അറബ്​ ഉച്ചകോടി: പ്രാരംഭയോഗം റിയാദിൽ തുടങ്ങി

റിയാദ്​:  29ാ മത്​ അറബ്​ ഉച്ചകോടിക്ക്​ മുന്നോടിയായി ഉന്നതതല പ്രാരംഭ യോഗം റിയാദിൽ തുടങ്ങി. സെക്രട്ടറിമാരും സ്​ഥിരം പ്രതിനിധികളുമടങ്ങുന്ന ജനറൽ സെക്രട്ടറിയേറ്റ്​ യോഗമാണ്​ നടക്കുന്നത്​​ എന്ന്​ അറബ്​ലീഗ്​ വക്​താവ്​ മുഹമ്മദ്​ അഫീഫി പറഞ്ഞു. അറബ്​ ലീഗ്​ ​െസക്രട്ടറി ജനറൽ ഹുസ്സാം സാകി  ഞായറാഴ്​ച തന്നെ റിയാദിലെത്തിയിരുന്നു. വ്യാഴാഴ്​ചയാണ്​ യോഗം അവസാനിക്കുക. മന്ത്രിമാരും ഉന്നത വക്​താക്കളും യോഗത്തിൽ സംബന്ധിക്കും. 
ഇൗ മാസം 15^ന്​ ദഹ്​റാനിലാണ്​ ഉച്ചകോടി​. അറബ്​ രാഷ്​ട്ര നേതാക്കളൂം ഭരണാധികാരികളും യോഗത്തിൽ സംബന്ധിക്കും. മേഖലയിൽ ഇറാൻ സൃഷ്​ടിക്കുന്ന പ്രശ്​നങ്ങൾ, ഇസ്രായേൽ^പലസതീൻ തർക്കം, സിറിയ, യമൻ, മേഖലയിലെ ​തീവ്രവാദ വിരുദ്ധ നടപടികൾ   തുടങ്ങിയ വിഷയങ്ങളിൽ  അറബ്​ സമ്മിറ്റിൽ ഗൗരവ ചർച്ച നടക്കുമെന്ന്​ നിരീക്ഷകർ വിലയിരുത്തുന്നു. 

ഖത്തറുമായി വിവിധ അറബ്​ രാജ്യങ്ങൾ നയതന്ത്ര ബന്ധം വേർപെടുത്തിയതിന്​ ശേഷമുള്ള ആദ്യ അറബ്​ ഉച്ചകോടിക്കാണ്​ ദമ്മാമിൽ വേദിയൊരുങ്ങുന്നത്​. ഇസ്രായേലിന്​  യു.എൻ സെക്യുരിറ്റി കൗൺസിലിൽ പ്രാതിനിധ്യം ലഭിക്കുന്നതിനെ എതിർക്കാനുള്ള ശക്​തമായ തീരുമാനം ഉച്ചകോടിയിൽ ഉണ്ടാകുമെന്നാണ്​ പ്രതീക്ഷിക്കുന്നത്​. കഴിഞ്ഞ വർഷം മാർച്ച്​ 29^ന്​ ജോർഡനിലായിരുന്നു സമ്മേളനം. 22 രാജ്യങ്ങളാണ്​ ഇതിൽ പ​െങ്കടുത്തിരുന്നത്​. സൗദി അറേബ്യക്ക്​ നേരെ ഇറാൻ സഹായത്തോടെ യമനിലെ ഹൂതികൾ നിരന്തരമായ ആക്രമണം നടത്തുന്ന പശ്​ചാത്തലത്തിലാണ്​ 29ാമത്​ അറബ്​ സമ്മിറ്റ്​ നടക്കാൻ പോകുന്നത്​.  ഏപ്രിൽ 14 ^ന്​ വിവിധ രാഷ്​ട്ര നേതാക്കൾ സൗദിയിലെത്തും. ഉച്ചകോടിയിൽ പ​െങ്കടുക്കുന്നതിന്​ സൽമാൻ രാജാവ്​ രാഷ്​ട്ര നേതാക്കൾക്ക്​ ക്ഷണക്കത്തയച്ചിരുന്നു.