സൗദിയിൽ പെട്രോൾ വിലയിൽ നേരിയ വർധനവ്

ജിദ്ദ: സൗദിയിൽ പെട്രോൾ വിലയിൽ നേരിയ വർധനവ്. 91 ഇനം പെട്രോളിനും 95 ഇനം പെട്രോളിനും വർധനവുണ്ടായിട്ടുണ്ട്. ഇന്ന് ഞായ റാഴ്ച മുതൽ പുതിയ വില പ്രാബല്യത്തിൽ വരുമെന്ന് സൗദി ആരാംകോ അറിയിച്ചു.

പുതുക്കിയ നിരക്ക് പ്രകാരം 91 പെട്രോളിനു 1.44 റിയാലും 95 പെട്രോളിനു 2.10 റിയാലുമായിരിക്കും. നിലവിൽ 91 പെട്രോളിനു 1.37 റിയാലും 95 പെട്രോളിനു 2.02 റിയാലുമായിരുന്നു വില. ഏപ്രിൽ മുതൽ ജൂൺ വരെയുള്ള കാലയളവിലേക്കാണ് പുതുക്കിയ നിരക്ക് പ്രാബല്യത്തിൽ വരിക.