മജീസിയക്ക്​ പ്രവാസികളുടെ​ സാമ്പത്തിക പിന്തുണ

റിയാദ്​: രാജ്യാന്തര പഞ്ചഗുസ്തി മത്സരത്തിൽ ഇന്ത്യയെ പ്രതിനിധീകരിക്കുന മലയാളി കായികതാരം മജീസിയ ഭാനുവിന്​ പ്രവാസികളുടെ​ സാമ്പത്തിക പിന്തുണ. ഒക്​ടോബറിൽ തുർക്കിയിൽ നടക്കുന്ന ചാമ്പ്യൻഷിപ്പിൽ മത്സരിക്കാനുള്ള ചെലവിലേക്കാണ്​ റിയാദിലെ ഒരുപറ്റം മലയാളികൾ ലക്ഷത്തോളം രൂപ സമാഹരിച്ച്​ നൽകിയത്​. മലയാളിയുടെ അഭിമാനമായ കായികതാരത്തി​​​​െൻറ ലോകകായിക രംഗത്തേക്കുള്ള യാത്രയിൽ തങ്ങളുടെയും ഒരു പങ്ക്​ എന്ന നിലക്കാണ്​ മജീസിയയുടെ നാട്ടുകാരടക്കം റിയാദിലുള്ള ഒരുകൂട്ടം മലയാളികൾ വാട്​സ്​ ആപ്​ ഗ്രൂപ്പിലൂടെ ധനസമാഹരണം നടത്തിയതെന്ന്​ അവർ വാർത്താസമ്മേളനത്തിൽ പറഞ്ഞു.

1,02,000 രൂപയാണ്​ സ്വരൂപിച്ചത്​. തുക മജീസിയയുടെ ബാങ്ക്​ അക്കൗണ്ടിലേക്ക്​ അയച്ചുകൊടുത്തതായും അവർ വ്യക്തമാക്കി. ഖത്തറിൽ ​പ്രവാസിയായ ​കോഴിക്കോട്​ ഒാർക്കാ​േട്ടരി കല്ലേരി മോയിലോകത്ത്​ അബ്​ദുൽ മജീദി​​​​െൻറ മകളാണ്​ മജീസിയ. പവർ ലിഫ്റ്റിങ്ങിൽ ദേശീയ, രാജ്യാന്തര മീറ്റുകളിൽ ഒട്ടേറെ മെഡലുകൾ നേടിയ മിടുക്കി തുടർന്ന്​ പഞ്ച ഗുസ്തിയിലും ഒരു കൈ നോക്കാനിറങ്ങിയത്​. സംസ്ഥാനത്തെ സ്ട്രോങ്ങ് വുമണായി മൂന്നു തവണ തെരഞ്ഞെടുക്കപ്പെട്ടിട്ടുണ്ട്. ഈ വർഷം ലഖ്‌നോവിൽ നടന്ന ദേശീയ പഞ്ചഗുസ്തി മത്സരത്തിൽ 55 കിലോ വിഭാഗത്തിൽ ഗോൾഡ് മെഡൽ നേടി. ഇതോടെ ഒക്ടോബറിൽ തുർക്കിയിൽ നടക്കുന്ന ലോക പഞ്ചഗുസ്തി മത്സരത്തിൽ പങ്കെടുക്കാനുള്ള യോഗ്യത മജീസിയക്ക് ലഭിച്ചു. മൂന്നു തവണ കേരള സർക്കാറി​​​​െൻറ സ്‌ട്രോങ് വുമണായി.

അഞ്ചു തവണ കോഴിക്കോട് ജില്ലയുടെ സ്‌ട്രോങ് വുമണുമായി. ഏഷ്യൻ പവർലിഫ്റ്റിങ് ചാമ്പ്യൻഷിപ്​, ദേശീയ ചാമ്പ്യൻഷിപ്, ഏഷ്യൻ ക്ലസിക് പവർലിഫ്റ്റിങ്​ ചാമ്പ്യൻഷിപ്​ എന്നിവയിൽ വെള്ളി മെഡലുകൾ സ്വന്തമാക്കി. കോഴിക്കോട് ജയാ ജിമ്മിലെ ജയദാസനാണ് പവർലിഫ്റ്റിങ് പരിശീലകൻ. ഇ.വി സലീശ്​ പഞ്ചഗുസ്തിയിലെ ഗുരുവും. വടകര ഹോംസ്​ട്രിങ്​ ഫിറ്റ്നസ് സ​​​െൻററിലെ ഷമ്മാസ് അബ്​ദുല്ലത്തീഫാണ് ഫിറ്റ്നസ് പരിശീലകൻ. മാഹി ഇൻസ്​റ്റിറ്റ്യൂട്ട് ഓഫ് മെഡിക്കൽ കോളജിൽ അവസാന വർഷ ബി.ഡി.എസ് വിദ്യാർഥിനിയാണ് മജീസിയ ഭാനു. ഖത്തറിൽ ഹൗസ്​ ഡ്രൈവറാണ്​ പിതാവ്​ അബ്​ദുൽ മജീന്​. മാതാവ്​ റസിയ. ബിരുദ വിദ്യാർഥിയായ മുഹമ്മദ് നിസാമുദ്ദീൻ ഏക സഹോദരനാണ്​. വാർത്താസമ്മേളനത്തിൽ അബ്​ദുൽ അസീസ് കടലുണ്ടി, നൗഫൽ വടകര, ആസാദ് കുന്നുമ്മൽ എന്നിവർ പങ്കെടുത്തു.