Begin typing your search above and press return to search.
exit_to_app
exit_to_app
Homechevron_rightGulfchevron_rightSaudi Arabiachevron_rightഒന്നര വർഷം മുമ്പ്​​...

ഒന്നര വർഷം മുമ്പ്​​ റിയാദിൽ കാണാതായ മലയാളി ജീവനൊടുക്കിയതാണെന്ന്​ സ്ഥിരീകരണം

text_fields
bookmark_border
ഒന്നര വർഷം മുമ്പ്​​ റിയാദിൽ കാണാതായ മലയാളി ജീവനൊടുക്കിയതാണെന്ന്​ സ്ഥിരീകരണം
cancel

റിയാദ്​: കോവിഡി​െൻറ ആദ്യ തരംഗ കാലത്ത്​ കാണാതായ മലയാളി യുവാവ്​ ജീവനൊടുക്കിയതാണെന്നും റിയാദിൽ തന്നെ ഖബറടക്കിയെന്നും ഒന്നര വർഷത്തിന്​ ശേഷം സ്ഥിരീകരണം. കൊല്ലം കരുനാഗപ്പള്ളി കല്ലേലി സ്വദേശി താജുദ്ദീൻ അഹമ്മദ്​ കുട്ടിയുടെ​​ (38) തിരോധാനം സംബന്ധിച്ചാണ് ഒടുവിൽ​ റിയാദ്​ പൊലീസി​െൻറ തീർപ്പുണ്ടായത്​​.

2020 മെയ്​ 17ന്​ റിയാദ്​ ശിഫയിലെ മൂസാ സനാഇയ ഭാഗത്തെ ഒരു ഒഴിഞ്ഞ മുറിയിൽ ആത്മഹത്യ നിലയിൽ കണ്ടെത്തുകയും ഒരു മാസത്തോളം ആശുപത്രി മോർച്ചറിയിൽ സൂക്ഷിച്ച ശേഷം ഖബറടക്കുകയും ചെയ്​തെന്ന്​ ശിഫ പൊലീസ്​ സ്​റ്റേഷൻ അധികൃതർ സ്ഥിരീകരിച്ചു. റിയാദ്​ അസീസിയയിലെ പച്ചക്കറി മാർക്കറ്റിൽ സെയിൽസ്​മാനായിരുന്നു താജുദ്ദീൻ. തുടക്ക കാലത്ത്​​ തന്നെ ഇദ്ദേഹത്തിനും ഒപ്പം ജോലി ചെയ്​തിരുന്ന ബന്ധു ശരീഫിനും​​ കോവിഡ്​ ബാധിച്ചിരുന്നു. ശരീഫ്​ മരണപ്പെട്ടു. ഇതോടെ പരിഭ്രാന്തിയിലായ താജുദ്ദീന്​ മാനസിക പ്രശ്​നമുണ്ടായി.പിന്നീട്​ കാണാതാവുകയായിരുന്നു. മെയ്​ 16 വരെ നാട്ടിൽ കുടുംബവുമായി ഫോണിൽ ബന്ധപ്പെട്ടിരുന്നു. അതിന്​ ശേഷം അതുമില്ലാതായി. സാമൂഹിക പ്രവർത്തകരും നാട്ടുകാരും വ്യാപകമായി അന്വേഷിച്ചു. ഇന്ത്യൻ എംബസി സൗദി അധികൃതർക്ക്​ കത്തെഴുതി ഒൗദ്യോഗിക തലത്തിലും അന്വേഷണം നടത്തി. ഒരു വിവരവും ലഭിക്കാത്തതിനാൽ അന്വേഷണങ്ങളെല്ലാം പാതി വഴിയിൽ അവസാനിക്കുകയും ചെയ്​തു.

