അ​ടി​യ​ന്ത​ര ചി​കി​ത്സ​ക്ക് ഇ​ന്‍ഷു​റ​ന്‍സ് ക​മ്പ​നി​ക​ളു​ടെ അ​നു​മ​തി​ക്ക്​ കാ​ത്തി​രി​ക്കേ​ണ്ട -ഇ​ൻ​ഷു​റ​ൻ​സ്​ കൗ​ൺ​സി​ൽ

റി​യാ​ദ്​: ചി​കി​ത്സ ന​ട​ത്തേ​ണ്ട അ​ടി​യ​ന്ത​ര സാ​ഹ​ച​ര്യ​മു​ണ്ടാ​വു​േ​മ്പാ​ൾ ഇ​ൻ​ഷു​റ​ൻ​സ് ക​മ്പ​നി​യു​ടെ അ​നു​മ​തി​ക്കാ​യി കാ​ത്തി​രി​ക്കേ​ണ്ട ആ​വ​ശ്യ​മി​ല്ലെ​ന്ന് സൗ​ദി​ ഹെ​ൽ​ത്ത്​ ഇ​ൻ​ഷു​റ​ൻ​സ് കൗ​ൺ​സി​ൽ അ​റി​യി​ച്ചു. രോ​ഗി​യെ അ​ഡ്​​മി​റ്റ്​ ചെ​യ്യു​ന്ന സ​മ​യ​ത്ത്​ ഇ​ൻ​ഷു​റ​ൻ​സ്​ ക​മ്പ​നി​യു​ടെ അ​പ്രൂ​വ​ൽ കി​ട്ടാ​ൻ ആ​ശു​പ​ത്രി​ക​ളും മെ​ഡി​ക്ക​ൽ ക്ലി​നി​ക്കു​ക​ളും കാ​ത്തി​രി​ക്കാ​റു​ണ്ട്.

എ​ന്നാ​ൽ അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ അ​തി​​ന്റെ ആ​വ​ശ്യ​മി​ല്ലെ​ന്നാ​ണ്​ കൗ​ൺ​സി​ൽ വ്യ​ക്ത​മാ​ക്കി​യ​ത്. 500 റി​യാ​ലി​ല്‍ കു​റ​വ് ചെ​ല​വ് വ​രു​ന്ന ചി​കി​ത്സ​ക്കും ഇ​ന്‍ഷു​റ​ന്‍സ് ക​മ്പ​നി​ക​ളി​ല്‍നി​ന്ന് മു​ന്‍കൂ​ട്ടി അ​പ്രൂ​വ​ല്‍ നേ​ട​ല്‍ നി​ര്‍ബ​ന്ധ​മ​ല്ല. ആ​ദ്യ ത​വ​ണ ഡോ​ക്ട​ര്‍ പ​രി​ശോ​ധി​ച്ച് 14 ദി​വ​സ​ത്തി​നു​ള്ളി​ല്‍ സൗ​ജ​ന്യ​മാ​യി ത​ന്നെ വീ​ണ്ടും ഡോ​ക്ട​റെ കാ​ണാ​ന്‍ ആ​രോ​ഗ്യ ഇ​ൻ​ഷു​റ​ൻ​സി​​ന്റെ ഗു​ണ​ഭോ​ക്താ​വി​ന് അ​ർ​ഹ​ത​യു​ണ്ട്. രാ​ജ്യ​ത്ത്​ ആ​രോ​ഗ്യ ഇ​ൻ​ഷു​റ​ൻ​സ് പാ​ലി​ക്ക​പ്പെ​ടു​ന്ന​തി​ന്റെ നി​ര​ക്ക് ഏ​ക​ദേ​ശം 90 ശ​ത​മാ​ന​മാ​യി. സ്വ​കാ​ര്യ ആ​രോ​ഗ്യ ഇ​ൻ​ഷു​റ​ൻ​സ്​ ക​മ്പ​നി​ക​ളി​ൽ ആ​കെ ഇ​ൻ​ഷൂ​ർ ചെ​യ്ത ആ​ളു​ക​ളു​ടെ എ​ണ്ണം 1.209 കോ​ടി​യാ​ണ്. ഇ​തി​ൽ സൗ​ദി പൗ​ര​രു​ടെ എ​ണ്ണം 41.1 ല​ക്ഷ​വും വി​ദേ​ശി​ക​ൾ 79.7 ല​ക്ഷ​വു​മാ​ണ്. ആ​രോ​ഗ്യ മ​ന്ത്രാ​ല​യ​ത്തി​​ന്റെ ലൈ​സ​ൻ​സു​ള്ള​തും ആ​രോ​ഗ്യ ഇ​ൻ​ഷു​റ​ൻ​സ് കൗ​ൺ​സി​ൽ അം​ഗീ​ക​രി​ച്ച​തു​മാ​യ കേ​ന്ദ്ര​ങ്ങ​ളി​ൽ വി​ദൂ​ര സം​വി​ധാ​ന​ത്തി​ലൂ​ടെ ന​ൽ​കു​ന്ന ആ​രോ​ഗ്യ പ​രി​ര​ക്ഷാ സേ​വ​ന​ങ്ങ​ൾ ആ​രോ​ഗ്യ ഇ​ൻ​ഷു​റ​ൻ​സ് പോ​ളി​സി​യി​ൽ ഉ​ൾ​പ്പെ​ടു​മെ​ന്നും കൗ​ൺ​സി​ൽ വ്യ​ക്ത​മാ​ക്കി.