നയം പരിഷ്​കരിച്ചു; മുഖാവരണം ധരിക്കാത്ത വനിതകൾക്കും റിയാദ്​ കോടതിയിൽ പ്രവേശനം

റിയാദ്​: റിയാദ്​ ജനറൽ കോടതിയിൽ ഇനി മുഖാവരണം ധരിക്കാതെയും വനിതകൾക്ക്​ പ്രവേശിക്കാം. മാന്യമായും കോടതിയിലെ വസ്​ത്രമര്യാദകൾക്ക്​ അനുസരിച്ചും വസ്​ത്രധാരണം ചെയ്​തിട്ടുണ്ടെങ്കിൽ മ​ുഖാവരണം നിർബന്ധമില്ലെന്ന്​ കോടതി അധികൃതർ അറിയിച്ചു. കോടതി പ്രസിഡൻറ്​ കഴിഞ്ഞ വർഷം പുറപ്പെടുവിച്ച സർക്കുലർ ആണ്​ ഇപ്പോൾ പരിഷ്​കരിച്ചത്​. അമാന്യമായും മുഖാവരണം ധരിക്കാതെയും എത്തുന്നവർക്ക്​ പ്രവേശനമുണ്ടാകില്ലെന്നായിരുന്നു പഴയ സർക്കുലർ. അതിൽ നിന്ന്​ മുഖാവരണത്തി​​െൻറ കാര്യം മാത്രം പുതിയ സർക്കുലറിൽ പരിഷ്​കരിക്കുകയായിരുന്നു.