ഇന്ത്യൻ ഡ്രൈവറുടെ മരണത്തിൽ ദുഃഖിതനായി സൗദി കവി

ഖമീസ്​ മുശൈത്ത്: മകനെ പോലെ കൂടെ കൊണ്ടുനടന്ന ഇന്ത്യക്കാരനായ ത​െൻറ ഡ്രൈവറുടെ മരണത്തിൽ ദുഃഖിതനായി​ പ്രമുഖ സൗദി കവി. മരിച്ചയാളുടെ കുടുംബത്തിന്​ പ്രതിമാസ ശമ്പളം മുടങ്ങാതെ അയച്ചുകൊടുക്കാനുള്ള അദ്ദേഹത്തി​െൻറ തീരുമാനമടക്കം ഇൗ അപൂർവ തൊഴിലുടമ തൊഴിലാളി സ്​നേഹബന്ധത്തി​െൻറ വാർത്ത സൗദി മാധ്യമങ്ങളിൽ വൻ പ്രാധാന്യം നേടി.

ദക്ഷിണ സൗദിയിലെ അബഹയിൽ നിന്നും നൂറു കിലോമീറ്റർ അകലെ ഹറജയിൽ മരിച്ച ഉത്തർ പ്രദേശ് സ്വദേശി ബദർ ആലത്തി​െൻറ തൊഴിലുടമ അലി ബിൻ മുഹമ്മദ് ബിൻ ഹമ്രിയാണ്​ അപൂർവ സ്​നേഹബന്ധത്തി​െൻറ പുതിയ അധ്യായം രചിച്ചത്​​. 14 വർഷമായി ഇദ്ദേഹത്തിന്​ കീഴിൽ ഡ്രൈവർ ആയിരുന്നു ബദർ ആലം. അദ്ദേഹം എവിടെപോയാലും ഒപ്പമുണ്ടാകുമായിരുന്നു ബദർ.

ശ്വാസ തടസ്സത്തെ തുടർന്ന് ഹറജ ജനറൽ ആശുപത്രിയിൽ പ്രവേശിപ്പിച്ച ബദർ ആലം ഹൃദയ സ്​തംഭനം മൂലമാണ്​ മരിച്ചത്​. ഹറജയിൽ തന്നെ ഖബറടക്കി. മയ്യിത്ത്​ നമസ്​കാരത്തിലും ഖബറടക്കത്തിനും അലി ബിൻ മുഹമ്മദി​െൻറ സുഹൃത്തുക്കളടക്കം നൂറോളം സ്വദേശി പൗരപ്രമുഖരാണ് പങ്കെടുത്തത്. ഇത്​ ഒരു വിദേശിയെ സംബന്ധിച്ചിടത്തോളം അപൂർവനുഭവമായി ചൂണ്ടിക്കാണിക്കപ്പെടുന്നു.

വിദേശ രാജ്യങ്ങളിലുൾപ്പെടെ അലിയുടെ ഒപ്പം സഞ്ചരിച്ചിരുന്ന ബദറിനെ ഒരു മകന്​ തുല്യമായിട്ടാണ് അദ്ദേഹം പരിഗണിച്ചിരുന്നത്. ഡ്രൈവറുടെ മരണം വലിയ ആഘാതമാണ് ത​െൻറ കുടുംബത്തിന്​ ഏൽപിച്ചതെന്നു അദ്ദേഹം മാധ്യമങ്ങളോട്​ പറഞ്ഞു. ബദറിന് നാട്ടിൽ ഒരു മകനും ഭാര്യയും മാതാപിതാക്കളുമാണ് ഉള്ളത്. മക​െൻറ വിദ്യാഭ്യാസ ചെലവ്​ പൂർണമായും താൻ ഏറ്റെടുക്കുമെന്നും ബദറിന്​ കൊടുത്തിരുന്ന ശമ്പളം മുടങ്ങാതെ കുടുംബത്തിന്​ മരണം വരെ അയച്ചുകൊടുക്കുമെന്നും അദ്ദേഹം പറയുന്നു.

യാത്രാവിലക്കുകൾ മാറി വിമാന സർവിസ് പുനരാരംഭിച്ചാൽ ഇന്ത്യയിലേക്ക്​ പോയി ബദറി​െൻറ വീട്​ സന്ദർശിക്കുമെന്നും ഒരു കുടുംബാംഗത്തിന് ജോലി നൽകുമെന്നും അദ്ദേഹം അറിയിച്ചു. അറിയപ്പെടുന്ന കവിയാണ്​ അലി ബിൻ മുഹമ്മദ്​. അദ്ദേഹത്തോടൊപ്പം എപ്പോഴുമുള്ളത്​ കൊണ്ട്​ ബദറി​നെയും എല്ലാവർക്കും അറിയാമായിരുന്നു.

അതുകൊണ്ട്​ തന്നെ വിയോഗമറിഞ്ഞ്​ ആയിരക്കണക്കിന്​ ആളുകളാണ് ടീറ്ററിലൂടെയും സ്നാപ്പ്​ ചാറ്റിലൂടെയും അനുശോചനം അറിയിച്ചത്. കലാകാരന്മാരും ​പ്രമുഖരുമായ ത​െൻറ ധാരാളം സുഹൃത്തുക്കൾ ബദറി​െൻറ കുടുംബത്തിന് സഹായം വാഗ്ദാനം ചെയ്തിട്ടുണ്ടെന്നും അത് കുടുംബത്തിന് അയച്ചുകൊടുക്കുമെന്നും അലി കൂട്ടിച്ചേർത്തു. ബദറി​െൻറ മരണാനന്തര നടപടിക്രമങ്ങൾക്ക് സഹായിച്ച മലയാളി സാമൂഹിക പ്രവർത്തകരായ ബിജു കെ. നായർക്കും അഷ്റഫ് കുറ്റിച്ചലിനും കെ.പി. ഹബീബിനും അദ്ദേഹം നന്ദി അറിയിച്ചു.