തോക്ക്​ ചൂണ്ടി കൊള്ളയടിക്കുന്ന സംഘം അറസ്​റ്റിൽ

റിയാദ്​: മോ​േട്ടാർ സൈക്കിളിൽ കറങ്ങിയും തോക്ക്​ ചൂണ്ടിയും കൊളളയടി തൊഴിലാക്കിയ സംഘം റിയാദിൽ പൊലീസ്​ പിടിയിൽ. നിരവധി കവർച്ച സംഭവങ്ങളിൽ പ്രതികളെന്ന്​ സംശയിക്കുന്നവരാണ്​ അറസ്​റ്റിലായത്​. തൊണ്ടി മുതലുകളായി കറൻസി നോട്ടുകളും മൊബൈൽ ഫോണുകളും കവർച്ചക്ക്​ ഉപയോഗിക്കുന്ന തോക്കുകളും മോ​​േട്ടാർ സൈക്കിളുകളും ഇവരിൽ നിന്ന്​ കണ്ടെടുത്തു. ബത്​ഹയിൽ ഇന്ത്യാക്കാരനെ സ്വന്തം താമസസ്​ഥലത്തിന്​ മുന്നിൽ വെച്ച്​ ​ആക്രമിച്ചതിൽ പ്രതികൾക്ക്​ പങ്കുണ്ടെന്ന്​ തെളിഞ്ഞതായും പൊലീസ്​ വൃത്തങ്ങൾ അറിയിച്ചു. 30 വയസിൽ താഴെ പ്രായമുള്ളവരാണ്​ പ്രതികൾ.
കഴിഞ്ഞയാഴ്​ച ബത്​ഹയിൽ ഇരുമ്പ്​ വടി കൊണ്ട്​ മലയാളിയുടെ തല അടിച്ചുപൊട്ടിച്ച സംഭവത്തിലെ പ്രതികളാവും പിടിയിലാ​യതെന്ന്​ കരുതുന്നു. ഇന്ത്യാക്കാരനെ റിയാദ്​ നഗരകേന്ദ്രത്തിൽ അയാളുടെ വീടിന്​ മുന്നിൽ വെച്ച്​ അക്രമിച്ചു എന്നാണ്​ പൊലീസി​​​െൻറ വാർത്താക്കുറിപ്പിൽ പറയുന്നത്​.
കെ.എം.സി.സി പ്രവര്‍ത്തകനായ ഓമാനൂര്‍ അശ്‌റഫ്​ അക്രമിക്കപ്പെട്ട സംഭവമായിരിക്കും ഇതെന്നാണ്​ സൂചന.​

കഴിഞ്ഞ ചൊവ്വാഴ്​ച വൈകീട്ട്​ ബത്ഹ ശാറ റെയിലിലെ റിയാദ്​ ബാങ്കിന്​ സമീപത്തെ ഗല്ലിയിൽ വെച്ച്​ നാലംഗ സംഘമാണ്​ ഇരുമ്പ്​ ദണ്ഡ്​ കൊണ്ട്​​ അടിച്ച്​ പരിക്കേൽപിച്ച്​ പണം കവർന്നത്​. അസര്‍ നമസ്‌കാര സമയത്തായിരുന്നു​ സംഭവം. 2,300 റിയാൽ കവര്‍ന്നു. സംഭവത്തെ തുടർന്ന്​ ബത്ഹ പൊലീസ് കേസെടുത്ത്​ അന്വേഷണം നടത്തിവരികയായിരുന്നു​. ജോലി കഴിഞ്ഞ് താമസസ്ഥലത്തേക്ക് പോകുമ്പോള്‍ മുറിയുടെ വാതിലിന്​ അരുകിൽ വെച്ചാണ് അശ്‌റഫിനെ സംഘം പിടികൂടിയത്. പാൻറും ടീഷര്‍ട്ടും ധരിച്ച, അറബി സംസാരിക്കുന്ന കവർച്ചക്കാർ അശ്‌റഫിനെ ശരീരമാസകലം ഇരുമ്പുവടി കൊണ്ട് അടിക്കുകയായിരുന്നു. പഴ്‌സിലുണ്ടായിരുന്ന 2,300 റിയാല്‍ എടുത്ത ശേഷം ഇഖാമ വലിച്ചെറിഞ്ഞ് രക്ഷപ്പെട്ടു. തലയിൽ മാരക മുറിവേറ്റ അശ്​റഫിനെ രക്തമൊലിക്കുന്ന നിലയിൽ സുഹൃത്തുക്കള്‍ സഫാമക്ക പോളിക്ലിനിക്കിലെത്തിക്കുകയായിരുന്നു. പ്രാഥമിക ചികിത്സ നല്‍കിയ ശേഷം പൊലീസില്‍ വിവരമറിയിച്ചു. പൊലീസ് ആവശ്യപ്പെട്ട പ്രകാരം ശുമൈസി ആശുപത്രിയിലെത്തിച്ചു. തലയില്‍ 30 ലേറെ തുന്നലുകളിടേണ്ടിവന്നു.