ഒന്നര വർഷത്തിന്​ ശേഷം റിയാദിലെ സാമൂഹിക പ്രവർത്തകൻ ശിഹാബ്​ കൊട്ടുകാട്​ സ്വന്തം നിലയ്​ക്ക്​ അന്വേഷണം പുനരാരംഭിക്കുകയായിരുന്നു. രണ്ടാഴ്​ച മുമ്പ്​ എംബസിയുടെ അനുമതിയോടെ റിയാദ്​ ശുമൈസി ആശുപത്രി മോർച്ചറി അധികൃതരെ സമീപിച്ച്​ അവിടുത്തെ രേഖകൾ പരിശോധിച്ചു. ഉദ്യോഗസ്​ഥരായ മുഹമ്മദ്​ ഹാഷ്​മിയും അലി ബവാസിറും താൽപര്യമെടുത്ത്​ ഒന്നര വർഷത്തെ മുഴുവൻ രേഖകളും പരിശോധിച്ചപ്പോൾ ഇതേ പേരുകാരനായ ഒരു ബംഗ്ലാദേശി പൗര​െൻറ മൃതദേഹം അവിടെ എത്തിയിരുന്നു എന്ന്​ കണ്ടെത്തി. കൂടുതൽ വിശദമായ പരിശോധനയിൽ അത്​​ താജുദ്ദീ​േൻറതാണെന്നും ബംഗ്ലദേശ്​ പൗരൻ എന്നത്​ തെറ്റായി രേഖയിൽ കടന്നുകൂടിയതാണെന്നും വ്യക്തമായി. മൃതദേഹം മോർച്ചറിയിൽ എത്തിയത്​ ശിഫ പൊലീസ്​ സ​്​റ്റേഷൻ വഴിയാണെന്ന്​ മനസിലായി. തുടർന്ന്​ അവിടെ നടത്തിയ പരിശോധനയിൽ കഴിഞ്ഞ വർഷം മെയ്​ 17ന്​ ആത്മഹത്യ ചെയ്​ത നിലയിൽ കണ്ടെത്തിയതാണെന്ന്​ ഉറപ്പിച്ചു. പൊലീസ്​ ക്യാപ്​റ്റന്മാരായ ഉബൈദും തുർക്കി ബിൻ ഖാലിദുമാണ്​ അത്​ സ്ഥിരീകരിച്ചത്​.

അജ്ഞാതനെന്ന നിലയിൽ കണ്ടെത്തിയ മൃതദേഹം ബംഗ്ലാദേശിയുടേതാണെന്ന സാഹചര്യ തെളിവുകളുടെ അടിസ്ഥാനത്തിൽ അങ്ങനെ രേഖപ്പെടുത്തപ്പെടുകയായിരുന്നു. മൃതദേഹം മോർച്ചറിയിൽ ഒരു മാസം വരെ സൂക്ഷിച്ചു. കോവിഡി​െൻറ രൂക്ഷകാലമായതിനാൽ ധാരാളം മരണങ്ങളും സംഭവിക്കുന്നുണ്ടായിരുന്നു. താജുദ്ദീ​െൻറ മൃതദേഹം അന്വേഷിച്ച്​ ആരും വരുന്നില്ല എന്ന്​ കണ്ടപ്പോൾ അധികൃതർ അത്​ വേഗം സംസ്​കരിക്കുകയായിരുന്നു. ഇദ്ദേഹ​ത്തെ കാണാതായത്​ മുതൽ പ്രയാസത്തിലായ കുടുംബവും കഴിയുന്നത്ര രീതിയിൽ അന്വേഷണം നടത്തുന്നുണ്ടായിരുന്നു. എന്നാൽ ഒരിടത്തു നിന്നും ഒരു വിവരവും ലഭിച്ചില്ല. റിയാദിലെ കരുനാഗപ്പള്ളി കൂട്ടായ്​മയായ 'മൈത്രി'യു സാധ്യമാകുന്നത്ര അന്വേഷണം നടത്തി. എന്നാൽ ഇൗ സമയം മൃതദേഹം കിടന്ന ശുമൈസി മോർച്ചറിയിൽ ഒരു ​അന്വേഷണം എത്തിയതുമില്ല. ബംഗ്ലദേശ്​ പൗരൻ എന്ന്​ രേഖപ്പെടുത്തപ്പെട്ടത്​ കൊണ്ടാവാം ഇന്ത്യൻ എംബസിക്കും വിവരം കിട്ടിയില്ല. ഇപ്പോൾ ശിഹാബ്​ കൊടുകാടി​െൻറ വീണ്ടും അന്വേഷണവുമായി തുനിഞ്ഞിറങ്ങിയതാണ്​ ഇങ്ങ​െനയൊരു സ്ഥിരീകരണത്തിനെങ്കിലും വഴിയൊരുക്കിയത്​. ഏറെക്കാലമായി റിയാദിൽ ​പ്രവാസിയായ താജുദ്ദീ​െൻറ ഭാര്യ ഷംനയാണ്. മാതാവും രണ്ട്​ മക്കളും അഞ്ച്​ സഹോദരങ്ങളുമുണ്ട്​

Show Full Article
TAGS:saudi death 
News Summary - saudi missing case mystery revealed
Next Story