അൽഉല, ഒാർകസ്​ട്ര; സൗദി-​ ഫ്രഞ്ച്​  സാംസ്​കാരിക സഹകരണം പുതിയ തലങ്ങളിൽ

ജിദ്ദ: ഫ്രാൻസ്​ സന്ദർശിക്കുന്ന സൗദി കിരീടാവകാശിയുടെ ചർച്ചകളിൽ നിറഞ്ഞുനിൽക്കുന്നത്​ സാംസ്​കാരിക സഹകരണം. സൗദി അറേബ്യക്ക്​ ദേശീയ ഒാർകസ്​ട്രയും ഒാപറ ഹൗസും സംവിധാനിക്കുന്നതിനുള്ള കരാറിന്​ തിങ്കളാഴ്​ച ഒപ്പുവെച്ചു. കല,സാംസ്​കാരിക സഹകരണത്തിനുള്ള കൂടുതൽ കരാറുകൾ വേറെയും വരാനിരിക്കുന്നുവെന്ന്​ കിരീടാവകാശിയുടെ സംഘാംഗം പറഞ്ഞു. ദേശീയ ഒാർകസ്​ട്രക്കും ഒാപറക്കും സൗദിയെ സഹായിക്കുക പാരീസ്​ ഒാപറ ആയിരിക്കുമെന്ന്​ ഫ്രഞ്ച്​ സാംസ്​കാരിക മന്ത്രി ഫ്രാ​േങ്കായിസ്​ നിസ്സെൻ പറഞ്ഞു. സൗദി സാംസ്​കാരിക മന്ത്രി അവ്വാധ്​ അൽഅവ്വാധിനൊപ്പം കരാർ ഒപ്പുവെച്ചശേഷം സംസാരിക്കുകയായിരുന്നു അവർ. 

ഫ്രഞ്ച്​ സാംസ്​കാരിക മന്ത്രാലയത്തി​​​െൻറ ആഭിമുഖ്യത്തിൽ 1967 ൽ പ്രശസ്​ത സിംഫണി കണ്ടക്​ടർ ചാൾസ്​ മഞ്ച്​ സ്​ഥാപിച്ചതാണ്​ പാരീസ്​ ഒാർകസ്​ട്ര. യൂറോപ്പിലെ എണ്ണംപറഞ്ഞ സംഗീതജ്​ഞരായ സർ ജോർജ്​ സോൽറ്റി, ഡാനിയൻ ബാരൻ​േബായിം, സിമിയോൺ ബൈഖോവ്​ തുടങ്ങിയവരൊ​ക്കെ പലകാലങ്ങളിൽ ഇതി​​​െൻറ അമരത്തുണ്ടായിരുന്നു. ബ്രിട്ടീഷ്​ കണ്ടക്​ടർ ഡാനിയൽ ഹാർഡിങ്​ ആണ്​ ഇപ്പോ​ഴത്തെ പ്രിൻസിപ്പൽ കണ്ടക്​ടർ. പാരീസ്​ ഒാർകസ്​ട്രയുടെ സഹായം സൗദിക്ക്​ ലഭിക്കുന്നത്​ വലിയ നേട്ടമായാണ്​ കലാരംഗത്തുള്ളവർ വിലയിരുത്തുന്നത്​. റിയാദിൽ ഇൗമാസം 18 ന്​ തുറക്കാനിരിക്കുന്ന കിങ്​ അബ്​ദുല്ല ഫിനാൻഷ്യൽ ഡിസ്​ട്രിക്​ടിലെ തിയറ്റർ സിംഫണി കൺസേർട്ട്​ ഹാൾ എന്ന നിലയിലാണ്​ ആദ്യം നിർമിച്ചത്​. പിന്നീടാണ്​ എ.എം.സിയുടെ മുൻകൈയിൽ തിയറ്ററാക്കി മാറ്റിയത്​. 

