്തും കാമറയിൽ പകർത്താനും ഡിജിറ്റൽ ഡാറ്റാബേസ്​ ​ശേഖരിക്കാനുമെല്ലാം സൗകര്യമുണ്ട്​. ലൈബ്രറിയിലുള്ള മുഴുവൻ പുസ്​തകങ്ങളും സംബന്ധിച്ചുള്ള വിശദമായ സൂചിക ലഭ്യമാണ്​. 10 വയാനാമുറികളാണ്​ ​​ൈലബ്രറിയിലുള്ളത്​. ലോകവിജ്ഞാനത്തി​​​െൻറ എല്ലാ വിഭാഗങ്ങളും ഇവിടെയുണ്ട്​. പുറമെ കൈയ്യെഴുത്തു പ്രതികൾ, വിദ്യാഭ്യാസവും സാ​േങ്കതിക വിദ്യയുമായി ബന്ധപ്പെട്ടത്​, സർക്കാർ പ്രസിദ്ധീകരണങ്ങൾ എന്നീ പ്രത്യേക ഹാളുകളും ഇവിടെ സജ്ജീകരിച്ചിട്ടുണ്ട്​.