അറഫ പ്രഭാഷണം​ ശൈഖ്​ മുഹമ്മദ്​ ബിൻ ഹസൻ ആലു ശൈഖ്​ നിർവഹിക്കും

ജിദ്ദ: അറഫ പ്രഭാഷണം​ ശൈഖ്​ മുഹമ്മദ്​ ബിൻ ഹസൻ ആലു ശൈഖ്​ നിർവഹിക്കുമെന്ന്​ മക്ക ഗവർണറേറ്റ്​ അറിയിച്ചു​. മുതിർന് ന പണ്ഡിത സഭാംഗവും ഖാദിമുൽ ഹറമൈൻ ഹദീസ്​ ​​സമുച്ചയം മേധാവിയുമാണ്​ ഇദ്ദേഹം. മുൻ ഫത്​വ ബോർഡംഗമാണ്​. പത്ത്​ വർഷത്തോളം ശരീഅ കോളജ്​ അധ്യാപകനായിരുന്നു. റിയാദ്​ പ്രവിശ്യ ഒൗഖാഫ്​ കൗൺസിൽ പ്രസിഡൻറ്​, ദീര മസ്​ജിദ്​ ഇമാം എന്നീ നിലകളിലും സേവനമനുഷ്​ഠിക്കുന്നു. ശൈഖ്​ മുഹമ്മദ്​ ബിൻ അബ്​ദുൽ വഹാബി​​െൻറ പേരമകനാണ്​. ഇമാം മുഹമ്മദ്​ ബിൻ സഉൗദ്​ ഇസ്​ലാമിക്​ യൂണിവേഴ്​​സിറ്റി ശരീഅ കോളജിൽ നിന്ന്​ ബിരുദവും സുപ്രീം ജുഡീഷ്യൽ ഇൻസ്​റ്റിറ്റ്യൂട്ടിൽ നിന്ന്​ ബിരുദാനന്തരബിരുദവും നേടിയിട്ടുണ്ട്​.