യമൻ തടവുകാരെ കൈമാറൽ: ചര്‍ച്ചക്ക് ജോർഡന്‍ വേദിയാവും

റിയാദ്: യമന്‍ സര്‍ക്കാര്‍ വിഭാഗവും ഹൂതി വിഘടന വാദികളും തമ്മിലുള്ള ചര്‍ച്ചക്ക് ജോർഡൻ ആതിഥ്യം നല്‍കും. തടവുകാരെ കൈമാറാനുള്ള ചര്‍ച്ച അടുത്തയാഴ്ച അമ്മാനില്‍ നടക്കുമെന്ന് ഐക്യരാഷ്​ട്രസഭ പ്രതിനിധി വ്യക്തമാക്കി.

യു.എന്‍ അഭ്യര്‍ഥനയനുസരിച്ച്​ യോഗത്തിന് ആതിഥ്യം നല്‍കാന്‍ ജോർഡന്‍ തയാറാവുകയായിരുന്നു. യമന്‍ പ്രശ്ന പരിഹാരത്തിന് ജോർഡന് പ്രത്യേക താല്‍പര്യമുള്ളതിനാലാണ് യോഗത്തിന് ആതിഥ്യം നല്‍കാന്‍ തീരുമാനിച്ചതെന്ന് ജോർഡന്‍ വിദേശകാര്യ വക്താവ് സുഫിയാന്‍ അല്‍ഖുദാത് പറഞ്ഞു.