പൈ​തൃ​കം വി​ളം​ബ​രം ചെ​യ്​​ത ദേ​ശീ​യ ദി​നാ​ഘോ​ഷ​ങ്ങ​ൾ​ക്ക് വൈ​കാ​രി​ക വ​ര​വേ​ൽ​പ്

റി​യാ​ദ്: സൗ​ദി അ​റേ​ബ്യ​യു​ടെ 94ാം ദേ​ശീ​യ​ദി​ന​ത്തോ​ട​നു​ബ​ന്ധി​ച്ച് രാ​ജ്യ​ത്തി​​ന്‍റെ ആ​ദ്യ ത​ല​സ്ഥാ​ന ന​ഗ​ര​മാ​യ ദ​റ​ഇ​യ​യി​ൽ അ​ര​ങ്ങേ​റി​യ ആ​ഘോ​ഷ​ങ്ങ​ൾ​ക്ക് വൈ​കാ​രി​ക വ​ര​വേ​ൽ​പ് ന​ൽ​കി സ്വ​ദേ​ശി​ക​ളും വി​ദേ​ശി​ക​ളും. രാ​ജ്യ​ത്തി​​ന്‍റെ സ​മ്പ​ന്ന​മാ​യ പൈ​തൃ​കം വി​ളി​ച്ചോ​തു​ന്ന​തും ദേ​ശീ​യ ഐ​ക്യം ശ​ക്തി​പ്പെ​ടു​ത്തു​ന്ന​തു​മാ​യ ആ​ക​ർ​ഷ​ക​മാ​യ പ​രി​പാ​ടി​ക​ളും പ​രേ​ഡു​ക​ളും കാ​ണാ​നെ​ത്തി​യ​ത് സ്വ​ദേ​ശി​ക​ളും വി​ദേ​ശി​ക​ളും ഉ​ൾ​പ്പെടെ ആ​യി​ര​ങ്ങ​ളാ​ണ്.

ദ​റ​ഇ​യ​ക്ക് പു​റ​ത്ത് വാ​ഹ​ന​ങ്ങ​ൾ നി​ർ​ത്തി ചെ​റു​സം​ഘ​ങ്ങ​ളാ​യി രാ​ജ്യ​സ്നേ​ഹം തു​ളു​മ്പു​ന്ന​തും ഭ​ര​ണാ​ധി​കാ​രി​ക​ളെ പ്ര​കീ​ർ​ത്തി​ക്കു​ന്ന​തു​മാ​യ അ​റ​ബ് ക​വി​ത ശ​ക​ല​ങ്ങ​ളും ചൊ​ല്ലി ദേ​ശീ​യ പ​താ​ക ഉ​യ​ർ​ത്തി​യാ​ണ് ചെ​റു​പ്പ​ക്കാ​രും കു​ട്ടി​ക​ളും ആ​ഘോ​ഷ വേ​ദി​ക​ളി​ലേ​ക്ക് എ​ത്തി​യ​ത്. പ​ര​മ്പ​രാ​ഗ​ത നൃ​ത്തം, ഊ​ദ് സം​ഗീ​തം, ത​ത്സ​മ​യ ക​വി​ത പാ​രാ​യ​ണ​ങ്ങ​ൾ തു​ട​ങ്ങി വ്യ​ത്യ​സ്ത ക​ലാ​പ​രി​പാ​ടി​ക​ൾ ആ​സ്വാ​ദ​ക​രെ ആ​ഘോ​ഷ നി​റ​വി​ലാ​ക്കി. രാ​ഷ്​​ട്ര ഏ​കീ​ക​ര​ണ​ത്തി​ന്‍റെ ച​രി​ത്ര​ത്തി​ലേ​ക്കും രാ​ജ്യ​ശി​ൽപിയാ​യ അ​ബ്​​ദു​ൽ അ​സീ​സ് രാ​ജാ​വി​​ന്‍റെ ജീ​വി​ത ച​രി​ത്ര​ങ്ങ​ളി​ലേ​ക്കും ആ​ഴ്ന്നി​റ​ങ്ങു​ന്ന ച​രി​ത്ര, സാം​സ്കാ​രി​ക സെ​ഷ​നു​ക​ൾ​ക്കും ദ​റ​ഇ​യ വേ​ദി​യാ​യി.

