സൗദി പൈലറ്റുമാർക്ക് ആശംസകളുമായി അമീർ ഖാലിദ് യു.എസ് വ്യോമതാവളത്തിൽ
text_fieldsറിയാദ്: അമേരിക്കയിലെ നെല്ലിസ് വ്യോമതാവളം സൗദി അംബാസഡർ അമീർ ഖാലിദ് ബിൻ സൽമാൻ സന്ദർശിച്ചു. തെക്കൻ െനവാദയിൽ സ്ഥിതി ചെയ്യുന്ന നെല്ലിസിൽ അമേരിക്കൻ വ്യോമസേനയുമായി സംയുക്ത അഭ്യാസത്തിനത്തെിയ സൗദി പൈലറ്റുമാരെ കാണാനാണ് അമീർ ഖാലിദ് എത്തിയത്. രാജ്യ സുരക്ഷക്കായി അർപ്പണ മനോഭാവത്തോടെ സേവനം അനുഷ്ഠിക്കുന്ന പൈലറ്റുമാരെ അദ്ദേഹം അഭിനന്ദിച്ചു. യു.എസ് അധികൃതരുമായി നടത്തിയ കൂടിക്കാഴ്ചയിൽ, ഇരുരാജ്യങ്ങളും തമ്മിലുള്ള ശക്തമായ പ്രതിരോധ സഹകരണത്തെ കുറിച്ച് അദ്ദേഹം ഉൗന്നിപ്പറഞ്ഞു.
ഇസ്ലാമിക് സ്റ്റേറ്റ് ഉൾപ്പെടെ ഭീകരസംഘങ്ങൾക്കെതിരായ ൈസനിക നടപടികൾ കൂടുതൽ കാര്യക്ഷമമാക്കാൻ ഇത്തരം സംയുക്ത അഭ്യാസങ്ങൾ സഹായിക്കുമെന്നും അമീർ ഖാലിദ് കൂട്ടിച്ചേർത്തു. ടൈഫൂൺ യുദ്ധവിമാനങ്ങളിലാണ് പ്രധാനമായും ഇവിടെ അഭ്യാസം നടക്കുന്നത്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.