ജ​പ്പാ​നി​ലെ ‘എ​ക്സ്പോ ഒ​സാ​ക്ക 2025’ൽ ​സൗ​ദി പ​വ​ിലി​യ​ൻ

റി​യാ​ദ്​: ജ​പ്പാ​നി​ലെ ‘എ​ക്സ്പോ ഒ​സാ​ക്ക 2025’ൽ ​സൗ​ദി അ​റേ​ബ്യ​യു​ടെ പ​വ​ിലി​യ​നും. ‘വ​ണ്ടേ​ഴ്സ് ഓ​ഫ് സൗ​ദി അ​റേ​ബ്യ’​എ​ന്ന പേ​രി​ലാ​ണ്​ ടൂ​റി​സം മ​ന്ത്രാ​ല​യം പ​വ​ലി​യ​ൻ ആ​രം​ഭി​ച്ച​ത്. ഈ ​മാ​സം 10 മു​ത​ൽ 16 വ​രെ​യാ​ണ്​ ‘എ​ക്സ്പോ ഒ​സാ​ക്ക 2025’. സൗ​ദി​യും ജ​പ്പാ​നും ത​മ്മി​ലു​ള്ള ന​യ​ത​ന്ത്ര ബ​ന്ധ​ത്തി​​ന്റെ 70-ാം വാ​ർ​ഷി​കം ആ​ഘോ​ഷി​aക്കു​ന്ന​തി​നോ​ട​നു​ബ​ന്ധി​ച്ചാ​ണ് ഈ ​പ​ങ്കാ​ളി​ത്തം. സൗ​ദി ടൂ​റി​സം മ​ന്ത്രാ​ല​യം ഒ​രു​ക്കി​യ പ്ര​ദ​ർ​ശ​ന​ത്തി​ൽ രാ​ജ്യ​ത്തി​ന്റെ ആ​ധി​കാ​രി​ക പൈ​തൃ​കം ഉ​യ​ർ​ത്തി​ക്കാ​ട്ടു​ന്നു. ഇ​തി​ലൂ​ടെ സ​ന്ദ​ർ​ശ​ക​രെ സൗ​ദി​യു​ടെ ഹൃ​ദ​യ​ഭാ​ഗ​ത്തേ​ക്ക് കൊ​ണ്ടു​പോ​കാ​നാ​കു​മെ​ന്നാ​ണ് ക​രു​തു​ന്ന​ത്.

സം​വേ​ദ​നാ​ത്മ​ക സ്‌​ക്രീ​നു​ക​ൾ, ഫോ​ട്ടോ ബൂ​ത്തു​ക​ൾ, സൗ​ദി, ജാ​പ്പ​നീ​സ് കാ​ലി​ഗ്രാ​ഫി​യു​ടെ പ്ര​ചോ​ദ​നാ​ത്മ​ക​മാ​യ അ​നു​ഭ​വ​ങ്ങ​ൾ, മ​ൺ​പാ​ത്ര നി​ർ​മാ​ണം, അ​ല​ങ്കാ​ര ക​ല​ക​ൾ തു​ട​ങ്ങി പ​ര​മ്പ​രാ​ഗ​ത ക​ര​കൗ​ശ​ല വ​സ്തു​ക്ക​ളെ​ക്കു​റി​ച്ചു​ള്ള വ​ർ​ക്ക്‌​ഷോ​പ്പു​ക​ൾ എ​ന്നി​വ പ​വ​ലി​യ​നി​ൽ ഒ​രു​ക്കി​യി​ട്ടു​ണ്ട്​.

സൗ​ദി​ക്കും ജ​പ്പാ​നും ഇ​ട​യി​ലു​ള്ള ആ​ഴ​ത്തി​ലു​ള്ള സാം​സ്​​കാ​രി​ക ബ​ന്ധ​ങ്ങ​ളെ പ്ര​തി​ഫ​ലി​പ്പി​ക്കു​ന്ന ‘ഒ​റി​ഗാ​മി ഒ​ട്ട​കം’​മാ​തൃ​ക​ക്ക്​ പു​റ​മേ ദ​റ​ഇ​യ, റി​യാ​ദ്, അ​സീ​ർ, ജി​ദ്ദ, ചെ​ങ്ക​ട​ൽ, അ​ൽ​ഉ​ല തു​ട​ങ്ങി​യ സ​വി​ശേ​ഷ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളു​ടെ സ്​​റ്റാ​ളു​ക​ളും പ​വ​ലി​യി​നി​ലു​ണ്ട്.

പ്ര​ശ​സ്ത ജാ​പ്പ​നീ​സ് ക​ഥാ​പാ​ത്ര​മാ​യ ‘ഡോ​റെ​മോ​ണെ’​യെ​യും സ്​​റ്റാ​ളി​ൽ ഒ​രു​ക്കി​യി​ട്ടു​ണ്ട്. പ്ര​ദ​ർ​ശ​ന മ​ത്സ​ര​ങ്ങ​ളി​ൽ പ​ങ്കെ​ടു​ക്കു​ന്ന ആ​ദ്യ​ത്തെ 250 സ​ന്ദ​ർ​ശ​ക​ർ​ക്ക് ദി​വ​സേ​ന ഓ​രോ സ​മ്മാ​നം വീ​തം ന​ൽ​കും.