​േക്ലാസ്​ ക്ലീൻഫെൽഡ്​ ഇനി കിരീടാവകാശിയുടെ ഉപദേശകൻ

ജിദ്ദ: സൗദി അറേബ്യയുടെ സ്വപ്​ന പദ്ധതിയായ ‘നിയോ’മി​​െൻറ സി.ഇ.ഒ ആയിരുന്ന ഡോ. ക്ലോസ്​ ക്ലീൻഫെൽഡിനെ കിരീടാവകാശി അമീർ മുഹമ്മദ്​ ബിൻ സൽമാ​​െൻറ ഉപദേശകനായി നിയമിച്ചു. ആഗസ്​റ്റ്​ ഒന്നിന്​ അദ്ദേഹം ചുമതലയേൽക്കും. സൗദി അരാംകോയിലും കിങ്​ അബ്​ദുല്ല യൂനിവേഴ്​സിറ്റി ഒാഫ്​ സയൻസ്​ ആൻഡ്​ ടെക്​​േനാളജിയിലും ദീർഘകാലത്തെ അനുഭവ സമ്പത്തുള്ള നദ്​മി അന്നസ്​ർ ആണ്​ നിയോമി​​െൻറ പുതിയ സി.ഇ.ഒ. 
സൗദി അറേബ്യയുടെ സാമ്പത്തിക, സാ​േങ്കതിക വികസനത്തിനുള്ള വിശാലമായ ഉത്തരവാദിത്തമാണ്​ ഡോ. ക്ലോസ്​ ക്ലീൻഫെൽഡിന്​ നൽകുന്നതെന്ന്​ സൗദി പ്രസ്​ ഏജൻസി അറിയിച്ചു. ജർമനി സ്വദേശിയായ ഡോ. ​ക്ലോസ്​, അലുമിനിയം കമ്പനി ഒാഫ്​ അമേരിക്കയുടെ (ആർകോണിക്​) മുൻ ചെയർമാനും ജർമൻ കമ്പനിയായ സീമെൻസ്​ എ.ജിയുടെ മുൻ പ്രസിഡൻറുമാണ്​.

ആർകോണികിൽ നിന്ന്​ കഴിഞ്ഞവർഷം ഏപ്രിലിൽ രാജി​വെച്ച അദ്ദേഹം ഒക്​ടോബറിൽ ആണ്​ നിയോമിൽ നിയമിതനായത്​. 60 വയസുകാരനായ അദ്ദേഹം ലോകത്തെ അറിയപ്പെടുന്ന മാനേജ്​മ​െൻറ്​ വിദഗ്​ധരിൽ മുൻനിരക്കാരനാണ്​.രാജ്യത്തി​​െൻറ സാമ്പത്തിക വികസന കാര്യങ്ങളിൽ വൈവിധ്യവത്​കരണത്തിനുള്ള ചുക്കാൻ പിടിക്കുകയെന്നതാണ്​ ഡോ. ക്ലോസ്​ ക്ലീൻഫെൽഡി​​െൻറ പുതിയ ദൗത്യം. വിഷൻ 2030 ​​െൻറ അടിസ്​ഥാനത്തിൽ രാജ്യത്തെ പുരോഗതിയിലേക്കും സമൃദ്ധിയിലേക്കും നയിക്കാനുള്ള കിരീടാവകാശിയുടെ വിശാല ലക്ഷ്യങ്ങളിൽ അദ്ദേഹത്തെ സഹായിക്കാനും ഡോ. ക്ലീൻഫെൽഡ്​ ഉണ്ടാകും.