ഒാർമകളെ മുട്ടിവിളിക്കാൻ  അൽ അഹ്​സയിലെ അത്താഴം മുട്ടുകാരൻ

അൽഅഹ്​സ: ഇഫ്​താർ സമയം അറിയിച്ച്​ പീരങ്കി വെടിയും അത്താ​ഴം മുട്ടുമൊക്കെ പഴങ്കഥകളായെങ്കിലും കിഴക്കൻ മേഖലയിലെ അൽഅഹ്​സ ഗ്രാമവാസികൾക്ക്​ അതില്ലാത്ത നോമ്പുകാലം ഒാർക്കാൻ കഴിയില്ല. ഡിജിറ്റൽ, സ്​മാർട്ട്​ ഫോൺ യുഗത്തിന്​ കാലം വഴിമാറിയെങ്കിലും അൽ അഹ്​സയിലെ ചില ഭാഗങ്ങളിൽ ചെണ്ടകൊട്ടി അത്താഴത്തിന്​ ഉണർത്തുന്ന പഴയ സ​മ്പ്രദായം (അത്താഴം മുട്ട്​) ഇപ്പോഴും നിലനിൽക്കുന്നു. റമദാനായാൽ ഗ്രാമങ്ങളിലെ റോഡുകളിൽ അത്താഴംമുട്ട്​ പതിവ്​ കാഴ്​ചയാണ്​. ​  പ്രധാന പട്ടണങ്ങളിലെല്ലാം ഇൗ സ​മ്പ്രദായം അപ്രത്യക്ഷമായെങ്കിലും മബ്​റസ്​ പ്രദേശത്ത്​​ അതിപ്പോഴും നിലനിൽക്കുന്നു​​.

ആ പഴയ സ​മ്പ്രദായം നിലനിർത്തി, ഒരോ വർഷവും റമദാനിൽ ആളുകളെ അത്താഴത്തിനു വിളിക്കാൻ  നാസ്വിർ അൽ ഉറൈഫി എന്ന ഒരാളും അവിടെയുണ്ട്​. പിതാവി​​​​െൻറ പാരമ്പര്യം പിന്തുടരുകയാണ്​ ഇയാൾ. പണ്ട​ത്തെ റമദാൻ സ്​മരണകൾ പുതുതലമുറക്ക്​ പകരുകയുമാണ്​. റമദാൻ കീർത്തനങ്ങൾ ഉച്ചത്തിൽ പാടിയു​ം അത്താഴ സമയമറിയിച്ചുമുള്ള ഇയാളുടെ വരവ്​ കുട്ടികൾക്ക്​ ഹരമാണ്​. റമദാ​​​​​െൻറ ഒരോ രാത്രികളിലും ഇയാളുടെ വരവ്​ ജാലകക്കാഴ്​ചയാണീ നാട്ടുകാർക്ക്​. റമദാനായാൽ അത്താഴം മുട്ട്​​ സൗദി അറേബ്യയിൽ ​പ്രത്യേകിച്ച്​ അൽ അഹ്​സ മേഖലയിൽ പണ്ട്​ കാലം മുതലേ നിലനിന്നിരുന്ന സ​മ്പ്രദായമാണ്​. ‘മുസ്​ഹറാതീ’ ‘അബൂ ത്വബീല’ എന്നാണ്​ ഇങ്ങനെയുള്ളവരെ വിളിച്ചിരുന്നത്​. സുബ്​ഹി ബാങ്കിന്​ രണ്ട്​ മണിക്കൂർ മുമ്പാണ്​ ഇവരുടെ വരവ്​. അത്താഴത്തിന്​ ഇവരെ പ്രതീക്ഷിക്കുക അക്കാലത്ത്​ ആളുക​​ളുടെ പതിവാണ്​.

പണ്ട്​ ​വീടുകൾ കുറവായതിനാൽ ഒരോ വീടി​​​​െൻറയും കവാടങ്ങളിലെത്തി വീട്ടുകാര​​​​െൻറ പേര്​ വിളിച്ചായിരുന്നു അത്താഴത്തിന്​ ഉണർത്തിയിരുന്നത്​. എന്നാലിപ്പോൾ വീടുകളുടെ  എണ്ണം കൂടിയപ്പോൾ പ്രദേശത്തെ ഗോത്രങ്ങളുടെയും അറിയപ്പെടുന്ന ആളുകളുടെയും പേരുകൾ വിളിച്ചാണ്​​  ഉണർത്തുന്നത്​. ​​ പ്രതിഫലമെന്നും ഇവർ ആവശ്യപ്പെടാറില്ലെങ്കിലും പെരുന്നാൾ ദിവസം ചെണ്ടയുമായി ഒരോ വീടുകളിലുമെത്തും​. ആ ദിവസം ആളുകൾ കാശും ഉപഹാരങ്ങളും നൽകുക പതിവാണ്​.