കിരീടാവകാശിയുടെ ഫ്രാൻസിലെ ചർച്ചകളിൽ ഉൗർജം, കൃഷി, ടൂറിസം, സാംസ്​കാരികം തുടങ്ങിയ മേഖലകളിലാണ്​ കരാറുകൾ ഒപ്പിടുക. ചൊവ്വാഴ്​ച നടക്കുന്ന സൗദി^ഫ്രാൻസ്​ സി.ഇ.ഒ ഫോറത്തിൽ കൂടുതൽ ധാരണകൾ ഉരുത്തിരിയും. പുരാവസ്​തു രംഗത്തെ സൗദിയുടെ അഭിമാനവും യുനെസ്​കോ പൈതൃകസ്​ഥാന പട്ടികയിലുള്ളതുമായ മദായിൻ സ്വാലിഹ്​ ഉൾപ്പെടുന്ന അൽഉലയുടെ വികസനമാണ്​ ഇതിൽ പ്രധാനം. അഞ്ചുസഹസ്രാബ്​ദത്തോളം പഴക്കമുള്ള ഇവിടത്തെ പുരാവസ്​തുശേഷിപ്പുകളെ വലിയൊരു ഒാപൺ എയർ മ്യൂസിയം ആക്കി മാറ്റാനാണ്​ ആലോചിക്കുന്നത്​. രാജകീയ ഉത്തരവ്​ വഴി അൽഉല റോയൽ കമീഷൻ കഴിഞ്ഞ ജൂണിൽ സ്​ഥാപിച്ചിരുന്നു. അൽഉലയുടെ വികസനത്തിന്​ ഫ്രാൻസിനേക്കാളും മികച്ചൊരു പങ്കാളിയെ കണ്ടെത്താനാകി​െല്ലന്ന്​ കിരീടാവകാശിയുടെ സംഘാംഗം അറബ്​ ന്യൂസിനോട്​ പറഞ്ഞു. സൗദിയുടെ പുരാവസ്​തു, സാംസ്​കാരിക പദ്ധതികളിൽ ഫ്രഞ്ച്​ മികവിനെ​ ഞങ്ങൾ ഉപയോഗപ്പെടുത്തുകയാണ്​. അതിലെ മുഖ്യ പദ്ധതിയാണ്​ അൽഉല വികസനം. ^ അദ്ദേഹം പറഞ്ഞു. 

മൊറോക്കോയിയെ മരാകേഷ്​ നഗരത്തി​​​െൻറ പുനർനവീകരണം ഗംഭീരമായി പൂർത്തിയാക്കിയത്​ ഫ്രാൻസ്​ ആണ്​. ഇതുപരിഗണിച്ചാണ്​ അൽഉലയിലും ഫ്രഞ്ച്​ സംഘത്തെ കൊണ്ടുവരുന്നത്​. സൗദി^ഫ്രഞ്ച്​ സഹകരണം അത്​ഭുതങ്ങൾ സൃഷ്​ടിക്കുമെന്ന്​ പ്രതീക്ഷിക്കുന്നതായും സംഘാംഗം പറഞ്ഞു. അഭിമാന പദ്ധതിയായാണ്​ ഫ്രാൻസും അൽഉലയെ കണക്കാക്കുന്നത്​. വിവിധ ഫ്രഞ്ച്​ കമ്പനികളുടെ അമരക്കാരനായിരുന്ന ജെറാർഡ്​ ​മിസ്​ലെറ്റിനെ അൽഉല പദ്ധതിയുടെ പ്രത്യേക സ്​ഥാനപതിയായും ഫ്രാൻസ്​ നിശ്​ചയിച്ചുകഴിഞ്ഞു. പദ്ധതിയുടെ പൂർണവിവരങ്ങൾ പാരീസിൽ നടക്കുന്ന വർണശബളമായ പരിപാടിയിൽ വെച്ച്​ പ്രഖ്യാപിക്കും.