ഹൃദയാഘാതം: മലപ്പുറം സ്വദേശി മക്കയില്‍ മരിച്ചു 

മക്ക: മലപ്പുറം മൊറയൂര്‍ നരവത്ത് സ്കൂള്‍പടി സ്വദേശി അബൂബക്കര്‍ പള്ളിയാളി(59) ഹൃദയാഘാതം മൂലം നിര്യാതനായി. 35 വര്‍ഷമായി മക്കയിലെ ശാറ മന്‍സൂര്‍ എന്ന സ്ഥലത്ത് കഫ്്തീരിയ നടത്തി വരികയായിരുന്നു. ജോലി ചെയ്യുന്ന സ്ഥലത്ത് വെച്ച് നെഞ്ച് വേദന അനുഭവപ്പെട്ടതിനെ തുടര്‍ന്ന് സാഹിറിലുള്ള കിങ് അബ്ദുല്‍ അസീസ് ആശുപത്രിക്ക് കൊണ്ട് വരും വഴി മരണപ്പെടുകയായിരുന്നു. 
ഭാര്യ: ആരിഫ. മക്കള്‍: സലീന, റംല, ജാസ്മിന്‍, ഫൗസിയ. കിങ് അബ്്ദുല്‍ അസീസ് ആശുപത്രി മോര്‍ച്ചറിയിലുള്ള മൃതദേഹം മക്കയില്‍ ഖബറടക്കുമെന്ന് നടപടികള്‍ക്ക് നേതൃത്വം നല്‍കുന്ന മക്ക കെ.എം.സി.സി ജനറല്‍ സെക്രട്ടറി മുജീബ് പുക്കോട്ടൂര്‍ അറിയിച്ചു.