എണ്ണ ഉൽപാദന നിയന്ത്രണം തുടരാൻ സൗദി-റഷ്യ ധാരണ

റിയാദ്​: എണ്ണ വിപണിയിലെ പ്രതിസന്ധിക്ക്​ പരിഹാരമായി നടപ്പാക്കിയ ഉൽപാദന നിയന്ത്രണം തുടരാൻ സൗദി അറേബ്യയും റഷ്യയും ധാരണ​യിലെത്തി. അടുത്ത വർഷം മാർച്ച്​ വരെ ഒമ്പതുമാസത്തേക്ക്​ കൂടി നിയന്ത്രണം നിലനിർത്താമെന്നാണ്​ ധാരണ. ഇൗമാസം 25 ന്​ ചേരുന്ന ഒപെകി​​​െൻറ ഒൗദ്യോഗിക യോഗത്തിന്​ മുന്നോടിയായാണ്​ ഇരുരാഷ്​ട്രങ്ങളും തീരുമാനത്തിലെത്തിയത്​. ചൈനീസ്​ തലസ്​ഥാനമായ ബെയ്​ജിങ്ങിൽ സൗദി ഉൗർജ മന്ത്രി ഖാലിദ്​ അൽ ഫാലിഹും റഷ്യൻ മന്ത്രി അലക്​സാണ്ടർ നോവാകും തിങ്കളാഴ്​ച ഇതുസംബന്ധിച്ച്​ സംയുക്​ത പ്രസ്​താവനയിറക്കി. 
വിപണിയിൽ സ്​ഥിരത നിലനിർത്താൻ ആവശ്യമായതെല്ലാം ചെയ്യുമെന്ന്​ മന്ത്രിമാർ വ്യക്​തമാക്കി. ഉൽപാദന നിയ​ന്ത്രണം ഗുണം ചെയ്യുന്നുണ്ട്​. പക്ഷേ, അഞ്ചുവർഷ ശരാശരിയിൽ വില എത്തുകയെന്ന ലക്ഷ്യം കൈവരിക്കാനായിട്ടില്ല. നിലവിലെ അവസ്​ഥ തുടരണമെന്ന അന്തിമധാരണയിലാണ്​ തങ്ങൾ എത്തിച്ചേർന്നതെന്ന്​ ഖാലിദ്​ അൽ ഫാലിഹ്​ പറഞ്ഞു. ഇൗവർഷം ജനുവരി ഒന്നിനാണ്​ എണ്ണഉൽപാദക രാഷ്​ട്രങ്ങളുടെ കൂട്ടായ്​മയായ ഒപെകും അതിന്​ പുറത്തുള്ള റഷ്യയും പ്രതിദിനം 1.8 ദശലക്ഷം ബാരൽ വെച്ച്​ ഉൽപാദനം കുറക്കാൻ തുടങ്ങിയത്​. ആറുമാസത്തേക്കായിരുന്നു പ്രാഥമിക ധാരണ. ഇതി​​​െൻറ അവലോകനത്തിനാണ്​ മേയ്​ 25 ന്​ ഒപെകി​​​െൻറ ഒൗദ്യോഗിക യോഗം ചേരുന്നത്​. അതിന്​ മുന്നോടിയായി കൃത്യമായ പരസ്​പര ധാരണയിലെത്തുന്നതിനാണ്​ ഖാലിദ്​ അൽ ഫാലിഹും അലക്​സാണ്ടർ നോവാകും ബെയ്​ജിങ്ങിൽ കൂടിക്കാഴ്​ച നടത്തിയത്​. കൂടിക്കാഴ്​ചക്ക്​ ശേഷം ഇരുമന്ത്രിമാരും സംയുക്​ത വാർത്തസമ്മേളനത്തിന്​ എത്തിയതും ശ്രദ്ധേയമായി.