സൗദി രാജകുമാരൻ ബന്ദർ ബിൻ അബ്​ദുല്ല അന്തരിച്ചു

റിയാദ്: സൗദി രാജകുടുംബാംഗം അമീർ ബന്ദർ ബിൻ അബ്​ദുല്ല അൽ അബ്​ദുറഹ്​മാൻ അൽസഊദ് അന്തരിച്ചു. റോയൽ കോർട്ട് ആണ് മരണവാർത്ത പുറത്തുവിട്ടത്. ഇന്ന് (ഞായറാഴ്ച) വൈകുന്നേരം അസർ നമസ്‌കാരത്തിന് ശേഷം റിയാദിലെ ഇമാം തുർക്കി ബിൻ അബ്​ദുല്ല മസ്ജിദിൽ മയ്യിത്ത് നമസ്‌കാരം നടന്നു.

ബത്​ഹക്ക്​ സമീപം ഊദ്​ മഖ്​ബറയിൽ ഖബറടക്കി. അല്ലാഹു അദ്ദേഹത്തിന് പാരത്രിക ലോകത്ത് വിശാലമായ കരുണയും പാപമോചനവും നൽകി അനുഗ്രഹിക്കട്ടെയെന്നും അദ്ദേഹത്തെ സ്വർഗത്തോപ്പുകളിൽ വസിപ്പിക്കട്ടെയെന്നും റോയൽ കോർട്ട്​ വാർത്താക്കുറിപ്പിൽ പ്രാർഥന നേർന്നു.