കോവിഡ് വ്യാപനം: പള്ളികളിൽ മുൻകരുതൽ ശക്തമാക്കണമെന്ന് സൗദി മതകാര്യ മന്ത്രാലയം

ജിദ്ദ: സൗദിയിൽ കോവിഡ് വീണ്ടും വർധിച്ചുവരുന്ന സാഹചര്യത്തിൽ പള്ളികളിൽ മുൻകരുതൽ നടപടികൾ ശക്തമാക്കണമെന്ന് മതകാര്യ മന്ത്രാലയം അറിയിച്ചു. രാജ്യത്തുള്ള മന്ത്രാലയത്തിന്റെയും കാൾ ആൻഡ് ഗൈഡൻസ് സ്ഥാപനങ്ങളുടെയും വിവിധ ബ്രാഞ്ചുകളിലേക്ക് അയച്ച സർക്കുലറിലാണ് ഇക്കാര്യമുള്ളത്.

പള്ളികളിൽ പ്രാർത്ഥനക്കെത്തുന്ന വിശ്വാസികൾ കോവിഡ് പ്രതിരോധ നടപടികൾ പാലിക്കുന്നുണ്ടെന്ന് ഉറപ്പുവരുത്താൻ പള്ളി ജീവനക്കാർക്ക് നിർദേശം നൽകണമെന്നാണ് സർക്കുലറിൽ അറിയിച്ചത്. പള്ളിക്കകത്ത് സാമൂഹിക അകലം പാലിക്കലും മാസ്ക് ധരിക്കലും നിർബന്ധമാണ്.