പൈപ്​വെള്ളത്തി​െൻറ ഗുണമേൻമ: ബുറൈദയിൽ പ്രദർശനം

ബുറൈദ: പൈപ്​ ലൈൻ വഴി ലഭിക്കുന്ന വെള്ളത്തി​​​െൻറ ഗുണമേന്മ സംബന്ധിച്ച്​ ആളുകളെ ബോധവത്​കരിക്കാൻ ബുറൈദയിൽ ​സമ്മേളനവും പ്രദർശനവും. ഖസീം മേഖല ഗവർണർ അമീർ ഡോ. ഫൈസൽ ബിൻ മിശ്​അൽ പരിപാടി ഉദ്​ഘാടനം ചെയ്​തു. ബുറൈദയിലെ കിങ്​ ഖാലിദ്​ സാംസ്​കാരിക കേന്ദ്രത്തിലാണ്​ രണ്ട്​ ദിവസം നീളുന്ന പ്രദർശനം ഒരുക്കിയിരിക്കുന്നത്​. ചടങ്ങിൽ പരിസ്​ഥിതി, ജല, കൃഷി മന്ത്രി എൻജിനീയർ മൻസൂർ അൽമുശൈത്വി, മേഖല ഗവർണറേറ്റ്​ അണ്ടർ സെക്രട്ടറി ഡോ. അബ്​ദുറഹ്​മാൻ അൽവിസാൻ, നാഷനൽ വാട്ടർ കമ്പനി എക്​സിക്യൂട്ടീവ്​ മേധാവി എൻജിനീയർ മുഹമ്മദ്​ അൽഗാമിദി തുടങ്ങിയവർ സംബന്ധിച്ചു. പൈപ്പ്​ ലൈനിലൂടെ ലഭിക്കുന്ന ജലത്തി​​​െൻറ മേന്മ സംബന്ധിച്ച്​ ആളുകളെ ബോധവത്​കരിക്കുന്നതിനാണ്​ പരിപാടി സംഘടിപ്പിച്ചതെന്ന്​ പരിസ്​ഥിതി, ജല, കൃഷി സഹമന്ത്രി പറഞ്ഞു. വിഷൻ 2030 അനുസരിച്ച്​ ജലവിതരണ രംഗത്ത്​ മികച്ച സേവനങ്ങളൊരുക്കലും ഇതിലൂടെ ലക്ഷ്യമിടുന്നതായും അദ്ദേഹം പറഞ്ഞു.