Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightGulfchevron_rightSaudi Arabiachevron_rightസൗദിയിൽ കർഫ്യൂ...

സൗദിയിൽ കർഫ്യൂ ഇളവുള്ളവർക്ക്​ ഏകീകൃത പാസ്​ നാളെ മുതൽ

text_fields
bookmark_border
സൗദിയിൽ കർഫ്യൂ ഇളവുള്ളവർക്ക്​ ഏകീകൃത പാസ്​ നാളെ മുതൽ
cancel

റിയാദ്​: കർഫ്യൂവിൽനിന്ന്​ ഒഴിവാക്കിയ മേഖലകളിൽ ജോലി ചെയ്യുന്നവർക്ക്​ പുറത്തിറങ്ങാൻ വിഭാഗം തിരിക്കാതെ ഏകീക ൃത പാസ്​ നൽകുമെന്ന്​ സൗദി ആഭ്യന്തര മന്ത്രാലയം. റിയാദിലാണ്​ ആദ്യഘട്ടത്തിൽ ഇത്​ നടപ്പാക്കുക. തിങ്കളാഴ്​ച ഉച്ചക ഴിഞ്ഞ്​ മൂന്നുമുതൽ ഇൗ പാസ്​ പ്രാബല്യത്തിലാകും. നേരത്തെ ലഭിച്ച പാസുകളെല്ലാം അസാധുവാകും.

കമ്പനികളോ വിഭാഗങ്ങളോ ഒന്നും വ്യത്യാസമില്ലാതെ ഒറ്റ പാസെന്ന തീരുമാനമാണ്​ നടപ്പാകുന്നത്​. ഇളവി​​െൻറ മറവിൽ റോഡുകളിൽ വാഹനങ്ങൾ കൂടിയ പശ്ചാത്തലത്തിലാണ്​ സഞ്ചാരം നിയന്ത്രിക്കുക എന്ന ലക്ഷ്യ​ത്തോടെ ഏകീകൃത പാസ്​ നടപ്പാക്കുന്നത്​. സർക്കാര്‍ മേഖലയില്‍ ജോലി ചെയ്യുന്നവർക്കുള്ള പാസില്‍ അതത് വകുപ്പ് മേധാവികളും ആഭ്യന്തരമന്ത്രാലയത്തിലെ പ്രത്യേക സമിതിയുമാണ്​ ഒപ്പുവെക്കേണ്ടത്​.

കമ്പനികളിലേക്ക്​ തൊഴിലാളികളെ കൊണ്ടുപോകുന്ന ബസിൽ ഡ്രൈവർക്ക്​ മാത്രം പാസ്​ മതിയാകും. ബസിൽ ഉൾക്കൊള്ളാൻ കഴിയുന്നതി​​െൻറ പകുതിപേരെ മാത്രമേ കൊണ്ടുപോകാൻ പാടുള്ളൂ. യാത്ര ചെയ്യുന്ന കോവിഡ്​ പ്രതിരോധത്തിന്​ ആരോഗ്യമന്ത്രാലയം നിർദേശിച്ച മുഴുവൻ സുരക്ഷ മുൻകരുതലുകളും സ്വീകരിക്കണം. കർഫ്യൂ ലംഘനം നടത്തിയാൽ ആദ്യതവണ 10,000 റിയാൽ പിഴ, രണ്ടാം തവണ 20,000 റിയാൽ പിഴ, മൂന്നാം തവണ ജയിൽ എന്നീ ശിക്ഷാനടപടി നേരി​േടണ്ടിവരുമെന്നും ആഭ്യന്തര മന്ത്രാലയം മുന്നറിയിപ്പ്​ നൽകി.

Show Full Article
TAGS:covid curfew saudi arabia gulf news 
Next Story