Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദി ദേശീയദിനാഘോഷം: സഫ...

സൗദി ദേശീയദിനാഘോഷം: സഫ മക്കയിൽ അറേബ്യൻ പാട്ടുത്സവം

text_fields
bookmark_border
സൗദി ദേശീയദിനാഘോഷം: സഫ മക്കയിൽ അറേബ്യൻ പാട്ടുത്സവം
cancel
camera_alt

സഫ മക്കയിൽ ദേശീയദിനാഘോഷപരിപാടികളുടെ ഭാഗമായി ഡോക്ടർമാരും മാനേജ്‌മെന്റ് പ്രതിനിധികളും ചേർന്ന് കേക്ക് മുറിക്കുന്നു

റിയാദ്: സൗദി അറേബ്യയുടെ ദേശീയദിനാഘോഷങ്ങളിൽ പങ്കുചേർന്ന് റിയാദിലെ സഫ മക്ക മെഡിക്കൽ സെന്റർ 'അറേബ്യൻ പാട്ടുത്സവം' സംഘടിപ്പിച്ചു. പ്രമുഖ സൗദി ഗായകരായ മുഹമ്മദ് അൽ-അമ്രി, മിസ്ഫർ അൽ-ഖഹ്താനി എന്നിവരുടെ 'വതർ നജദ്' ബാൻഡാണ് പാട്ടുമേള അവതരിപ്പിച്ചത്.

സഫ മക്ക റിക്രിയേഷൻ ക്ലബ്ബിലെ വിദേശികളും സ്വദേശികളുമായ കലാകാരന്മാരും പരിപാടിയിൽ പങ്കെടുത്തു. രാജ്യത്തിന്റെ 92-ാമത് ദേശീയദിനം ആഘോഷിക്കുമ്പോൾ കലാകാരന്മരെ പ്രോത്സാഹിപ്പിക്കുംവിധം സൗദി ഗവൺമെന്റ് നിരവധി വേദികളാണ് ഒരുക്കിയിട്ടുള്ളതെന്നും അതിൽ പങ്കുചേരാനാണ് അറേബ്യൻ പാട്ടുത്സവം സംഘടിപ്പിച്ചതെന്നും സഫ മക്ക അഡ്മിൻ മാനേജർ ഫഹദ് അൽ-ഉനൈസി പറഞ്ഞു.

അറേബ്യൻ പാട്ടുത്സവത്തിൽ മുഹമ്മദ് അൽ-അമ്രി, മിസ്ഫർ അൽ-ഖഹ്താനി എന്നിവർ പാടുന്നു

ഭരണാധികാരികളുടെ ദീർഘവീക്ഷണത്തോടെയുള്ള പരിവർത്തന പദ്ധതികൾ ലോകശ്രദ്ധ സൗദിയിലേക്ക് തിരിച്ചെന്ന് ചടങ്ങിൽ സംസാരിച്ച ഷാജി അരിപ്ര പറഞ്ഞു. മാനേജ്‌മെന്റ് പ്രതിനിധികളും ജീവനക്കാരും സന്ദർശകരും ഒന്നിച്ച് കേക്ക് മുറിച്ചും മധുരം പങ്കിട്ടും ആഘോഷത്തിന് പൊലിമയേറ്റി.

ഖാലിദ് അൽ-ഉനൈസി, മറം അൽ-ഷറാനി, ഹെല അൽ-അസിനാൻ, യാസർ അൽ-ഖഹ്താനി, ഫവാസ് അൽ-ഹറബി, ബാഷർ അൽ-ഉതൈബി, ഹനാൻ അൽ-ദോസരി, നൂറ അൽ-ഹുസിനാൻ, അഹദ് അൽ-ദോസരി, അബ്ദുല്ല അൽ-നഹ്ദി, മെഡിക്കൽ ഡയറക്ടർ ഡോ. ബാലകൃഷ്‌ണൻ, ഡോ. സെബാസ്റ്റ്യൻ, ഡോ. തമ്പാൻ, ഡോ. അനിൽകുമാർ, ഡോ. ഷാജി എന്നിവർ ചടങ്ങിന് നേതൃത്വം നൽകി.

Show Full Article
TAGS:Saudi National Day Riyadh Safa Makkah 
Next Story