റോഡ് അടിസ്ഥാന സൗകര്യവികസനത്തിൽ ജി20 രാജ്യങ്ങളിൽ സൗദി നാലാമത്

റി​യാ​ദ്​: റോ​ഡ് അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​ൽ ജി20 ​രാ​ജ്യ​ങ്ങ​ളി​ൽ സൗ​ദി അ​റേ​ബ്യ നാ​ലാം സ്ഥാ​ന​ത്ത്. 2023ലെ ​വേ​ൾ​ഡ് ഇ​ക്ക​ണോ​മി​ക് ഫോ​റം റി​പ്പോ​ർ​ട്ട് അ​നു​സ​രി​ച്ച് റോ​ഡ് ഇ​ൻ​ഫ്രാ​സ്ട്ര​ക്ച​ർ ഗു​ണ​നി​ല​വാ​ര സൂ​ചി​ക​യി​ൽ സൗ​ദി 5.7 ലെ​വ​ലി​ലേ​ക്ക് മു​ന്നേ​റി​യ​താ​യാ​ണ്​ റി​പ്പോ​ർ​ട്ട്. ഇ​തോ​ടെ റോ​ഡ്​ അ​ടി​സ്ഥാ​ന സൗ​ക​ര്യ​വി​ക​സ​ന​ത്തി​ൽ ജി20 ​രാ​ജ്യ​ങ്ങ​ളി​ൽ സൗ​ദി ആ​ഗോ​ള​ത​ല​ത്തി​ൽ നാ​ലാം സ്ഥാ​ന​ത്തെ​ത്തി.

റോ​ഡ് പ്ര​ക​ട​ന​ത്തെ​യും ഉ​പ​ഭോ​ക്തൃ സു​ര​ക്ഷ​യെ​യും ബാ​ധി​ക്കു​ന്ന ഒ​രു കൂ​ട്ടം ഘ​ട​ക​ങ്ങ​ളു​ടെ പ​ഠ​ന​ത്തെ​യും വി​ശ​ക​ല​ന​ത്തെ​യും അ​ടി​സ്ഥാ​ന​മാ​ക്കി റോ​ഡ് നെ​റ്റ്‌​വ​ർ​ക്കു​ക​ളു​ടെ ഗു​ണ​നി​ല​വാ​രം അ​ള​ക്കു​ന്ന ഏ​റ്റ​വും പ്ര​ധാ​ന​പ്പെ​ട്ട ആ​ഗോ​ള സൂ​ച​ക​ങ്ങ​ളി​ലൊ​ന്നാ​ണ് ആ​ഗോ​ള റോ​ഡ് ഇ​ൻ​ഫ്രാ​സ്ട്ര​ക്​​ച​ർ ഗു​ണ​നി​ല​വാ​ര സൂ​ചി​ക.

അ​ന്താ​രാ​ഷ്​​ട്ര സൂ​ച​ക​ങ്ങ​ളി​ൽ ഗ​താ​ഗ​ത, ലോ​ജി​സ്​​റ്റി​ക് സം​വി​ധാ​ന​ത്തി​​​ന്റെ ഈ ​പു​രോ​ഗ​തി ഭ​ര​ണ​കൂ​ട​ത്തി​​ന്റെ മ​ഹ​ത്താ​യ​തും പ​രി​ധി​യി​ല്ലാ​ത്ത​തു​മാ​യ പി​ന്തു​ണ​യു​ടെ ഫ​ല​മാ​ണെ​ന്ന്​ ഗ​താ​ഗ​ത, ലോ​ജി​സ്​​റ്റി​ക് മ​ന്ത്രി എ​ൻ​ജി. സ്വാ​ലി​ഹ് ബി​ൻ നാ​സ​ർ അ​ൽ ജാ​സ​ർ പ​റ​ഞ്ഞു.

റോ​ഡ് നെ​റ്റ്‌​വ​ർ​ക്ക് ക​ണ​ക്ടി​വി​റ്റി, റോ​ഡു​ക​ളു​ടെ ഗു​ണ​നി​ല​വാ​രം മെ​ച്ച​പ്പെ​ടു​ത്ത​ൽ, അ​വ​യു​ടെ പ്ര​വ​ർ​ത്ത​ന​ക്ഷ​മ​ത വ​ർ​ധി​പ്പി​ക്ക​ൽ, ഉ​യ​ർ​ന്ന സാ​ങ്കേ​തി​ക സ​വി​ശേ​ഷ​ത​ക​ൾ, ഉ​യ​ർ​ന്ന നി​ല​വാ​ര​ത്തി​ലു​ള്ള സു​ര​ക്ഷ എ​ന്നി​വ​​ക്കാ​യി​ സൗ​ദി അ​റേ​ബ്യ ന​ട​ത്തു​ന്ന യോ​ജി​ച്ച ശ്ര​മ​ങ്ങ​ളും നേ​ട്ട​ത്തി​ന്​ കാ​ര​ണ​മാ​യെ​ന്നും മ​ന്ത്രി പ​റ​ഞ്ഞു.

വേ​ൾ​ഡ് ഇ​ക്ക​ണോ​മി​ക് ഫോ​റം പു​റ​ത്തി​റ​ക്കി​യ റി​പ്പോ​ർ​ട്ടി​ൽ സൗ​ദി അ​റേ​ബ്യ​യി​ലെ റോ​ഡ് ഇ​ൻ​ഫ്രാ​സ്ട്ര​ക്​​ച​റി​​ന്റെ ഗു​ണ​നി​ല​വാ​ര സൂ​ചി​ക 5.2ൽ ​നി​ന്ന് 5.7 ആ​യി ഉ​യ​ർ​ന്ന​താ​യി സൗ​ദി റോ​ഡ്​ അ​തോ​റി​റ്റി പ​റ​ഞ്ഞു.

ഇ​ത് ഏ​ക​ദേ​ശം 10 ശ​ത​മാ​നം വ​ള​ർ​ച്ച​നി​ര​ക്കാ​ണ്. ക​ഴി​ഞ്ഞ വ​ർ​ഷ​ത്തി​​ന്റെ തു​ട​ക്ക​ത്തി​ൽ മ​ന്ത്രി​സ​ഭ അം​ഗീ​ക​രി​ച്ച റോ​ഡ് മേ​ഖ​ല​യി​ലെ സ്​​ട്രാ​റ്റ​ജി​യു​ടെ ല​ക്ഷ്യ​ങ്ങ​ൾ കൈ​വ​രി​ക്കു​ന്ന​തി​ന് ഈ ​സൂ​ച​കം സ​ഹാ​യി​ക്കു​മെ​ന്നും അ​തോ​റി​റ്റി പ​റ​ഞ്ഞു.