സൗ​ദി ആ​രോ​ഗ്യ മ​ന്ത്രാ​ല​യം ആരോഗ്യ ബോധവത്കരണ അവാർഡിന് അപേക്ഷ ക്ഷണിച്ചു

ദ​മ്മാം: ആ​രോ​ഗ്യ ബോ​ധ​വ​ത്ക​ര​ണ സൃ​ഷ്ടി​ക​ൾ​ക്ക്​ സൗ​ദി ആ​രോ​ഗ്യ മ​ന്ത്രാ​ല​യ​വും നാ​ഷ​ന​ൽ ഹെ​ൽ​ത്ത് ഇ​ൻ​ഷു​റ​ൻ​സ് കൗ​ൺ​സി​ലും സം​യു​ക്​​ത​മാ​യി ന​ൽ​കു​ന്ന അ​വാ​ർ​ഡു​ക​ൾ​ക്ക് അ​പേ​ക്ഷ ക്ഷ​ണി​ച്ചു. ഒ​രു​ല​ക്ഷം റി​യാ​ലിന്റെ സ​മ്മാ​ന​ങ്ങ​ളാ​ണ്​ ന​ൽ​കു​ന്ന​ത്.

'അ​റ​ബി​ക​ൾ ബോ​ധ​വ​ത്ക​ര​ണ​ങ്ങ​ൾ ഏ​റ്റെ​ടു​ക്കു​ന്നു' എ​ന്ന മു​ദ്രാ​വാ​ക്യ​ത്തി​നു കീ​ഴി​ൽ ഷോ​ർ​ട്ട് ഫി​ലി​മു​ക​ൾ, മോ​ഷ​ൻ ഗ്രാ​ഫി​ക്സ്, ഇ​ൻ​ഫോ​ഗ്രാ​ഫി​ക്സ്, ഫോ​ട്ടോ​ഗ്ര​ഫി, അ​സാ​ധാ​ര​ണ ക്രി​യാ​ത്മ​ക ആ​ശ​യ​ങ്ങ​ൾ എ​ന്നി​വ​യു​ൾ​പ്പെ​ടെ അ​ഞ്ചു​ വി​ഭാ​ഗ​ങ്ങ​ളാ​ണ്​ പ​രി​ഗ​ണി​ക്കു​ക.

https://waaiaward.com എ​ന്ന വെ​ബ്‌​സൈ​റ്റ് വ​ഴി അ​വാ​ർ​ഡി​ന്​ അ​പേ​ക്ഷി​ക്കാം. ഏ​പ്രി​ൽ ഒ​മ്പ​താ​ണ് അ​വ​സാ​ന കാ​ലാ​വ​ധി. സ്വ​ന്തം സൃ​ഷ്ടി​ക​ൾ മാ​ത്ര​മേ സ്വീ​ക​രി​ക്കൂ. ഒ​രാ​ൾ​ക്ക്​ ഏ​തു​ വി​ഭാ​ഗ​ത്തി​ൽ വേ​ണ​മെ​ങ്കി​ലും പ​​​​​ങ്കെ​ടു​ക്കാം. 30,000 അ​പേ​ക്ഷ​ക​ൾ ല​ഭി​ച്ചു​ക​ഴി​ഞ്ഞ​താ​യി ആ​രോ​ഗ്യ മ​ന്ത്രാ​ല​യം അ​റി​യി​ച്ചു. മേ​യ്​ മാ​സ​ത്തി​ൽ മ​ന്ത്രാ​ല​യ​ത്തി​ലെ ഉ​ന്ന​ത ഉ​ദ്യോ​ഗ​സ്ഥ​രു​ടെ സാ​ന്നി​ധ്യ​ത്തി​ൽ ന​ട​ക്കു​ന്ന ച​ട​ങ്ങി​ൽ വി​ജ​യി​ക​ളെ പ്ര​ഖ്യാ​പി​ക്കും. സ്പെ​ഷ​ലി​സ്റ്റു​ക​ളും മെ​ഡി​ക്ക​ൽ വി​ദ​ഗ്ധ​രും അ​ട​ങ്ങു​ന്ന പ്ര​ത്യേ​ക സം​ഘ​മാ​ണ്​ വി​ജ​യി​ക​ളെ തി​ര​ഞ്ഞെ​ടു​ക്കു​ന്ന​ത്. ജ​ന​ങ്ങ​ളെ ബോ​ധ​വ​ത്​​ക​രി​ക്കു​ന്ന, അ​ല്ലെ​​ങ്കി​ൽ രോ​ഗ​ത്തെ​ക്കു​റി​ച്ച്​ വി​വ​രി​ക്കു​ന്ന ര​ണ്ടു മി​നി​റ്റി​ൽ കൂ​ടു​ത​ൽ ദൈ​ർ​ഘ്യ​മു​ള്ള ഹ്ര​സ്വ അ​വ​ബോ​ധ ചി​ത്ര​ങ്ങ​ളാ​ണ്​ ഷോ​ർ​ട്ട്​​ ഫി​ലിം വി​ഭാ​ഗ​ത്തി​ൽ പ​രി​ഗ​ണി​ക്കു​ക.

