സൗദി യുദ്ധക്കപ്പലുകൾ നിർമിക്കുന്നു; നവാൻറിയയുമായി കരാർ

ജിദ്ദ: അഞ്ച്​ അത്യാധുനിക യുദ്ധക്കപ്പലുകൾ നിർമിക്കാൻ സ്​ാപനിഷ്​ കമ്പനിയായ നവാൻറിയയുമായി സൗദി ​അറേബ്യ കരാറിലെത്തി. ദേശീയ ആയുധ നിർമാണ കമ്പനി സൗദി അറേബ്യൻ മിലിറ്ററി ഇൻഡസ്​ട്രീസാണ്​ (സാമി) സംയുക്​ത സംരംഭത്തിന്​ ഒരുങ്ങുന്നത്​. സൗദിക്ക്​ യുദ്ധക്കപ്പലുകൾ നൽകാൻ നവാൻറിയയുമായി ഏപ്രിലിൽ ഉണ്ടാക്കിയ 220 കോടി ഡോളറി​​​െൻറ വിശാല ധാരണയുടെ ഭാഗമാണിത്​. സ്​പെയിൻ സർക്കാർ ഉടമസ്​ഥതയിലുള്ള ലോകോത്തര കപ്പൽ നിർമാണ കമ്പനിയാണ്​ മാ​ഡ്രിഡ്​ ആസ്​ഥാനമായ നവാൻറിയ. 
അഞ്ച്​ ‘അവാ​​​െൻറ 2200 കോർവെറ്റ്​’ പടക്കപ്പലുകളാണ്​ ‘സാമി’യും നവാൻറിയയും സംയുക്​തമായി നിർമിക്കുക. ഒക്​ടോബറോടെ ഇതി​​​െൻറ നടപടികൾ ആരംഭിക്കും. അവസാന കപ്പൽ 2022 ൽ പുറത്തിറക്കും. 

വിഷൻ 2030 ൽ പ്രതിരോധ വകുപ്പിന്​ വേണ്ട ആയുധനിർമാണം തദ്ദേശീയമായി പ്രോത്സാഹിപ്പിക്കണമെന്ന നയത്തി​​​െൻറ അടിസ്​ഥാനത്തിലാണ്​ തീരുമാനം. ഇൗ കരാർ വഴി അഞ്ചുവർഷത്തേക്ക്​ നേരിട്ടും, പരോക്ഷമായും 6,000 തൊഴിൽ അവസരങ്ങളാകും സൃഷ്​ടിക്കപ്പെടുക.  2030 ഒാടെ രാജ്യത്തി​​​െൻറ മൊത്തം ആഭ്യന്തര ഉൽപാദനത്തിൽ 14 ശതകോടി റിയാലി​​​െൻറ സംഭാവനയാണ്​ ‘സാമി’യുടെ വകയായി പ്രതീക്ഷിക്കുന്നത്​.