ഗ​സ്സ​യി​ൽ സൗ​ദി പ്ര​സ​വാ​ശു​പ​ത്രി തു​റ​ന്നു

ജി​ദ്ദ: ഇ​സ്രാ​യേ​ലി​ന്റെ ക്രൂ​ര​മാ​യ ആ​ക്ര​മ​ണ​ത്തി​ൽ ദു​രി​തം നേ​രി​ടു​ന്ന ഗ​സ്സ​യി​ലെ ജ​ന​ങ്ങ​ളെ സ​ഹാ​യി​ക്കാ​ൻ​ സൗ​ദി അ​റേ​ബ്യ​യു​ടെ പു​തി​യ പ​ദ്ധ​തി​ക​ൾ. ഗ​സ്സ സി​റ്റി​യി​ലെ അ​ൽ റി​മാ​ൽ ഭാ​ഗ​ത്ത്​ പേ​ഷ്യ​ന്റ്​ ഫ്ര​ണ്ട്സ് ബെ​ന​വ​ല​ന്റ് സൊ​സൈ​റ്റി ആ​ശു​പ​ത്രി​യോ​ട്​ ചേ​ർ​ന്ന്​ സൗ​ദി​യു​ടെ ചാ​രി​റ്റി ഏ​ജ​ൻ​സി കെ.​എ​സ്. റി​ലീ​ഫ്​ പ്ര​സ​വ ആ​ശു​പ​ത്രി തു​റ​ന്നു. ഐ​ക്യ​രാ​ഷ്​​ട്ര​സ​ഭ​യു​ടെ ജ​ന​സം​ഖ്യ നി​ധി​യു​മാ​യി സ​ഹ​ക​രി​ച്ചാ​ണ് പ​ദ്ധ​തി ന​ട​പ്പാ​ക്കി​യ​ത്.

ഗ​സ്സ സി​റ്റി​യി​ൽ 1980ൽ ​സ്ഥാ​പി​ത​മാ​യ പേ​ഷ്യ​ന്റ്​ ഫ്ര​ണ്ട്സ് ബെ​ന​വ​ല​ന്റ് സൊ​സൈ​റ്റി ആ​ശു​പ​ത്രി 2023 ഒ​ക്ടോ​ബ​റി​ൽ തു​ട​ങ്ങി​യ ഇ​സ്രാ​യേ​ൽ സേ​ന​യു​ടെ വി​നാ​ശ​ക​ര​മാ​യ ആ​ക്ര​മ​ണ​ങ്ങ​ൾ​ക്കി​ട​യി​ലും പ്ര​ദേ​ശ​ത്ത് ബാ​ക്കി​യാ​യ ചു​രു​ക്കം ചി​ല ആ​ശു​പ​ത്രി​ക​ളി​ൽ ഒ​ന്നാ​ണ്. ഫ​ല​സ്തീ​ൻ ജ​ന​ത​യെ പി​ന്തു​ണ​ക്കു​ന്ന​തി​നും അ​വ​ർ​ക്ക് ല​ഭ്യ​മാ​യ ആ​രോ​ഗ്യ​സേ​വ​ന​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നും അ​ത് നി​ല​നി​ർ​ത്തു​ന്ന​തി​നു​മു​ള്ള സൗ​ദി​യു​ടെ ശ്ര​മ​ങ്ങ​ളു​ടെ ഭാ​ഗ​മാ​ണ് ഈ ​സം​രം​ഭ​മെ​ന്ന് കെ.​എ​സ്. റി​ലീ​ഫ് വ​ക്താ​വ് പ​റ​ഞ്ഞു.

ഇ​ത്​ കൂ​ടാ​തെ ഫ​ല​സ്തീ​ൻ അ​തോ​റി​റ്റി​ക്ക് മൂ​ന്നു കോ​ടി ഡോ​ള​റി​ന്റെ ധ​ന​സ​ഹാ​യ​വും കൂ​ടി ന​ൽ​കി. ക​ഴി​ഞ്ഞ വ​ർ​ഷം വ​രെ 500 കോ​ടി ഡോ​ള​ർ ന​ൽ​കി​യി​രു​ന്നു. സൗ​ദി​യു​ടെ സ​ഹാ​യം ആ​രോ​ഗ്യ, വി​ദ്യാ​ഭ്യാ​സ മേ​ഖ​ല​ക​ൾ നി​ല​നി​ർ​ത്തു​ന്ന​തി​നു​ള്ള ശ്ര​മ​ങ്ങ​ളി​ൽ നി​ർ​ണാ​യ​ക പ​ങ്കു​വ​ഹി​ച്ച​താ​യി ഫ​ല​സ്തീ​ൻ ഉ​ദ്യോ​ഗ​സ്ഥ​ർ ചൂ​ണ്ടി​ക്കാ​ട്ടി. സൗ​ദി​യു​ടെ തു​ട​ർ​ച്ച​യാ​യ സാ​മ്പ​ത്തി​ക സ​ഹാ​യം ഫ​ല​സ്തീ​ൻ ജ​ന​ത​യു​ടെ ബ​ഹു​മു​ഖ​മാ​യ പു​രോ​ഗ​തി​ക്ക് ഏ​റെ ഫ​ലം ചെ​യ്തു.ഗ​സ്സ​യി​ലെ വി​വി​ധ ആ​ശു​പ​ത്രി​ക​ൾ ന​ട​ത്തു​ന്ന​തി​നും മ​രു​ന്നു​ക​ളും മെ​ഡി​ക്ക​ൽ ഉ​പ​ക​ര​ണ​ങ്ങ​ളും വാ​ങ്ങു​ന്ന​തി​നും സ്കൂ​ളു​ക​ൾ തു​റ​ന്നി​ടു​ന്ന​തി​നും മ​റ്റു അ​വ​ശ്യ​സേ​വ​ന​ങ്ങ​ൾ ന​ൽ​കു​ന്ന​തി​നു​മു​ള്ള ചെ​ല​വു​ക​ൾ വ​ഹി​ക്കാ​ൻ സൗ​ദി അ​ട​ക്ക​മു​ള്ള ജി.​സി.​സി രാ​ജ്യ​ങ്ങ​ളു​ടെ വി​വി​ധ രീ​തി​യി​ലു​ള്ള സ​ഹാ​യ​ങ്ങ​ൾ ഏ​റെ ഉ​പ​ക​രി​ക്കു​ന്ന​താ​യി ഫ​ല​സ്തീ​ൻ അ​തോ​റി​റ്റി വ്യ​ക്ത​മാ​ക്കി.