ധാ​രാ​ളം ടൂ​റി​സ്​​റ്റു​ക​ളും ദേ​ശീ​യ ദി​നാ​ഘോ​ഷ​ങ്ങ​ൾ വീ​ക്ഷി​ക്കാ​ൻ ദ​റ​ഇ​യ​യി​ലാ​ണ് എ​ത്തി​യ​ത്. യു​നെ​സ്‌​കോ​യു​ടെ ലോ​ക പൈ​തൃ​ക പ​ട്ട​ണ​ങ്ങ​ളി​ൽ ഇ​ടം പി​ടി​ച്ച ദ​റ​ഇ​യ ഇ​ന്ന് വി​ദേ​ശ സ​ഞ്ചാ​രി​ക​ളു​ടെ പ്ര​ധാ​ന സ​ന്ദ​ർ​ശ​ന മേ​ഖ​ല കൂ​ടി​യാ​ണ്. രാ​ജ്യ ച​രി​ത്രം അ​റി​യാ​നാ​ഗ്ര​ഹി​ക്കു​ന്ന​വ​രു​ടെ സ​ന്ദ​ർ​ശ​ന പ​ട്ടി​ക​യി​ലു​ള്ള ആ​ദ്യ ഇ​ട​മാ​ണ് ഇ​വി​ടം.

രാ​ജ്യ​വ്യാ​പ​ക​മാ​യി വ്യ​ത്യ​സ്ത രീ​തി​യി​ൽ രാ​ജ്യ​ത്തോ​ടും ഭ​ര​ണാ​ധി​കാ​രി​ക​ളോ​ടും ആ​ദ​ര​വ​ർ​പ്പി​ച്ച ദേ​ശീ​യ ദി​ന പ​രി​പാ​ടി​ക​ൾ അ​ര​ങ്ങേ​റി. റി​യാ​ദ് ന​ഗ​ര​ത്തി​ൽ ദേ​ശീ​യ​ദി​ന​ത്തി​ൽ പു​ല​രു​വോ​ളം ആ​ഘോ​ഷ പ​രി​പാ​ടി​ക​ളു​ണ്ടാ​യി. പ്ര​ധാ​ന ഹൈ​വേ​ക​ളെ​ല്ലാം ആ​ഘോ​ഷ പ​രി​പാ​ടി​ക​ളി​ൽ പ​ല​പ്പോ​ഴും നി​ശ്ച​ല​മാ​യി. കൂ​റ്റ​ൻ കൊ​ടി​ക​ൾ വാ​ഹ​ന​ത്തി​ന് മു​ക​ളി​ലു​യ​ർ​ത്തി​യും രാ​ജ്യ​ത്തെ പ്ര​കീ​ർ​ത്തി​ക്കു​ന്ന ഗാ​ന​ങ്ങ​ൾ ഉ​ച്ച​ത്തി​ൽ പാ​ടി​യും വ​രി​ക​ൾ​ക്കൊ​പ്പം ചു​വ​ടു​വെ​ച്ചും ദേ​ശീ​യ ദി​നം ക​ള​റാ​ക്കി. അ​ല​ങ്ക​രി​ച്ച വാ​ഹ​ന​ങ്ങ​ളും ക​ലാ​പ്ര​ക​ട​ന​ങ്ങ​ളും അ​ര​ങ്ങേ​റി​യ ശാ​ര ത​ഹ്‌​ലി​യ, അ​മീ​ർ തു​ർ​ക്കി അ​ൽ അ​വ്വ​ൽ തു​ട​ങ്ങി​യ പ്ര​ധാ​ന തെ​രു​വു​ക​ളെ​ല്ലാം ആ​ഘോ​ഷ​ത്തി​നി​റ​ങ്ങി​യ ആ​ളു​ക​ളാ​ൽ നി​റ​ഞ്ഞൊ​ഴു​കി​യി​രു​ന്നു.