ഫോ​ട്ടോ​ഗ്ര​ഫി വി​ഭാ​ഗ​ത്തി​ൽ ആ​രോ​ഗ്യ ബോ​ധ​വ​ത്ക​ര​ണ സ​ന്ദേ​ശ​ങ്ങ​ൾ അ​ട​ങ്ങി​യ ഫോ​ട്ടോ​ക​ൾ സ​മ​ർ​പ്പി​ക്കാം. ഫോ​ട്ടോ​ക​ളു​ടെ ഗു​ണ​നി​ല​വാ​ര​വും മൂ​ല്യ​നി​ർ​ണ​യ​ത്തി​ൽ പ്ര​ധാ​ന​മാ​ണ്. മോ​ഷ​ൻ ഗ്രാ​ഫി​ക്‌​സ് വി​ഭാ​ഗ​ത്തി​ൽ പ​ങ്കെ​ടു​ക്കു​ന്ന​വ​ർ​ക്ക് ര​ണ്ടു മി​നി​റ്റി​ൽ കൂ​ടാ​ത്ത ഹ്ര​സ്വ അ​നി​മേ​ഷ​ൻ ചി​ത്ര​ങ്ങ​ൾ സ​മ​ർ​പ്പി​ക്കാം.

സ​മ​ർ​പ്പി​ക്ക​പ്പെ​ട്ട കൃ​തി​ക​ൾ ഒ​ന്നു​കി​ൽ രോ​ഗ​ങ്ങ​ൾ​ക്കെ​തി​രാ​യ മു​ന്ന​റി​യി​പ്പു​ക​ളോ ആ​രോ​ഗ്യ അ​വ​ബോ​ധം പ്രോ​ത്സാ​ഹി​പ്പി​ക്കു​ന്ന​തോ ആ​കാം. ഇ​ൻ​ഫോ​ഗ്രാ​ഫി​ക്‌​സ് വി​ഭാ​ഗ​ത്തി​ൽ, സ​മൂ​ഹ​ത്തി​ന് ഒ​രു ബോ​ധ​വ​ത്ക​ര​ണ ആ​രോ​ഗ്യ സ​ന്ദേ​ശം ന​ൽ​കു​മെ​ന്ന് അ​വ​ർ ക​രു​തു​ന്ന ഏ​ത് ആ​രോ​ഗ്യ പ്ര​ശ്‌​ന​ങ്ങ​ളി​ലും ക്രി​യേ​റ്റി​വ് ഇ​ൻ​ഫോ​ഗ്രാ​ഫി​ക്‌​സ് രൂ​പ​ക​ൽ​പ​ന ചെ​യ്യാ​ൻ ക​ഴി​യും.