സൗ​ദി-​ഇ​റാ​ൻ ന​യ​ത​ന്ത്ര ബ​ന്ധം; കൂ​ടി​ക്കാ​ഴ്ച​ക്ക് സ്ഥ​ലം നി​ർ​ദേ​ശി​ച്ച​താ​യി ഇ​റാ​ൻ വി​ദേ​ശ​കാ​ര്യ മ​ന്ത്രി

റി​യാ​ദ്: സൗ​ദി വി​ദേ​ശ​കാ​ര്യ മ​ന്ത്രി അ​മീ​ർ ഫൈ​സ​ൽ ബി​ൻ ഫ​ർ​ഹാ​നു​മാ​യി സ​മീ​പ​ഭാ​വി​യി​ൽ ത​ന്നെ കൂ​ടി​ക്കാ​ഴ്ച ന​ട​ത്തു​മെ​ന്നും അ​തി​നാ​യി മൂ​ന്നു സ്ഥ​ല​ങ്ങ​ൾ നി​ർ​ദേ​ശി​ച്ചി​ട്ടു​ണ്ടെ​ന്നും ഇ​റാ​ൻ വി​ദേ​ശ​കാ​ര്യ മ​ന്ത്രി ഹു​സൈ​ൻ ആ​മി​ർ അ​ബ്​​ദു​ല്ലാ​ഹി​യ​ൻ പ​റ​ഞ്ഞു.

സൗ​ദി അ​റേ​ബ്യ​യു​മാ​യി ന​യ​ത​ന്ത്ര ത​ല​ത്തി​ൽ ആ​ശ​യ​വി​നി​മ​യം പു​രോ​ഗ​മി​ക്കു​ന്നു​ണ്ടെ​ന്നും അ​തി​​ന്റെ അ​ടി​സ്ഥാ​ന​ത്തി​ൽ ഇ​രു രാ​ജ്യ ത​ല​സ്ഥാ​ന​ങ്ങ​ളി​ലും വീ​ണ്ടും എം​ബ​സി തു​റ​ക്കാ​നു​ള്ള സ​ന്ന​ദ്ധ​ത അ​റി​യി​ച്ചി​ട്ടു​ണ്ടെ​ന്നും അ​ബ്​​ദു​ല്ലാ​ഹി​യ​ൻ പ​റ​ഞ്ഞ​താ​യി ഇ​റാ​നി​യ​ൻ വാ​ർ​ത്ത ഏ​ജ​ൻ​സി​യെ ഉ​ദ്ധ​രി​ച്ച് സൗ​ദി മാ​ധ്യ​മ​ങ്ങ​ൾ റി​പ്പോ​ർ​ട്ട് ചെ​യ്തു.

ന​യ​ത​ന്ത്ര കാ​ര്യാ​ല​യ​ങ്ങ​ൾ തു​റ​ക്കു​ന്ന​തി​നു​ള്ള ത​യാ​റെ​ടു​പ്പി​നാ​യി ഔ​ദ്യോ​ഗി​ക പ്ര​തി​നി​ധി​ക​ളു​ടെ സ​ന്ദ​ർ​ശ​ന ഷെ​ഡ്യൂ​ൾ പ​ര​സ്പ​രം അം​ഗീ​ക​രി​ച്ച​താ​യും ഇ​റാ​ൻ വി​ദേ​ശ​കാ​ര്യ മ​ന്ത്രി കൂ​ട്ടി​ച്ചേ​ർ​ത്തു. വ​ർ​ഷ​ങ്ങ​ൾ നീ​ണ്ട അ​ക​ൽ​ച്ച​ക്കു​ശേ​ഷം ചൈ​ന​യു​ടെ മ​ധ്യ​സ്ഥ​ത​യി​ൽ ന​ട​ന്ന ച​ർ​ച്ച​യെ​ത്തു​ട​ർ​ന്നാ​ണ് ബ​ന്ധം പു​നഃ​സ്ഥാ​പി​ക്കാ​നും ര​ണ്ടു മാ​സ​ത്തി​നു​ള്ളി​ൽ എം​ബ​സി​ക​ൾ വീ​ണ്ടും തു​റ​ക്കാ​നും ഈ 10​ന് ഇ​റാ​നും സൗ​ദി അ​റേ​ബ്യ​യും ധാ​ര​ണ​യി​ലെ​ത്തി​യ​ത്.

അ​തി​നു​ശേ​ഷം പ്ര​മു​ഖ മാ​ധ്യ​മ​ത്തി​ന് അ​നു​വ​ദി​ച്ച അ​ഭി​മു​ഖ​ത്തി​ൽ, ഇ​റാ​ൻ വി​ദേ​ശ​കാ​ര്യ മ​ന്ത്രി​യെ വൈ​കാ​തെ കാ​ണാ​ൻ ക​ഴി​യു​മെ​ന്ന് പ്ര​തീ​ക്ഷി​ക്കു​ന്ന​താ​യി സൗ​ദി വി​ദേ​ശ​കാ​ര്യ മ​ന്ത്രി പ​റ​ഞ്ഞി​രു​ന്നു. യ​മ​നി​ലെ സ്ഥി​തി​ഗ​തി​ക​ൾ ആ ​രാ​ജ്യ​ത്തി​​ന്റെ ആ​ഭ്യ​ന്ത​ര കാ​ര്യ​മാ​ണെ​ന്ന് ഇ​റാ​ൻ മ​ന്ത്രി പ​റ​ഞ്ഞു.

എ​ന്നാ​ൽ, സൗ​ദി അ​റേ​ബ്യ​യു​മാ​യി സ​ഹ​ക​രി​ച്ച് മേ​ഖ​ല​യി​ലെ പ്ര​ശ്‌​ന​ങ്ങ​ൾ പ​രി​ഹ​രി​ക്കാ​നും സ്ഥി​ര​ത കൈ​വ​രി​ക്കാ​നും ത​ങ്ങ​ൾ പ്ര​വ​ർ​ത്തി​ക്കു​മെ​ന്ന് ഇ​റാ​ൻ വി​ദേ​ശ​കാ​ര്യ മ​ന്ത്രി വ്യ​ക്ത​മാ​ക്കി. അ​യ​ൽ രാ​ജ്യ​ങ്ങ​ളി​ൽ​നി​ന്ന് ത​ങ്ങ​ളു​ടെ സു​ര​ക്ഷ​ക്ക്​ ഭീ​ഷ​ണി​യാ​യ കാ​ര്യ​ങ്ങ​ളെ ഒ​രു​നി​ല​ക്കും അം​ഗീ​ക​രി​ക്കാ​ൻ ക​ഴി​യി​ല്ലെ​ന്നും അ​ബ്​​ദു​ല്ലാ​ഹി​യ​ൻ കൂ​ട്ടി​ച്ചേ​ർ​ത്തു.